يابنات دى طريقة القرص بالعجوة او كعب الغزال والله باعملها من اكتر من10 سنين وبجد روعة
المقادير
5كوب دقيق_كوب سمن_كوب زيت_3م ك حليب بودرة_3بيضة_م ص ينسون مطحون وزيها شمر مطحون_2م سمسم_م ك خميرة فورية
للحشو
تمر مهروس ومدعوك مع م سمن ويشكل اصلبع وكور صغيرة
للوجه
شوية حليب عليم رشة نسكافيه بتدى لون حلو اوى _سمسم
الطريقة
تضاف المواد الجافة مع بعض ونعمل حفرة فى الوسط وننزل بالسمن السايح والزيت والبيض المخفوق مع الفانيليا ونضيف ماء بالتدريج لحد ماتتلم العجينة وتترك حتى تخمر
وبعد ماتخمر ناخد جزء نعمله مستطيل ونحط فى الوسط اصابع التمر ونلف المستطيل ونقطعه بالورب
ولو عاوزين نعمل شكل القرص ناخد قطعة نعملها كورة ونفتحها ونحشيها بكورة من التمر ونقفلها ونبططها بسيط
يرص على صوانى مدهونة ويلمع الوجه بالحليب والنسكافيه ويرش بالسمسم ويخبز
للاسف ماعنديش صورة حاليا انا كنت عاملة موضوع فى مكان تانى وبالصور وحاولت اجيب الصور من هناك بس المنتدى بقاله يومين مش شغال ما اعرفش ليه
عموما انا باعمله كتير وان شاء الله قريب اعمله وانزل الصور

مها
تسلم ايديكى ياقمر الصور كلها تحفة

ام حازم ربنا يكرمك يارب على طريقه القرص انا فعلا عاوزاها من زمان تسلم ايدك يا حبيبتى
بس كنت عاوزه اسالك سؤال هو الكميه دى بتعمل قد ايه قرص سواء بالعدد او الكيلو عشان اعرف بس لانى انتى عارفه مفيش غيرى انا وجوزى ويوسف فعاوزه كميه صغيره عشان متخربش