ما شاء الله عليكى يا لاروزا وصفك للكبيبه وكمان طريقة التفريز واضحه جدا
شكلها لذيذه الكبيبه دى بس حاسه ان طريقة تشكيلها صعب شويه عاوزه دقه فى الشغل
طيب فيه كبيبه بتتعمل فى الصينيه يعنى بنحط نصف مقدار البرغل وفوقيه الحشو وبعدين النصف التانى للبرغل وبعدين بنحطها فى الفرن حاسه الطريقه دى اسهل بس مش عارفه بالنسبه للطعم بتكون زى اللى بتتقلى ولا لأ
ما شاء الله عليكى يا لاروزا وصفك للكبيبه وكمان طريقة التفريز واضحه جدا
شكلها لذيذه الكبيبه دى...
هى بتكون البرغل نص اللحمة (فى ناس زى السوريين بيحطو البرغل قد اللحمة) يعنى كيلو لحمة حمرا يبقى معاها نص كيلو برغل فاتح ناعم اغسليه كويس ومتنقعيهوش بس صفيه كويس من ميته واعصريه كويس بايدك واخلطيه مع اللحمة بعد ما تكونى فرمتيها فرمة فى مفرمة اللحمة وحطى عليها بهاراتك اللى انتى عايزاها وحطى كمان كبيبة صيني فى البهارات بس متكتريش يعنى ربع معلقة صغيرة لكل الكمية دى
واعملي الخلطة دى بمفرمة اللحمة 3 مرات على الاقل وممكن 4 مرات ويبقى كده كفاية قوى وتماسكت وبقت زى الفل وعمرها ما هتفك منك فى الزيت
شكليها بالطريقة المعروفة للكبة وتكونى معصجة لحمة مفرومة عادى خالص بس البصلة بتاعتها تكون متقطعة ناعم جدا متبانش من اللحمة تطلعيها فى طبق وخلى ميتها فى الحلة يعنى تصفيها من ميتها وحطيلها صنوبر لو عندك سواء محمص او ني على راحتك بس انا بفضل يكون متحمص على خفيف عشان ميطراش فى اللحمة واحشى وحدات الكبيبة بس متمليهاش يعنى فى الحبة الواحده احشيها ملو معلقة صغيرة مليانة بس عشان متتفتحش منكواقفليها كويس وحطيهم فى الثلاجة ساعة قبل التحمير
بالنسبة للتحمير يكون الزيت سخن عشان تبقى مقرمشةومش غزير قوى انه يغطيها كلها لا يغطيها للنص بس ومبتتقلبش كتير يعنى مرة على كل جنب وخلاص
لو عايزة تحطيها فى الفريزر يبقى بعد ما تشكليها افردى فى طبق كبير سيلوفان ورصيها مش لازقة فى بعض وغطى الطبق بسيلوفان ودخليها الفريزر ساعتين لما تجمد شيليها من الطبق ولفيها كويس وخلاص كده مش هتلزق فى بعض ولما تطلعيها من الفريزر على الزيت السخن على طول بس طبعا هتاخد وقت اطول شوية عشان اللحمة هتفك الاول وبعدين تستوىبسم الله ماشاء الله تسلم ايديكي يارب هي كده بالضبط وتسلم ايديكي يانورا ربنا يسعدك ويكرمك يارب
والكبيبه السابقه مش انا اللي عملاها انا نقلت لكم الوصفه وهي مقاديرها مضبوطه تماما وكتير جربوها .