مصرية رقيقة
يا ريت لو عرفتى تصوري الكارى وتنزليلنا الصورة
بالنسبة للسكن فى القاهرة ميزة وعيب الميزة انك قريبة لاماكن ومحلات معروفة كتير وحتت زى العتبة لكن ممكن تسكنى فى حته زى العبور الشروق التجمعات اهو مش هتبقى بعيدة او عن القاهرة وهاتلاقى كارفور جنبك يغنيكى عن كل المحلات

اسماء
اللى معندهمش ضمير وبيغشوا اللحمة فى زيهم برضه بيسمموا الفراخ والسمك والخضار والفاكهة ولو هنفكر بالطريقة دى محدش هياكل ولا يشرب حاجة فالواحد بيحتطاط على قد ما يقدر وربنا اللى بيستر يعنى لحمة الجزار اكيد انضف من المفروم الجاهز المجمد

لكن لو مقاطعة عشان سعر اللحمة انا احييكى

بالنسبة للبهارات استنى بس الذاكرة ترجعلى واروح اجيب تانى الكارى اللى جيبته وعجبنى وان شاء الله اجبلكوا اسمه واحاول اصوره انا جربت من الماركة دى كذا حاجة وعجبتنى والكارى بالذات رووعة

مصرية رقيقة لو فكرت تسكنى فى بورسعيد انصحك تسكنى فى بورفؤاد اهدى واحلى واروق
وعندك ابورسعيد بقى الشوبينج كله لا تقوليلى قاهرة ولا بتاع ودينا تقولك :)

يلا يا رشا شدى حيلك مستنين الخبر اليقين عن مكينة الايس كريم :)

روشانا بصي انا دورت على النت ولاقيت صورته هو العلبه الخضرا دي سيبك من العلبه اللى مرسوم عليها فرخه
الكاري هو العلبه الخضرا الزيتى اللى جنبها


يارب الصوره تكون واضحه

حبيبتى ان ان شاء الله هسكن في بورسعيد فعلا لانى متجوزه هناك ومتربيه هناك تقريبا لان مامتى بورسعيديه فكنت بقضى الصيف دايما عند جدتى مع خلانى وكده بس انا مش بحب بورفؤاد قوي بحسها معزوله عن بورسعيد
انا فعلا جبت شقه في بورسعيد بس في خطه لتغييرها بس الاسعار مولعه بصراحه وربنا يسهل وعلى فكره لو بتنزلي عناك شوفي الكاري ده عند سوبر ماركت الحرمين ده هتلاقييه في شارع 23 يوليو مقابل حلوانى العروسه أو عند الفار ده في سوق اسمه البازار