صباح الخير على احلى بنات
فرصه النهارده اجازه اشارك معاكم قبل ما ادخل على شغل البيت
دندون القمر شيكى على الخاص بعتلك النمره بتاعة رشا
فراشه ايه نوع الكاكاو اللى جبتيه انا بجيبه من هنا مستورد جميل جدا وكمان شفت فى مركاتو والمحمل انواع حلوه برضه موجوده
استنو شويه عندى كام سؤال ياريت تفيدونى وتردو عليا

بصو يا بنات لاقيت عند العطار الحمص ده غير اللى بيتباع عند المقله لأ سألته بيتعمل بيه ايه قالى بيتحط على السبانخ والممبار بس بصراحه انا ما اقتنعتش برده قلتله طب ممكن ينفع للطعميه قالى اه بس الاول تنقعيه شويه وتستخدميه فى عجينة الطعميه يا ترى ده الحمص اللى قالت عليه كتكوته بيطحن ويتعمل بيه طعميه اللى فى الفرن اللى كانت من كام صفحه منزلاها ؟؟؟ حد عنده فكره عن الحمص ده

السؤال التانى من فتره اشتريت ساور كريم جهينه وعايزه اعرف ممكن استخدمها فى ايه غير الحلويات خصوصافى كيكة الشيكولاته دندون ياريت تفيدينى او نورا او اىحد من البنات يا ريت تدونى افكار

يا بنات كنت عاوزه اسالكو بقالي فتره طويله جدا مرحتش ناحيه جنينه مول في شارع البطراوي كان في محل علي اليمين كده قبل صابر كان بيبيع منتجات الكرامه هم فرع منهم اللي هي السمبوسك وكده هم موجودين لسه ولا قفلو

بالمره دى صور كنت عايزه انزلها فى رمضان وطبعا انشغلت اول صوره لكنافة المانجا بتاعة منى جزاها الله كل خير





دى صرة اللبنه بينار التركيه كان حد سالنى عليها دى انا بحبها اوى عملت بيها الكنافه بالمنجا وباستخدمها فى التشيز كيك على طول عندى احلى من اى جبنه وكانت دندون منزله صورتها فى ملف فيدى واستفيدى


دى الفراخ بالشوفان بطريقة دينا ربنا يكرمها يارب

وبس كده كفياكم النهارده يا حلوين