la rosa :

عملت انهارده فطيرة حلوة قوى كنت جايباها من النتدى هنا وكانت عاجباني بس خايفة انفذها نظرت لخبرتى السيئة مع المعجنات بس اتجرات وعملتها انهارده ونجحت وطلعت جميلة يا رشا يا مطنشاني فطيرة بالعسل والقشطة معلقة صغيرة خميرة ومعلقة كبيرة سكر على كوب ماء وسيبيهم لما الخميرة تفور 3 معالق لبن بودرة ومعلقة صغيرة بيكنج بودر وفنجان زيت وكوبايتين دقيق ورشة ملح وحطى عليهم الخميرة واعجنى وسيبيها ساعة تخمر اعملى شربات وسيبيه يسقع لما تخلص الساعة ولعي الفرن على 200 وحضرى الحشوة علبة قشطة نسلة و3 حبات كيرى ومعلقة سكر اضربيه بالشوكة مع بعض وسيبيه على جنب وفى صينية ادهنيها زيت وافردى فيها نص العجينة وعليها خلطة القشطة بس ابعدى عن الاطراف وبعدين افردى النص التانى من العجينة بره على قد مقاس الصينية وحطيها على وش الخلطة واضغطيها من الجناب عشان تقفل على بعض ورشى الوش سمسم وادهنيها بيضة مضروبة مع لبن حليب دخليها الفرن وخلى الشعلة اللى تحت بس اللى شغالة لمدة 10 دقائق وبعدين اطفى من تحت وولعى من الفوق عشان تحمر ولما تحمر اطفى النار وطلعيها واسقيها شربات

عملت انهارده فطيرة حلوة قوى كنت جايباها من النتدى هنا وكانت عاجباني بس خايفة انفذها نظرت لخبرتى...

ناوناو :

مساء الفل يا احلى بنات وحشتونى اوى عاملين ايه انا شايفة حاجات حلوة كتير ما شاء الله اولا الله يبارك فيكى يا لولو اخيرا حطيت التوقيع معلش تعبتك معايا جوزى هو الى حطهولى وكهرمانة الحمد لله ان الكيكة اتظبطط معاكى وبالهنا و الشفا ليكى و لضيوفك بس ليه ما نزلتيش صورها وتسلم ايدك على التورتة شكلها حلو اوى كان نفسى ادوق وامانى تسلم ايدك على الكنافة شكلها حلو اوى و طريقتها سهلة ان شاء الله اجربها لانى بموت فى الكنافة رشروشة ايه الكرواسون الى شكله يجنن ده تسلم ايدك بجد استاذة :26:

مساء الفل يا احلى بنات وحشتونى اوى عاملين ايه انا شايفة حاجات حلوة كتير ما شاء الله اولا الله...