روحت امبارح بالصدفة اللى بحته سوبرماركت رويال هاوس

جميل ما شاء الله فيه كل حاجة وحاجات مش بلاقيها فى سوبرماركت مدينة نصر

تصدقوا روحت مركاتو يوم الخميس لقيت تلاجة الخضروات المجمد منفضة مفيها ش غير كام كيس حاجات كده غير مش اللى انا عايزاها

المهم جبت اللى انا عايزاه الحمد لله ولقيت بسمة منزلة طعمية نص مقلية جديدة جبت كيس وجربتها تحفة جدا عجبتنى جدا

متقولوش عليا خايبة :) انا عملت كذا مرة الطعمية فى البيت واخر مرة جهزت كل الخلطة وحطيتها فى الفريزر على ما افضى افرمها مقدرتش ومن ساعتها فى الفريزر لا لاقية وقت ولا قادرة بصراحة وانا بحب الطعمية فلما لقيت دى جربتها على طول

ازيك يا روش الطعميه من رويال هاوس ولا ماركاتو

بس على فكره رويال هاوس ما فيهوش عروض

من رويال هاوس

هو على فكرة فيه عروض كتير بس انا مركزتش اوى فيها عشان كنت مستعجلة وكنت عايزة حاجات معينة روحت عليها على طول لكن وانا ماشية شايفة عروض كتير على كذا حاجة عصير ومناديل ومسحوق وكان فيه عرض على خضار مشكل مونتانا دول اللى لقطهم وانا ماشية

ماشاءالله يا لولو....العزومة جميلة جميلة جدا بسم الله ماشاءالله
تعييشي وتعملي

كان فيه زمان مكعبات صلصة زى مكعبات المرقة من فاين فودز كانت حلوة اوى كنت بعمل بيها المكرونة الاسباجتى مش عارفة بطلوها ليه

حد يعرف بديل ليها غير صوص المكرونة الجاهزة معجبتنيش بحس فيها بطعم المادة الحافظة اوى