انا جاية بس اسلم واقول ايه الحاجات الحلوة والجميلة دي تسلم ايدكم كلكم ومش عارفة انا ما كنتش باجي هنا الاول ليه شكلي بقيت مسطولة زي ناس اصحابنا هما عارفين نفسهم
بس بصراحة مجموعة اكلات فوق الوصف تسلم ايدكم كلكم بصراحة واهي تنفع في رمضان ان شاء الله واهي تبقي مرجع لينا كلنا ان شاء الله
ربنا يجازيكم كل الخير علي تعبكم ويكون في مزان حسناتكم جميعا يا رب العالمين
انا جاية بس اسلم واقول ايه الحاجات الحلوة والجميلة دي تسلم ايدكم كلكم ومش عارفة انا ما كنتش باجي...
طريقة عمل السمنة من قشطة اللبن لعيون هبة الحلوة
شوفي يا هبة انا كل يوم باجمع القشطة من على سطح اللبن و احطها في علب حلاوة من الكبيرة القديمة اللي عندي و احطها في الفريزر و لما بيتجمع عندي 5 علب كده احطهم في حلة كبيرة و لكل علبة احط معلقتين صغيرين من بتوع الشاي ملح، يعني على ال5 علب باحط 10 ملاعق صغيرة ملح. اهم حاجة و انتي بتسيحيها على النار يا هبة انك تقلبيها باستمرار لانها بتعمل المورتة اللي بترقد في الاخر دي و بتلزق و تتحرق في الحلة لو مقلبتيش باستمرار. لما تلاقي خلاص السمنة جاهزة عندك و الورتة دي لونها اغمق خلاص اطفي النار و صفي السمنة على طول لان المورتة دي بتشربها تاني لو سبتيها فيها. و سيبيها تهدى شوية و عبيها في برطمانات قبل ما تتجمد و لما تبرد خالص شيلي اللي حتستخدميه في التلاجة و الباقي في فريزر التلاجة. انا باشيلها في برطمانات المربي الزجاج الكبيرة و تقريبا بتطلع لي اتنين و نص او 3 و بتقعد فترة مش بطالة
بس يا ستي، هي دي الحدوتة كلها، و لو فيه اي اسئلة اتفضلي