والله يارب مننحرمش :26:منتظراكم وانا سيفت خلاص كل اللى نزلتوه

الهمه يا بناااااااااااااااات وعلى فكرة انا ابتديت اعمل حاجات جديدة وبصورها بس مش حنزلها دلوقتى حنزلها فى ملف رمضان علشان تلاقوا حاجة جديدة تعملوها فى رمضان

يا مدام مجمد يا ام العلاء يا داليا يا مهااااااا يا شهيرة يا فراشة يا سموحتى يا ام يوسف ياااااااااااااااااااااااااااااااااااااااااااااااا سندرلتى يااااااااااااااااااااااااااا كلكم والحاضر يعلن الغايب :icon28:

انا جيت جرى
ازيك يا دينا وازيكم كلككم تسلم ايديكم واحد وحده ما شاء الله عليكم

عملت شوربه بحريات واعتمدتها الطريقه

حمرى فص ين توم لحد اللون مايبدا يصفر فى ملعقتين سمنه او مارجرين ضيفى السى فود مكس حبار مقطع وجمبرى ومحار و اى حاجه تحبيها وقلبى ضيفى كرفس امريكى مقطع ورشه بقدونس وقلبى وبعدين ملح وفلفل اسود ورشه كمون وسيبهم على نار هاديه لما يستوى السى فود حوالى دقائق10 او ربع ساعه
وضيفى الحليب ويكون كامل الدسم وسيبيهم لحد مايغلى الحليب وضيفى بطاطسيه مسلوقه نص سلقه ومقطعه مكعبات صغيرة واغلى غلوتين ضبطى الملح والفلفل واطفى بتتقل لما تهدا وتبقى جميلله

حقولكم على وصفة بريانى تحفه اعتمدتها من مامة صحبتى فى الامارات
يعنى جيه من مسقط رأسها
لذييييييييذ فوق الوصف

على ما اجمع الوصفات اللى معتمداها لانى ضاع منى الف مره وصفات مكتوبه
مره فى سكن راس الخيمه ومره فى سكن الشارقه ومره هنا ومره فى المنصوره هههههههههههه العمده صبره نفذ
يخربيت النكد
المهم

المكونات
بهارات كركم وملح وفلفل وكسبره ناشفه - زنجبيل طازه او بودره - بزار بريانى - طماطم مقطعه وفلفل ونعناع اخضروببقدونس- بصل وثوم -زبادى
رز بسمتى - فراخ - صبغة الرز الحمرا

تحمرى البصله وتشوحى فيها الفلفله الخضرا المقطعه حاره او بارده براحتك وبعدين الكسبره ربع ربطه مش كتير
وزيهم نعناع اخضر مقطع وبعدين الطماطم
والثوم عشان ميتحرقش حطيه اخر حاجه لان لازم تدبليهم كويس اوى وبعد كدا حطى علبة زبادى صغيره او 2 معلقه كبار
ومعلقه صلصه والبهارات
الفراخ تكونى سلقتيها وحمرتيها عادى خالص ومقطعه اربع انا جربت حمرتها فى الفرن عشان يعنى صحيا تبقى افضل والطعم مش اختلف كتير
تحطيها فى الخلطه تتشرب منها خمس دقايق
وبعدين تحطى الرز المسلوق نص نسوا وترشى من اللون الاحمر عل الوش وقلبيهم فى بعض تقلبتين
وهدى النار خالص او حطى الشياطه
ودوقى احلى بريانى اصيل

مكرر

الفراخ بالكرامل :
فرخة واحده متبلة (2فص ثوم-بصلة-2 عود كرفس-1 فلفل رومى-1/8 ملعقة فلفل اسود-1/8 ملعقة بهارات- 1 ليمونة)
تدهن بالتتبيلة من الداخلة والخارج وتترك ساعتين لتشرب التتبيلة.
- نسخن الحلة ونضع فيها ملعقتين سكر ويقلب الى ان نصل للون الكرميل المرغوب سواء غامق او فاتح
- نضع الفرخة على الكرمل ونثقلب ثم نغطى الحلة ونقلل النار الى ان تنضج وممكن اضافة ماء قليل كلما احتاجت
- نضعها فى طبق الفرن وزنضيف لها سماق ونعناع ناشف وجنزبيل وقرفة وملح وتوضع فى الفرن لتحمر

