بصي يا اسماء هرد عليكي باللي اعرفه الكبابه الصيني انا بحطها صحيحه وانا بسلق الفراخ حوالي 3 وحدات ولما بعمل الكفته بحطها مطحونه والحوواوشي والكباب حله .

الفطار بقي محشي ورق عنب وسمبوسك وشوربه وملوخيه وفراخ .

والعصائر مانجا فقط .

والحلو لا يوجد عشان كفايه السكر اللي في العصير

السلام عليكم

دندونة زايد
متحرمش منك يا حبيبتي شكر الله سعيكم إنتي والبنات وكل سنة و أنتم كلكم طيبين


النهاردة كان السحور فول وسلطة زبادي بالخيار وبيض أومليت
و الإفطار فراخ مشوية و جلاش باللحمة المفرومة وسلطة خضراء
و عصير فروتي جاهز وتمر باللبن
الحلو قطايف بالكريمة و قطايف بالزبيب وجوز الهند والقرفة و على فكرة القطايف عملتها بطريقة ابلة دينا و زوزا اللي كانت منزلاها من كام صفحة حلوة جدا ما شاء الله
وحشيت كام واحدة باللحمة المفرومة كانت حلوة اوي

القطايف :


المقادير :

2 كوب دقيق +1 كوب سميد + 3 كوب ماء + 2 معلقه بيكنج باودر + 1 معلقه خميره + 5 معالق سكر صغيره + ربع معلقه ملح

كل دول يتضربوا مع بعض في الخلاط ويخمروا لمده ساعه .....

حشيتها جزء باللحمه المفرومه .....وجزء بالمكسرات

بكرة إن شاء الله باقي أكل النهاردة و شوربة لسان عصفور

http://forum.hawaaworld.com/showthread.php?t=2536431

كل سنة وانتوا طيبين رمضان كريم

امبارح الفطار كان شوربة لسان عصفور وكفتة فى الفرن وعليها فحمة ومكرونة وعيش وطحينة و طماطم مملحة وعصير ليمون باللبن وبسسسسس

النهاردة ان شاء الله

فرخة مشوية ورز بسمتى وشوربة عدس بالشعرية وباقى الكفتة وشوية سلطة وعصير مانجو ان شاء الرحمن

رمضان مبارك عليكم جميعا تقبل الله منا ومنكم
ياجماعه مني عامر بتيجي علي دريم 2ظهرا و
الشيف اشرف معتز بيجي علي القناة الاولي
3ونص عصرا ومنال العالم 12 ظهرا علي ابوظبي
طبعا كل ماسبق بتوقيت السعوديه يعني في مصر
الوقت عندكم قبلها بساعه وهذا للتنويه ياحبايب وفين
لوزة لوزة _مستكه فين ياقمر التشيز كيك اللي وعدتينا
بها واحنا في انتظارك في رمضان عاوزين نشوف الاطباق
الجميله بتاعتك .