*فراشةالربيع* :

انا بحب اللانشون جدا بس مش برضي اكلة من برة لاني باشك في طريقة صنعة ولحمتة فقلت اجرب الطريقة دي من مطبخ شهيرة اللانشون اللى بنشتريه من السوق تقريبا مافيهوش لحمه سواء كانت فراخ او لحم بقرى..ده فيه هبااااااااااابه..على رأى مش عارفه مين..يعنى لحسة لحمه و الباقى خدااااع بصر و خداع لحاسة تذوق المستهلك المسكين....انا توصلت لطريقه لعمل شبيه للانشون الفراخ....هيعجبكم ..جربوه و ولادكم هيحبوه جدا..كمان العجيب انه لانشون فراخ و كمان معمول بالفراخ...ههههه يالا على المقادير يا كتاكيت نص كيلو صدور فراخ بصله كبيرة بيضه كبيرة كوب بقسماط 2 ملحوظة أنا بستخدم فول الصويا المجهز بتاع الهمبرجر بجيبة من وزارة الزراعة وبيكون شبه البقسماط في شكلة بس خشن شوية وده لأنه موجود عندي وطبعا فايدته أحسن من البقسماط ملعقه كريمه لبانى بستخدم قشطة وش اللبن توابل..قرفه ,قرنفل ,جنزبيل.فلفل ابيض...و طبعا ملح تنوعى ممكن ,اعشااب ..ممكن بابريكا ممكن مستطردة..حسب النكهه اللى بتحبيها ..اخترعى يا ستى نكهه خاصه بيكى و سجلى ليها براءة اختراع..ما المصانع كل يوم بتتحفنا بس الفرق انك لما تحطى اعشاب هتحطى اعشاب مش "طعم اعشاب مضاهى للطبيعه"...هكذا يكتبون على منتجاتهم و المستهلك الغلبان مش فاضى يقرأ ..بياكل و خلاص.طيب افرمى لحم الدجاج كويس و ضيفى عليه البصل و كله فى المفرمه و اديها و ابدئى ضيفى باقى المقادير لحد ما تتشكل عندك العجينه.شيليها من المفرمه..او الفوود بروسيسور.و انا هنا خلطت عليه شويه زيتون اسود...مفصص طبعا ماحدش يحطه ببذره...ههههههنشكل اسطوانه و نقفل عليها كويس بالفويل.نغلى حله ميه و نحط فيها مكعب مرقه بس للتنكيه مش اكتر و ننزل فيها القالب بتاعنا... و نتركه يستوى.بعد تلت ساعه او نص كل حاجه هتكون تمام.طيب ..بعد ما خلص سيبته يبرد كويس و قشرت الورقه من عليه...و حبيت اديله نكهه مدخنه....و ده علشان اقوم بالواجب معاكم رغم ان الطبيب محذرنى لأنى يا حلوين مريضه بالربو و الحساسيه..يعنى اى صنف حساسيه تلاقوه عندى.. و الدكاتره بيقولولى :انتى كل المنهج اللى خدناه فى الكليه...هههه يالا بلاش رغى...المهم حضرت عده التدخين...فى صينيه اى صينيه...افرشى فويل و حطى عليه..شويه شاى و سكر و قرفه خشب و ملعقه عسل اسود..و حطيت شبكه و حطيت عليها اسطوانه الانشون..و غطيتها بفويل و ولعت النارو عينكم ما تشوف الا النور هتشوفوا بث حى دلوقتى...عادى يا بنات ..بس لا انصح ضعاف القلوب و ضعاف الصدور بخوض تلك التجربه...طبعا اخد قالب اللانشون لون جميل و ريحه مدخنه حلوة... و بس خلاص ,,,شيليه فى التلاجه و قطعى و اعملى سندوتشات و ابقى ادعيلى و فهمى عيالك أو كل حبايبك اللى هيدوقوه ان ده هو اللانشون و ان اللى بيعمله المصنع "ضحك على الدقون"...ابقوا اسألوا عليا فقد اتعرض للاغتيال فى أى لحظه.....الحقووووووووووووووونى!!!!!يالا على الصور عسل اسود+قرفة مطحونة +شوية سكر+شوية شاي ده طبعا منظر الشقة هويها قبل ماالراجل ييجي لايفتكرك بتحششي يخمس معاكي عملت اللحمة بنفس الطريقة المهم إن المكونات كلها تنعم جااامد أوي بجد طريقة رهييييييبة حطيته في البيتزا وفي الفطيرة رااائع طبعا غير الأكل كده كمان

انا بحب اللانشون جدا بس مش برضي اكلة من برة لاني باشك في طريقة صنعة ولحمتة فقلت اجرب الطريقة دي...

دندونة زايد :

يااحلى بنات انا النهاردة عملت على الغداء مكرونة بالباشاميل وقوارب كوسة بالباشميل وكانت تحفة وكبيبةبس الكبيبة وهي في الزيت فكت مني مش عارفة لية ممكن تقولولي هي فكت لية كدة الحمة اكتر من البرغل ولا البرغل اكتر ولا اة الي غلط انا بعد ماشكلتها دخلتها الفريزر جمدت وبعدين قليتها وهي جامدة كمان لما طلعتها لونها ذهبي ودوقتها لاقيتها لسة ناية من جوة عشان كدة سبتها لغاية لما حسيت انها استويت انا كنت حاشية شوية بالحمة وشوية بالجبنةارجوكم قولولي السبب لية باظت مني شوفو شكلها مش حلو ازاي؟؟؟؟؟؟؟؟؟؟؟؟

يااحلى بنات انا النهاردة عملت على الغداء مكرونة بالباشاميل وقوارب كوسة بالباشميل وكانت تحفة...

دندونة زايد :

يااحلى بنات انا النهاردة عملت على الغداء مكرونة بالباشاميل وقوارب كوسة بالباشميل وكانت تحفة وكبيبةبس الكبيبة وهي في الزيت فكت مني مش عارفة لية ممكن تقولولي هي فكت لية كدة الحمة اكتر من البرغل ولا البرغل اكتر ولا اة الي غلط انا بعد ماشكلتها دخلتها الفريزر جمدت وبعدين قليتها وهي جامدة كمان لما طلعتها لونها ذهبي ودوقتها لاقيتها لسة ناية من جوة عشان كدة سبتها لغاية لما حسيت انها استويت انا كنت حاشية شوية بالحمة وشوية بالجبنةارجوكم قولولي السبب لية باظت مني شوفو شكلها مش حلو ازاي؟؟؟؟؟؟؟؟؟؟؟؟

يااحلى بنات انا النهاردة عملت على الغداء مكرونة بالباشاميل وقوارب كوسة بالباشميل وكانت تحفة...