ابلة دينا و اماني الف شكر علي ردكم بخصوص الكريمة انا النهاردة بصراحة لقيت محدش رد فعملتها بالمكسرات بس المرة الجاية ان شاءالله هعملها بالكريمة بس عجبتني اوي كمان فكرة جوز الهند يامنمن ان شاءالله اجربها معاها
لوزة.....ماشاءالله التشيز كيك حلو اوي انتي عملتيه بنفس الطريقة الي في اللينك بس غيرتي في التوبنج ولا ايه الاختلاف انا مش فاهمة اوي؟؟
سمسمة....مين الي دبسك في عزومة ياجميل مفروض انتي الي تتعزمي ربنا يعينك ويبيض وجهك يارب
شفتوا امبارح يابنات حلقة منال امبارح عملت حلو جميل جدا وشكله مبهر
جابت جيلي 3 الوان احمر واصفر واورانج
وجابت شوية فراولة وبرتقالة وشوية اناناس
و3 كوب حليب مكثف محلي
بعد ماعملت الجيلي كل واحد لوحده ضربت كل واحد مع الفاكهة بتاعته وكوب حليب مكثف صبت اول لون في قالب كيك مستطيل وبعد ماجمد صبت عليه اللون التاني وبعد ماجمد صبت اللون التالت وفي الاخر قلبته شكله كان فظييييييييييع
جابت جيلي 3 الوان احمر واصفر واورانج
وجابت شوية فراولة وبرتقالة وشوية اناناس
و3 كوب حليب مكثف محلي
بعد ماعملت الجيلي كل واحد لوحده ضربت كل واحد مع الفاكهة بتاعته وكوب حليب مكثف صبت اول لون في قالب كيك مستطيل وبعد ماجمد صبت عليه اللون التاني وبعد ماجمد صبت اللون التالت وفي الاخر قلبته شكله كان فظييييييييييع
كهرمانة ماشاء الله الحلى بتاع منال من وصفك شكلة لذيذ ومنعش وسهل كمان اوي ان شاء الله اجربه في اول فرصة
هيكون مين دبسني غير البيبي الكبير يعني صحيح هو اول ماقالي على العزومة قالي هاتي من بره خوفا طبعا من البوز المتين هههههههههه بس طبعا هو عارف ومتاكد اني مش هجيب من بره لاني مبعتبرش الاكل من بره ده اكل ولا الجا اليه الا في اضيق الحدود فطبعا هو قالها يعني عزومة مراكبية هههههههه
بس مقولتيليش ايه رايك في المنيو؟
بس مقولتيليش ايه رايك في المنيو؟
الصفحة الأخيرة
روشانا اخبارك ايه والبنات عاملين ايه؟ اصلا كل مرة تنزلي تشتري تلاقي الحاجه غليت والغلاء بيتفاوت بقه حاجه تغلى جنية وحاجه تغلى 10 جنية واللي بيغلى مبيرجعش لسعره ابدااااااااا مش عارفه هنوصل لايه بجد؟؟الله المستعان
زوزا اخبارك ايه؟واختك عامله ايه دلوقتي؟فينك مخصمانا ولا ايه مبتدخليش المضيفه خالص ليه؟
ماشاء الله ياعزة شكلك طباخه ماهره ماشاء الله تبارك الله
اماني ياقمر انا اللي كنت طالبة الكبيبة جزاكي الله خيرا ياجميل علطول بتسعفيني كده...امبارح جربت الشوربة الليبي في السريع كده من غير لحمة بشوربة الفراخ وطلعت لذيييييييييييييييذة وهجربها باللحمة اكيد هتطلع احلى تسلم ايديكم
ابله دينا انا بحب الاختراعات اوي بس طبعا ليا وللاولاد البيبي الكبير مبيبصش على الاختراعات دي خالص....انا بحب البيتزا ايا كانت حتى لو على عيش هجربها بس اكيد لو جيتي تاكليها بتتنيها علشان تعرفي تاكليها
بنوتات انا عندي عزومة لحوالي عشر اشخاص وعايزة آخد رايكم في الاصناف بس تقريبا كل اللي جايين من النوع التقليدي هههههههههه علشان بس تكونوا في الصورة
هعمل الطبق الرئيسي ان شاء الله رز بالخلطة ولحمة كباب حلة يعني دي هتكون في سرفيس كبير وباقي الاصناف حواليها
هعمل سمبوسه لحمه وجبنة
بطاطس محمره
محشي كرنب وورق عنب
فراخ بانية
صينية كفتة بالبطاطس(لزوم التقليدي)
شوربة لسان عصفور بس لاني كذا مرة في عزومات اعمل شوربات تانية زي فراخ بالكريمة او مشروم ومحدش يشربها فبلاش احباط
السلطات كول سلو وزبادي وسلطة خضرا
المشروبات قمر الدين وكاركدولي وطبعا الخشاف
الحلو بقه زوجي لا يطيق الحلويات الشرقية (رغم انه تقليدي)فعمل تشيز كيك وممكن كنافة بالقشطة
كده ماشي ولا ايه اللي ناقص او ايه اللي مش لايق على االاكل
انا حبيت يكون في صنف لحمه وصنف فراخ وبردوا حاجه فيها خضار وصلصلة علشان مش كله نواشف