صباح الخير يا بنات عاملين ايه

معلش يا بنات في حاجه عاوزه احذركم منها.......في هنا فراخ اسمها الفراخ الفرعوني دي بتكون رفيعه وصفرا مش عارفه ان كانت بتنزل مصر ولا لاء


لو بتنزل مصر خلو بالكم هي عباره عن فراخ مخنوقه وتباع هنا كامله برقبتها ورسها والاحشاء داخلها كامله بس مش صاحيه ولكنها مخنوقه والجميع هنا يعرف ذلك


خلو بالكم يا بنات هي غاليه اوي وممكن تنزل مصر ويتم قطع رقبتها وتنظيفها وبيعها علي انها حلال


انا اسفه والله يا بنات بس افتكرت الموضوع ده لما قريت كلامكم عن اللحوم المستورده

روشانا بالنسبه لفكرتكم عن توزيع اللحوم وانكم تشتروها من الجزار ويتم توزيعها دي بجد فكره كويسه اوي


كل سنه يارب وانتم بالف خير

انا سايباكم بقالى فترة كنت مطحونة فهزهقكم النهاردة معلش استحملونى


جربت مؤخرا من مصر القدس طبق مفروم فراخ نص كيلو ب 16
عملت بيه صنية مكرونة بشاميل بكيس مكرونة نص كيلو

كان ما شاء الله حلو جداااااااااااااااااااااااا

شوحت بصلة بملح وفلفل وحتة زبدة وضيفت طبق المفروم وعلية فص توم واحد مفروم وشوية كارى

والمكرونة سلقتها والبشاميل شوربة باقية عندى فى الفريزر ولبن وكيس بشاميل كنور

اكلة مية مية وسريعة والاهم اقتصادية جدا

سيلفانا

اشك ان الفراخ دى تتباع فى مصر ماتوصلش للدرجة دى يعنى باحشائها دى صعب اوى دى على طول تعفن اللحم

وبالنسبة للفكرة ربنا يسهل هنسأل عنها لان شكيت فعلا ممكن متبقاش محققة شروط الاضحية

ولو ان فى السعودية فى ناس بتدفع تمن الاضحية لجمعيات وهما يضحوا عنهم

مش عارفة نسأل احسن برضه

الفراخ دي يا روشانا بتنزل باعداد قليله علشان تتشال بسرعه لانه باحشاءها وطبيعي ان مده عرضها يكون يوم او يومان وفي درجة حراره معينه........