هي الحياة هذي مشاركة من الاخت دنيا الزهور الله يجزاها خير
ان شاء الله تستفيدي


اقتباس:
المشاركة الأصلية كتبت بواسطة دنيا الزهور
حبيت افيد البنات

للي عنها استفسار عن كيفية التحويله للمستشفى انا اقولك كيف

تروحي اول شي لاقرب مركز صحي عندك والتابع للمنطقه الي انتي فيها وتدخلي عند دكتورة النسائيه وتقولي لها انك متأخره ما حملتي

وهي تسوي لك تحويله لمستشفى الولاده والاطفال التابع بعد لمنطقتكم وهناك تسوي كل الفحوصات اشعه صبغه للرحم وتحاليل هرمونات وكل شي

وفي نفس الوقت تخلي زوجك يروح امركز الصحي وياخذ تحويله للمستشفى الي عندكم ويسوون له فحوصات

وبعدين اذا طلعت النتايج يجمعون نتايجك ونتايج زوجك واوراقكم كلها الي سويتوها ويسوون لها لجنه يعني مجموعة دكاتره يقرروا اذا انتوا محتاجين تحويله للتخصصي والا لا

ويدعوكم انكم تحضرون اللجنه وتوقعوا

وبعدين يرسلوكم للهيئه الطبيه يسوون لكم موعد بالتلفون لمستشفى التخصصي ببريده واذا حددوا لكم الموعد يتصلوا عليكم ويخبروكم

واذا كانت منطقتكم بعيده يعطوكم تذاكر طائره من عندهم

هذي التحويله تستقرق يمكن من ست شهور الى عشره شهور على حسب المواعيد

وهناك مجرد تروحي ويسوون لك تحاليل على طول تطلع في نفس اليوم اذا كنت اوكي يبدأو العلاج

واذا كنت عندك شي يعالجوه اول وبعدين يبدأو

وترى المستشفى مرررررره حلو وتعاملهم حلو لاني جربت المستشفيات الخاصه ولاحظت الفرق حتى الدكاتره دقيقين في شغلهم

وبالنسبه للسكن هناك فيه شقق قريبه مره من المستشفى يعني نروح له مشي

وبالنسبه للمواعيد تروحي يوم الموعد وترجعي في نفس اليوم لبلدك واذا جى وقت العمليه تضطري تجلسي هناك عشرة ايام بس وبعدين بعد الترجيع ترجعي بلدك ويحددوا لك يوم التحليل واذا سويتي التحليل تتصلي عليهم وتخبريهم النتيجه اذا فيه حمل خلاص تخلصي من هناك وتتابعي في اي مستشفى قريب لك متابعه عاديه

واذا مافي حمل .............................. . مادري يمكن يحددوا لك موعد ثاني تبدأي من جديد

وعلى فكره بعد التحليل بأسبوعين يقولوا لك روحي سوي سونار ويحددوا لك عدد الاجنه واتصلي قولي كم عدد الاجنه تسوي السونار في منطقتك مو لازم عندهم

وبعدين اي استفسار لمدة ثلاث شهوربخصوص المثبت الي يعطوك اياه والعلاج تتصلي فقط تلفون

بالنسبه لي اول عمليه سويتها عندهم نجحت الحمد لله وكان بعد فشل عمليتين عملتها في مستشقيات خاصه والحمد لله ربي رزقني توأم اولاد زي العسل الله يخليهم لي ويحفظهم ويرزق كل محروم يارب

انصح كل وحده انها ما تتأخر عن كذا وهذي الطريقه بالتفصيل عندكم من بكره روحي واخذي تحويله وابدأي والله يرزقكم

واي استفسار انا جاهزه

نسيت اقولكم شي هناك ماعندهم لوموزين يعني اذا انتي قريبه روحي بالسياره احسن واذا بعيده الله يعينكم لاني انا عانيت من هالنقطه

صج المستشفى مره قريب بس احيانا يعني بعد عملية السحب مو زين تروح مشي وبعد الترجيع مو زين تروحي مشي وبعدين انا مرضت واضطريت اطلب الاسعاف الى الفندق لان بجد ماقدرت امشي ومافي لوموزين يعني هذي نقطه عانينا منها انا وزوجي بعض الايام زوجي استأجر سياره تأجير يومي واحيانا نطلب من اي احد يوصلنا وتراهم اهل بريده خدووووومين ونشامه ومره طيبين

الله يوفقكم

مرحباااا على الجميع وشلونكم يابنات ان شاء الله مرتحين ,,,,,
انا كان موعدي يوم الاثنين اللي راح وتحاليل وانتظار وكشف والنهايه يوم دخلت مقابله قال د/ مدحت لا تجلسين وين زوجك قلت بالدوام قال خليه يجيء قلت ماهو في بريده قال لازم نسوي تحليل له قبل الساعه 12 او تجيء الدوره الجايه صرااااحه جاني احباط من كلامه طيب ليه ماقلتو يوم اتصل عليكم لازم يجيء زوجك ....صراااحه عشوائيه بدو يملون من كثر المراجعين
الله يعين بس

الله يعينك ياليت كان معك احد يتكلم مع مدير المركز و يفهمه
طيب اذا انتي ثاني يوم من الدورة
تقدرين بكرا تبدين بالعلاج اذا زوجك يقدر يجي حاولي تروحو بدري عشان يطلع التحليل بسرعه

دنيا الزهور
متى عرفتي انك حامل بتوأم
حرم البيك انتي بتجيللقصيم يوم التحيل مشوار عليك اسألي يمكن تكتفين انك تخبريهم
عاد انا ما أحب ضرب الخطوط الله يعينك

استغفر الله.....................يا حرم البيك طمنينا...الله يفرح قلبك بحملك