اخص عليكى يا لوليتا يعنى هاتجرى تجيبى السمنه ومش تسألى عنى طب قولى ايه كلمه تجبرى بخاطرى عشان ماحقدش عليكم متخافيش مش هامسك فيها ههههههه يالا بالهنا والشفا حبيبتى بس بمناسبة البتوجاز والفرن بتاع يونفرسال انا لسه جايباه السنه اللى فاتت وشغال ميه ميه والفرن بتاعه تحفه فى الكيك والمعجنات انا بسوى الكيك على 180 نص ساعه بالكتير وبيطلع جميل وبعدين هو فعلا اول ما بسخنه بيكون عالى وبعد كده بيوطى شويه وده طبيعى لانه فى الاول بيسخن الفرن وبعد كده بيظبط درجة حرارته وبيثبته عند الدرجه المناسبه ودى ميزه فيه مش عيب حبيبتى انتى بس يمكن مش عارفاله لسه انتى لسه جيباه جديد ولا ايه ؟؟؟ انا اول ماجبته كنت كده واستغربت وبعد كده فهمت الموضوع حاولى بس تزبطى الاول درجة حرارته على حسب الوصفه ويوطى او مايوطاش مش تدخلى وتعلى درجة حرارته لان صعب اللى بتقوليه كيكه على 220 لمده كام لاااا صعب اوى يا لولى جربى تانى كده وقوليلى ده لو نفس الفرن اللى عندى لان خساره فعلا

امانى يا حبية قلبى انا شكرتك والله وحياة ربنا اجيب لك معايا بس مش هلاقيها انا كل يوم فى سبينس اصلا والاسبوع ايلى فات كنت هناك يمكن البنمات قصدهم حاجه تانى طب هشوف واقولكم احتمال اروح الخميس ان شاء الله

بالنسبة للفرن انا عندى بوتجاز مش فرن منفصل البوتجاز يقه ياسيتى بقاله سنه ونصف من ساعة ما اتجوزت والرجل بتاع الصيانة جبتة مره قالى اول ما تشغليه تعلى النار على الاخر لمدة ربع ساعة وبعدين هاتى درجة الحرارة المطلوبة ودخلى الحاجه هو قالى كده بس انا بخاف اجيب الحرارة على اعلى حاجه وبعدين انا شايلة الصاجه عشان يسوى الحاجة انتى عاملة كده ؟

عاوزة اسالك انتى كمان بتنظفى الفرن ارضية الفرن ايلى تحت الصاجة الاخيرة اما تشيليها اذذاى انا عاوزة ارمى بوتجازى فى الشارع واجيب كريازى

كهرمانتى يا قمر دايما سباقه كده بالخير تسلمى
انتى جربتى طريقة القرص دى ؟
المشكلة انى باستخدم سمنة بلدى وخايفة ابوظها كمانيبقى حرام عليا عملتها مرة طلعت ناشفة اوى اوى عملتها بالزبادى يومها

لاااا يا لوليتا اوعى تجيبى كريازى كتير بيشكو منه وفيه عيب غلس اوى حكاية الشوايه تشتغل لوحده والفرن لوحده بجد غلبه خصوصا فى تسوية المعجنات والبيتزا واللى عندى برضه بتوجاز واللى انا اعرفه وجربته وبتعامل معاه يوميا ومجرباه بنجاح تام هو انى اظبط الحراره من الاول باللى انا عيزاه والوصفه محتاجاه وزى ما قولتلك بيبداء عالى وبعد كده بيزبط حرارته بنفسه
وبعدين انا مش قصدى شكر ابدااااا ههههههه ولا يهمك ان شاء الله تلاقيها وتبعتيلى واحده فهمتينى هههههه بهزر معاكى يا جميل وبالنسبه لارضية الفرن انتى لو تلاحظى انها بتتشال عادى وتنضفيها باى منظف خاص للافران او ممكن تحطى عليها سائل التنضيف وتسيبيها شويه وبعد كده يا دوب دعك بسيط وبيبقى زى الفل واوعى تتهورى وترميه خساره والله انتى بس عايزه تفهميه كويس وتبقو صحاب وهو مش هايكسفك صدقينى

ماينفعش بالكلام
عايزين صورته وسعرة وشكل البيتزا فيه



أسفة والله بس لما بتكتر الردود الواحد بينسى
مبسوطة كتير إنها عجبتك
بس تقريبا السكر ماكانش ناعم كفاية ومادابش كويس أثناء ضرب البيض عشان كده مغمق لونها من جوا مش بس من برة ياإما إنك مزودة البيكنج بودر

شوفي ماشاء الله بيكون لونها مفروض أبيض إزاي من جوة




جزاكي الله خيرا يالولو على الكلام الحلو ده إنتي اللي زي العسل
عجبتني أو مشاركتك ده في فيدي واستفيدي بس دماغي مبتبقاش مركزة كفاية إني أكتب أنا كمان فبكتفي بالقراية





إسمه إيه بقى الملف عشان أنا كمان يمكن يطلع عندي



ماشاء الله عليكي كل حاجة بتعمليها منظرها يهبل وأكيد الطعم أحلى



أنا عملت زيك قبل كده بس خللته بصراحة أطعم وأنضف من بتاع بره



لوليتا ياقمر أنا عملت قرص بالعجوة بنفس طريقة البريوش اللي كنت عاملة بيها السينابون قبل كده بس إستبدلت الزبدة بالسمنة البلدي
وشلت بشر البرتقال وحطيت منكهات مناسبة للقرص زي الشمر أو اليانسون أو المحلب المطحون