مساء الفل عليكو جميعا يا قمرات
مش عارفة المطبخ فاضى ليه محدش هنا .... يا اخونا ... طيب ماشى مشغولين اوكى منا داخلة فى معاد غالبا تلاقيكو بتحضروا العشا ... مش كده
نودى حبيبتى انتى ومسلمة بصوا انا كمان بقى انضم لكم انا عملت ايس كريم بتاع دريم اوك بس ملحوظتى عليه كانت حاجتين اولا انه فعلا رغم انى عملته باللبن بس طعمه مكنش زى الجاهز بس مكنش بيشد زى الموتزريلا ولا حاجة كان عامل زى كوباية لبن لما تجمدوها فى الفريزر يعنى مش زى بتاع بره خالص
تانى ملحوظة بقى دى اقتصادية
انا جبت علبه البودر بتاعها ب2 جنيه اوك جبت 2 علبه ب 4 جنيه
وعملت العلبتين 4 كوب متوسط مش راضية عن طعمه بينما ممكن نشترى 4 علب من كيمو ب 4 جنيه المتوسطين يعنى وطعمهم حلو طبعا ...
ازى الصحة بقى
لقيت ان بره الجاهز مهما كان غالى فهو اوفر فى المجهود والسعر واول ما نشتريه ناكله
هاه يا دندون ايه رايك
مساء الفل عليكو جميعا يا قمرات
مش عارفة المطبخ فاضى ليه محدش هنا .... يا اخونا ... طيب ماشى...
مضان كريم وربنا يعيده علينا وعلى أمة محمد بخير يا رب ان شاء الله ، سلامي لكم كلكم واحدة واحدة واعفوني من ذكر الأسماء معلش مخي تعبان اليومين دول، المهم بابوسكم كلكم واحدة واحدة ومتشكرة لكل اللي سألوا عليا واللي ما سألوش
انا دخلت مخصوص علشان اعيد عليكم وسامحوني مش قادرة اقرأ كل الكلام عندي زحمة شغل جامدة قوي كالعادة علشان افضل محتاسة فيها طول رمضان وقبل الأجازة (كل سنة كده والله)
يلا ادعولي بقى علشان الدكتور بيقوللي ممكن في أى لحظة تولدي ، ما اتنسونيش من دعائكم واهم حاجة ادعولي اقدر اصوم على قد ما اقدر
سلام دلوقت