وورقة اللحمة بتاعة كتكوتة كتكوتة :
لحمة بتلو متقطعة راس عصفور وتقطعي معاها جزر وبصل وفلفل رومي وبطاطس كله مكعبات قد بعض واخلصيهم ببهارات مشكلة وورق لوري وصويا صوص ولفيها بالقصدير ودخليها الفرن نص ساعة وبعدين فكي القصدير وخليها كمان تلت ساعة تتحمر وتنشف ميتها

اللحمة المحمرة بالشانبنيون :
لحمة مسلوقة ومتقطعة مكعبات صغيرة
نجي طاسة وندبل فيها بصلة متوسطة وفص ثوم مدقوق ونحط اللحمة ونشوح فيها من كل الجهات واخليها على جنب
فى حلة تانية احط بصلة صغيرة وفص ثوم مدقوق ولما يدبلو خالص اصب كوباية لبن حليب مدوب فيها نص مكعب ماجى وملح وفلفل ونص معلقة نشا واحط نص كوباية مية واقلب ومعاها مشروم مقطع ولما تتقل وتخلص اطفى واحط كسبرة خضرا مفرومة واقلب تقليبة واسيبها على جنب
وقت الغرف احط اللحمة فى الطبق وجنبها الصوص
مقلقل لحم:
تسلق اللحمة وتصفى من الشوربة ثم فى زيت حار تحمر اللحمة وتنشل من الزيت
يقلل الزيت قليلا وفى نفس الزيت نضع بصلة مفرومة وثوم وجنزبيل مفرومين وحبة طماطم مقشرة ومهروسة بالشوكة ومعلقة صلصة ثم نضيفلها اللحم وتقلب حتى تسبك

والتراميسو الكداب بتاع بلو روز:
المقادير
كيك شوكلاته - علبتين قشطه -ظرفين دريم ويب -ظرفين كريم كراميل -4 ملاعق كبيره نيدو -علبتين فلادلفيا او اي جبن كريم-كاس و نصف بسكويت ساده مطحون ناعم- رشة فانيلا- ربع فنجان القهوه نسكافه محلول بماء
4 ملاعق سكر وممكن تزيدي او تنقصي حسب الرغبه

الطريقه
نفتت الكيك ...ثم نحضر قالب التشيز كيك او اي قالب

نغلف القالب بالقصدير او النايلون ثم نرص الكيك في قاع القالب و على الاطراااف جيدا ونسقيه نسكافيه بسيط عشان يتماسك ونضغط عليه كويس جدا ومنسيبش اى فراغات من غير ماتكون متغطية بالكيك
و نترك كميه من الكيك للوجه
في خلاط ...ضعي كل المقادير و اخلطيه جيدا حتى تتجانس اخر شي حطي البسكويت المطحون
و بتكون الخلطه ثقيله نوعا ما...
ضعي من الخلطه على الكيك ثم ضعي خطوط من الكراميل اللي بيجي مع علبة الكريم كراميل

ثم باقى الخليط
غطي القالب بالكيك المفتت وحاولي انك ترصيه بايدك حتي يمسك بالخلطه ثم غطيه
ووحطيه بالثلاجه
ثانى يوم اقلبيها بالنايلون عيكون قلبها سهل وقشرى النايلون من عليها بالراحة وقطعيها مثلثات بس اعملى حسابك متكونش سميكة قوى او عالية وانتى بتعمليها عشان متفكش منك وانتى بتقطعيها

