طقت في دماغي اعمل مربة فراولة وهي بالمناسبة بقى رخيصة اليومين دول وجميلة فعلا

عملتها بس انا مش شاطرة في التصوير

الطريقة:

المقادير

2 كيلو فراولة منزوعة الكاس الأخضر نقي الثمرة الكبيرة اللي لونها احمر حلو مش غامق قوي علشان بتبقى مززة
كيلو ونصف سكر
عصير ليمونة

الطريقة

اغسلي الفراولة كويس
قطعي الفراولة انصاص والصغيرة سيبيها بحالها بعد ما تقطعي الجزء اللي بيكون لازق في الكاس الأخضر طبعا الأبيض والجزء اللي تحت اللي بيبقى فيه نقط ده

تمام واعملي طبقات في الحلة طبقة فراولة مع طبقة سكر وبالتبادل لحد آخر طبقة سكر

بيتيها من بالليل للصبح مثلا

12 ساعة على الأقل
هتقومي تلاقيها عملت مية والسكر داب

حطيها على النار

لما السكر يدوب تماما وتغلي غلوتين انشلي الفراولة في طبق واعصري الليمون على السكر وسيبيه على النار
لما يعقد زي الشربات ويبقى اقل شوية في سمكه من بتاع الكنافة حطي عليه الفراولة واتركيها تغلي معاه لحد ما يعقد ويبقى اثقل شوية من بتاع الكنافة حاجة بسيطة قوي
تعرفي ازاي لما تاخدي نقطة منه في طبق بارد شوية وتلاقيها مش سايلة كده ولا بتقع
اطفي عليها وصبيها في برطمانات وبالهنا والشفا

مبروك الملف الجديد
مبروك عودة أبلة دينا
مبروك عودرة أم مرام
وصباح التبريكات

السلام عليكم

انا معاكي ياأبلة دينا هو انا اقدر اغيييييييييييب

يا جماعة الخير معلش كان فى حد عمل كيك بدقيق الذرة ياريت يبعت لى الرابط او يكتب هولى

كمان كنت عايزة اعرف طريقة القرنيط بس خليى بالكم انا عندى مجمد و عندى طازة عايزة الطريقة للاتنين



مدام اميمة معلش يا قمر انا مش بقعد على النت اليومين دول انا بدخل بحط مشاركة و اجرى