مدام محمدتسلمى يارب حطيت لبن وخل واسيبها كام ساعه كماناجرب هتمسك التتبيله

جزاكى الله خيرا يا رشا
بصى يا لميا
فيه طريقه لقيتها على النت أنا لسه ما جربتهاش بس حاساها لذيذه
اسم صاحبة الوصفه


دودى دو
وادى الوصفه

عايزة تعملى بانية ومعندكيش بيض؟؟تعالى اقولك تعملى اية بالصور


بوصو ا ياوتات عملت انهاردة طريقة روووووووعة للبانية ومن غير بيض
لا وكمان موفرة لو عندك عزومة ومش عايزة تستخدمى بيض كتير بردو شوفى الطريقة دى..
اولا ..المقادير:
1-صدور فراخ مخلية
2-بصلة متوسطة
3-ملح..فلفل اسود..توم باودر(مهم قوى)..شطة
4-دقيق
5-شوية مية
الطريقة....
تجيبى الفراخ تتبليها عادى ببصل وملح وفلفل
وبعدين تخلطى شوية دقيق مع الملح وفلفل واشطة والتوم
لحد ماتبقى مش سائلة قوى يعنى تخينة شوية
وتسقطى الفراخ فيها وبعدين تحطيها فى الدقيق
وتقليها فى زيت غزييير
بتبقى ماشاء **** رااااائعة ومقرمشششة زى كنتاكى بالظبط

منقووووووووول

يامهاااااااااااااا ليه مقلتليش مقادير الكبيبة الي انتي نزلتيها
طب الله يخليكوا لو حد يعرف طرقة مضمونة للكبيبة يقولي المقادير

اماني معلشي انا معنديش خبرة في عمل الزبادي خالص جربي طريقة نورا

حنان الكبيبة مفيهاش مقدار
هى بتكون البرغل نص اللحمة (فى ناس زى السوريين بيحطو البرغل قد اللحمة) يعنى كيلو لحمة حمرا يبقى معاها نص كيلو برغل فاتح ناعم اغسليه كويس ومتنقعيهوش بس صفيه كويس من ميته واعصريه كويس بايدك واخلطيه مع اللحمة بعد ما تكونى فرمتيها فرمة فى مفرمة اللحمة وحطى عليها بهاراتك اللى انتى عايزاها وحطى كمان كبيبة صيني فى البهارات بس متكتريش يعنى ربع معلقة صغيرة لكل الكمية دى
واعملي الخلطة دى بمفرمة اللحمة 3 مرات على الاقل وممكن 4 مرات ويبقى كده كفاية قوى وتماسكت وبقت زى الفل وعمرها ما هتفك منك فى الزيت
شكليها بالطريقة المعروفة للكبة وتكونى معصجة لحمة مفرومة عادى خالص بس البصلة بتاعتها تكون متقطعة ناعم جدا متبانش من اللحمة تطلعيها فى طبق وخلى ميتها فى الحلة يعنى تصفيها من ميتها وحطيلها صنوبر لو عندك سواء محمص او ني على راحتك بس انا بفضل يكون متحمص على خفيف عشان ميطراش فى اللحمة واحشى وحدات الكبيبة بس متمليهاش يعنى فى الحبة الواحده احشيها ملو معلقة صغيرة مليانة بس عشان متتفتحش منكواقفليها كويس وحطيهم فى الثلاجة ساعة قبل التحمير
بالنسبة للتحمير يكون الزيت سخن عشان تبقى مقرمشةومش غزير قوى انه يغطيها كلها لا يغطيها للنص بس ومبتتقلبش كتير يعنى مرة على كل جنب وخلاص

لو عايزة تحطيها فى الفريزر يبقى بعد ما تشكليها افردى فى طبق كبير سيلوفان ورصيها مش لازقة فى بعض وغطى الطبق بسيلوفان ودخليها الفريزر ساعتين لما تجمد شيليها من الطبق ولفيها كويس وخلاص كده مش هتلزق فى بعض ولما تطلعيها من الفريزر على الزيت السخن على طول بس طبعا هتاخد وقت اطول شوية عشان اللحمة هتفك الاول وبعدين تستوى

يا بنات كتكوته عندها مشكله النمل في بيتها عاوزه شركه رش كويسه حد يقولها لو يعرف والتفاصييل ايه وتسيب البيت اد ايه وترش المكان اللي فيه النمل ولا الشقه كلها