*فراشةالربيع* :

أنا إستخدمت عجينة السابليه التقليدية 1-2-3 يعني ربع كيلو سكر ربعين زبدة(نص كيلو) 3 أرباع كيلو دقيق 3 بيضات بس غيرت حاجة زودت الدقيق كمان كوب إلا ربع يعني بالضبط 850 جم عشان تبقى العجيةأسهل في التشكيل وأنا أصلا مش عايزة البسكوت ناعم أوي بيدوب زي البتيفور كنت عايزاه زي قوام البسكوت زودت باكو بيكنج بودر مع الدقيق زودت بشر برتقال طريقة العجن التقليدية ندعك الزبدة مع السكر كويس لحد ماتنعم باليد أو المضرب نضيف البيض بيضة بيضة والفانيليا وبرش البرتقال نضيف الدقيق على دفعتين أو تلاتة دخلت العجينة التلاجة تريح نص ساعة ومش شرط بعدين كنت باخد حته صغيورة وأعملها كورة وأغطش وشها في طبق فيه جوز هند وأحط الكورة في الصاج بحيث جوز الهند لفوق وأضغط عليها بإيدي أفردها لسمك مناسب لحد ماتخلص كل الكمية على فكرة الصواني مش مدهونة خااااالص نجيب حاجة نضغط بيها في نص البسكوتة لعمل تجويف خفيف نحط فيه مربى أي نوع أنا اللي عندي فرراولة مش تكتري بيستوي في فرن مسخن كويس في الرف الأوسط حطيه 5 دقايق على 180 بعدين هدي ل170 كمان 5 وبعدين 160 كمان خمسة دقايق يعني ربع ساعة وبيطلع متلون دهبي من فوق وتحت لايحتاج لتشغيل الشواية عليه بالنسبة للمقادير بالكوب هقولهالكم بس طبعا ألأدق الميزان ربع كيلو سكر يعني كوباية كبيرة وربع سكر عادي عايريه الأول بعدين إطحنيه ناااااااااااعم الدقيق 850 جم يعني كيلو شيلي منه كوباية كبيرة ومعلقة كبيرة الزبدة بصراحة مبحبش اللخبطة فيها فياريت تعملوها على الميزان بس هي تقريبا كوبين وربع زبدة طرية

أنا إستخدمت عجينة السابليه التقليدية 1-2-3 يعني ربع كيلو سكر ربعين زبدة(نص كيلو) 3 أرباع كيلو...