امانى61 :

الارز المعمر بطريقة مدام شيرين الارز المعمر طريقته سهله جدا بس عينك ميزانك حاولى تظبطى كميه الرز عشان ميطلعش ناشف ومش مستوى الاول الطاجن ادهنيه كويس جدا من القعر والجوانب بسمنه وطبعا ياريييييييت بلدى وفوقها ادهنى قشطه اللى بتبقى وش اللبن وبعدين الرز تكونى غسلاه ومصفياه تحطى طبقه فى القعر بس متكتريش يادوب تغطى القعر وبعدين اللحمه او الفراخ زى ماتحبى وطبعا مش مستويه وترشى عليها رشه فلفل وبهار خفيييف وبعدين فوق اللحمه طبقه رز كمان وخدى بالك ماتوصليش لاخر الطاجن يعنى تسيبى الثلثين تقريبا فاضى لان لسه الرز هينفش بالنسبه للحليب لازم يكون مغلى ولااازم يكون عليه ميه لان حليب لوحده ينشف الرز اوى يعنى مثلا كوبيايتين حليب حطى عليهم كوبايه ميه واغليهم وضيفيلهم ملح وفلفل وبهار مشكل وبالكبشه شويه شويه اسقى الرز لحد ماتوصلى لاخر الطاجن تكونى مولعه الفرن وياريت لو لسه فيه قشطه حطى على وش الطاجن حطى الطاجن بالراااحه فى الفرن والنار تكون عاليه اول مايغلى ويشرب الميه غطيه يابغطا حله ينفع للفرن او بورق فويل وهدى النار خااااااااالص وسيبيه بتاع ساعتين وبعدين اكشفى الغطا ودخلى فيه سكينه من كل الجوانب ولما تلاقيها بتدخل للقعر بسهوله ده معناه ان اللحمه استوت الخطوه دى مهمه كمان وهى مرحله كمر الطاجن اول مايطلع تكونى مجهزه ملايه قديمه او اى حاجه ولفى الطاجن فيها وسيبيها تعرق بقى براحتها وقبل التقديم سلكى الجوانب بسكينه واقلبى الطاجن على طبق او صينيه وسيبيه كده شويه ووقت الاكل شيلى الطاجن وكلى احلى رز معمر ممكن تاكليه don برام(طاجن)رز معمر 1/2 ك ارز – 1/2 ك لحم بتلو – 1/2 ك حليب – 1/2 ك كريمة فريش او قشطة – 2 م ذبدة – جوزة الطيب – ملح وفلفل الطريقة نشوح اللحمة لحد ماتستولى نص سوى . نضع فى قاع البرام يادوب 1/2 سم ارز مغسول ثم نضع عليه قطع اللحمة ثم نضع باقى كمية الارز ثم نضع الحليب المغلى مع الملح والفلفل ونضع قطعه الزبدة وعلى الوش نضع القشطة وندخله الفرن لحد مايستوى ووشه يحمر don الأرز بالخلطة 3 او 4 ك ارز مغسول _مكسرات ( بندق * لوز * عين جمل * زبيب ) _كبد و كلاوى _ زيت _ عسل ( ك سكر +ك ماء _ نص ليمونة) الطريقة : طريقة الكبد و الكلاوى : الكمية زى ما انتى عوزة فية اكياس بتتباع جاهزة هاتى كيس كيلو قطعية قطع متوسطة و اغسليهم ثم ضعى ملعقة سمن فى حلة صغيرة و عليهم بصلة متوسطة مفرومة لحد ما تصفر و بعدين فصين توم و الكبد و الكلاوى و تقلبى تقلبى يعنى بتشوحيهم و تذودى شوية ماء فى شوية ماء لحد ما يستووا وتبلى ملح وفلفل و اركنيهم على جنب._ضعى المكسرات فى صينية صغيرة و حطيهم فى الفرن او فى توستر دقائق لحد ما يحمروا شيليهم و انفخى القشرة بتاعتهم حتلاقيها بتطير على طول واركنيهم على جنب احضر حلة كبيرة واضع فيها زيت كتير يعنى ممكن 3كوب لحد ما يقدح اروح حطة الارز و اقلب و اقلب لحد ما يبقى لونه ذهبى غامق ثم اصفية بمصفاة من الذيت كله و اركنة _اعمل العسل فى مقلاية( اضع السكر و الماء و الليمون و اقلب لحد مايبقى لونه ذهبى _اضع الارز على النار عادى و علية الماء لحد ما يشربها و اتركة لحين يقرب من السوى _ عند قرب السوى اضع علية العسل واقلبه كويس لحد ما يختلط كلة مع بعض مع رشة ماء خفيفة و اتركه لحد مايستوى _اضع علية 1/2 مقدار الكبد و الكلاوى و المكسرات ونقلب كله لمدة دقيقة ثم اطفى النار و انزله عند التقديم / نغرف الارز فى سيرفيس بيضاوى و نضع على الوجة باقى المكسرات و الكبد و الكلاوى و يقدم لازم تصفيه كويس من الزيت وتكملى وحيطلع جميل جدا

الارز المعمر بطريقة مدام شيرين الارز المعمر طريقته سهله جدا بس عينك ميزانك حاولى تظبطى كميه الرز...

omyosef :

حبيبتي فيه طريقه للحليب المركز سهله جدااا وعلي طول بعملها علبة قشطه + نص كوب سكر +نص كوب حليب بودر وتضربيهم في الخلاط كويس جدااااا وبيطلع زي الجاهز بالظبط

حبيبتي فيه طريقه للحليب المركز سهله جدااا وعلي طول بعملها علبة قشطه + نص كوب سكر +نص كوب حليب...