وليالى لبنان الى مفيش اسهل منها عبارة عن كوب سميد على 4 كوبايات حليب على النار مع شوية سكر ولما تبتدى تمسك نحطلها علبة قشطة واغرفيها ووقت التقديم حطى جنبها شربات
سلطة البطاطس:
الكمية تكفي 8 أشخاص
بطاطس
كوب مايونيز
4 ملاعق صغيرة خيار مخلل
4 ملاعق صغيرة سكر
2 ملعقة صغيرة بصل ابيض مهروس
2 ملعقة صغيرة مستردة
1 ملعقة صغيرة خل
1 ملعقة صغيرة كرفس مهروس
1 ملعقة صغيرة جزر مبشور
نصف ملعقة صغيرة بقدونس مجفف
ربع ملعقة صغيرة فلفل
رشة ملح
الطريقة :
نقطعها مكعبات صغيرة سميكة نوعا ما ونحمرها
في وعاء متوسط نخلط بقية المقادير جيدا حتى تصبح كالكريمة وناعمة
نضع البطاطس في وعاء كبير ونخلطها بالصوص جيدا و نغطيها ونضعها في الثلاجة لمدة 4 ساعات
او نقطع الكرفس ونبشر الجزر ونقطع الخيار المخلل صغير جدا ونجهز الصوص

والبطاطس فورد:
بطاطس مسلوقة ومهروسة وهى سخنة مع فص ثوم مهروس وشوية قشطة او شوية حليب وملح وفلفل وتبطنى بيها الصينية بطبقة سميكة
على النار دبلى بصلة وفلفل رومى ومشروم وحطيهم على وش البطاطس بحيث يملى الوش ورشى جبنة رومى او شيدر ودخليها الفرن 10 دقايق

زبادى روشانا اللى مبيغيروش ابدا:
هعمل نص لتر بغليه الاول وبعدين اسيبه يبرد او بمعنى اصح يكون دافى يعنى لما تحطى صباعك تقدري تستحملى لحد ما تعدى لغاية عشره
وفى وقت ما انتى بتسخنيه حطى عليه شوية لبن بودرة يعنى حوالى 3 ملاعق كده
بعدين حطى الزبادى وقلبى كويس بمضرب السلك
وبعدين انا بحطه كله فى علبه بلاستيك واغطيها كويس بفوطه وادخلها فى كيس بلاستيك واسيبها فى مكان دافى يعنى انا ساعات احطهافى الاوضه واغطيها ببطانيه
من الساعه11 الصبح متلا لحد المغرب لان الجو عندى برد شويه فبسيبه مده اطول
وبعدها ادخله التلاجه وبيكون طعم وجميل جدا
يعنى ما بعملشى حمام دافى ولا حاجه
وبيطلع متماسك جدا
ممكن تستعملى اللبن خالى الدسم بس تزودي له اللبن البودره
علشان يكون تقيل شويه ويجمد معاكى
Don: الحليب خالى الدسم بيكون منزوع منه الدسم وبيكون اخف مليان مياة وانا من رأيى انك لو زودتى اللبن البودرة حتزودى الدسم بتاعه وانتى مش عايزة كدة اصلا يبقى اغلى الحليب قبلها بيوم وشيلى من على الوش طبقه القشطة وبعدين كررى عمله تانى زى ام روان وكدة حيظبط معاكى وحيبقى برضه الدسم اللى فيه اقل لكن حيمسك معاكى او ممكن بقى تروحى مزودة الذبادى اللى هى الخميرة
لو الزبادى جمع ماء على الوش دى بتبقى زيادة فى درجة الحرارة حتى لما بنعملها فى الماكينة المخصوص بتاعه الذبادى وبنسيبها وقت اكتر والفيشة محطوطة بتلاقى الذبادى مسك ولم شوية والمياه موجودة انتىلو حبيتى تحطى الزبادى فى فرن دافى يبقى دفى الفرن قبل ماتحطى الذبادى واطفيه الاول
وعلى فكرة الاحسن انك تحطى الذبادى الخميرة فى كوب وتحطى عليها حليب لاخر الكوب وتقليبة بالمعلقة الصغيرة كويس لحد ما يندمج الذبادى بالحليب وبعدين ضعيهم على باقى كمية الحليب ويادوب بلكبشة بس تقليبتين علشان يبقى زى السوفت متلاقيش فيه فتافيت ذادى مش دايبة