madam_mohd :

بصي يا امير قولي بسم الله كده وهقولك شويه حاجات يمكن تفيدك. الفراخ البانيه: فراخ بانيه هتغسليهم زي الفراخ عادي بالملح والخل والدقيق وتتسبيهم ينزلو ميتهم وبعد ما يتصفوا هتحطي ميه بصله كبيره مع فلفل اسود ملح عصير نصف ليمونه وحليب حوالي نصف كوب وبيضه انا بعمل كده وبقلب معاهم دقيق لحد ما يبقي متماسكين كده وارصهم في طبق وعلي الفريزر طلعيهم قبل ما تروحي الشغل ولما ترجعي علي البقسماط واقلي. ممكن بقي معاهم بطاطس محمره او مكرونه او ملوخيه الملوخيه اعمليها زي ما بتعمليها عادي من غير التوم وطلعيها برده الصبح تفك علي ما ترجعي طشي فيها التوم والكسبره بقي عندك فراخ بانيه وملوخيه وارز ادي وجبه او فراخ وبطاطس او فراخ ومكرونه. البفتيك نفس الشي بي من غير ملوخيه طبعا. نيجي بقي للفراخ بعضم هاتي الفرخه واغسليها سبيها تتصفي وحطي عليها بطله مبشوره قوي ناعم متفتتفت معاها ورقه لورا فص حبهان ملح فلفل اسود وتحت الجلد وحطي وفي طبق وزقيها علي الفريزر . دي بقي ممكن نقطع تحتها بطاطس وتبقي صنيه بطاطس او تتعمل وجمبها رز بالمليرز او ارز بسمتي بالخضار . همبرجر بيتي نصف كيلو لحم مفروم عليهم كيس خلطه الهمبرجر بتاع الطباخ سبايسي وشكليهم وعلي التلاجه برده وطبعا اعملي جمبهم مكرونه محمره او مكرونه بالصلصه او شبس. كفته الحاتي بطريقه ابله دينا لحمه 70 في الميه احمر مفروم معاها دهن 30 في الميه تحطي عليها ملح وفلفل اسود حبه بقدونس صغيرين تبشري بصله كبيره او اتنيين صغيرين وتعصريهم وتنزلي ميتهم في طبق نزلي ايدك فيها وخدي حته لحمه ولفيها علي عيدان الشوي وهكذا رصيها في طبق وعلي الفريزر. شيش طاووك التتبيله بصل شرايح توم شرايح كوبايه زبادي ملح فلفل اسود بابريكا صويا صوص روزماري عصير نص ليمونه معلقه حلوه كاتشب وسبيهم في التتبيله وعلي طبق لما ترجعي سيخيهم مع الفلفل الاخضر والطاطك واشوي . الصواني صنيه رقاق ممكن تجيبي رقاق طري وتعصجي اللحمه وتلفيه زي ابله دينا ما كانت عملاه. مكرونه بالبشاميل . لازانيا . كوسه بالبشاميل. مسقعه. جلاش بخلطه البيتزا. ممبار لو بتعرفي تعمليه . كباب حاه . محشي انا بعمله واحشيه واحطه في اطباق بيقعد عندي بالشهور. كانيلوني. ممكن دبابيس فراخ واعمليها زي الكباب حله. الخضار اعملي اي خضار وحطيه في المونيوم ولما تعوزيه طلعيه وعلي الفرن كانك لسه عملاه جمبه شويه رز وسلطه لو افتكرت حاجه تانيه هقولك

بصي يا امير قولي بسم الله كده وهقولك شويه حاجات يمكن تفيدك. الفراخ البانيه: فراخ بانيه هتغسليهم...