زوزا...الله يكرمك قوليلنا طريقة الشوربة الليبي وماشاءالله عليكي ربنا يبيض وجهك دايما انا من زمان نفسي اجرب الشعرية الباكستاني دي الله يكرمكم لو حد يعرف نوع كويس يقولي من الناس الي موجودين في السعودية او اي بلد لاني اعرف انها مش موجودة في مصرزوزا...الله يكرمك قوليلنا طريقة الشوربة الليبي وماشاءالله عليكي ربنا يبيض وجهك دايما انا من...
zouza :
ربنا يخليكي يا كهرمانه علي الدعوه الحلوه :) الشوربه الليبي مكوناتها كتير عشان كده كأنها وجبه كامله ومغذيه انا ممكن اخدها مع قطايف حادق وباحس اني شبعت ومش باكل حاجه تانيه نص كيلو لحمه متقطعه مربعات صغير ه قوي + حزمه كزبره خضرا متقطعه ناعم + 2 طماطم وسط متقطعه مربعات صغيره + 4 معالق كبيره لسان عصفور تكوني قلبتيه شويه علي النار بس ياخد لون + بصله صغيره مبشوره + 1 مرقه ماجي + بهارات وملح وفلفل الطريقه: تصفري البصله وبعدين تحطي معاها اللحمه وتقلبيهم شويه مع بعض لغايه ما لون اللحمه يتغير وتضيفي ميه وتسيبي اللحمه تستوي وبعدين تضيفي الطماطم والكزبره ولسان العصفور ومكعب الماجي اول مايستوي لسان العصفور تحطي التوابل والملح والفلفل وبالهنا والشفا ......:)ربنا يخليكي يا كهرمانه علي الدعوه الحلوه :) الشوربه الليبي مكوناتها كتير عشان كده كأنها وجبه...
لفه جلاش +شربات ساقع + سمنه سايحه أو زبده + الحشو عباره عن عين جمل مفروم ومخلوط معاه سكر وقرفه
الطريقه:
تجيبي صينيه مستطيله أحسن تكون نفس مقاس ورقه الجلاش وتدهنيها بالسمنه السايحه كويس انا عملته بالزبده ما عنديش سمنه وبعدين تحطي ورقتين جلاش وتدهني ورقتين وتدهني وورقتين وتدهني يعني بتحطي تحت 6 ورقات وتفردي الحشوه وبعدبن تكملي باقي ورق الجلاش بنفس الطريقه ورقتين وتدهني زبده كويس وكمان تدهني وش الصينيه وبالراحه كده تقطعيها بسكينه حاميه سمبوكسات صغيره
وعلي الفرن لغايه اما تتحمر تكوني حاطه الشربات في التلاجه وتحطيه علي الصينيه أول ما تطلع من الفرن
وبالهنا والشفا.....
برده عملت الصينيه دي امبارح كنا بنفطر عند أخت جوزي اول حاجه خلصت كان عندها حلويات شاميه جاهزه وبسبوسه وقطايف ...لكن برده صينيه الجلاش هيه اللي خلصت