ملف الآكلات المصرية المتجدد(الجزء الخامس و السادس) للمبتدآت و المحترفات

don • 20 سنة

nohaa :

صباح الخير على كل اللي موجودين عاملتوا ايه امبارح في الصيام ازيك يانوودي عامله ايه عندكو اكل ايه النهارده على فكرة انا بجيب دبس الرمان بيكون سايل وفي قزايز ومعرفش ازى ليه شكل تاني ولا لاء؟ على فكرة السوبيا اللي جتني بالكيلو بس بفكر اكبر منها واعمل بتاعة دوون ام ابيها انا لسه معادي في المستشفى بدري فاماسالتش حد لكن انا في ابني الاولاني صمت رمضان الحمدلله وربنا يقوينا السنه دي ان شاء الله

صباح الخير على كل اللي موجودين عاملتوا ايه امبارح في الصيام ازيك يانوودي عامله ايه عندكو اكل...

ماشى يا نهى تغطية اخرى للكفتة البانية
بعد ماتعملى الكفتة وتصبعيها وتبططيها تضربى 3 بيضات ونضع علية نص كوب دقيق وملح وفلفل وفصين ثوم وربع كوب ماء لحد ما تبقى عندك زى العجينة شبة سايلة وتضعى فيها الكفتة واحدة واحدة وتحمريها عادى بنفس الطريقة ودى اللى بنسميها النقيطة يا نهى

don • 20 سنة

Noody30 :

صباح الفل على ام ياسمين و على دندونة ايوة يا نها دي طريقة الكفتة اللي باعملها صح يا قمر و ربنا يهديلك كريم الفترة دي و يقدرك عالصيام دندونة تسلميلي يا قمر و انا عارفة ماركة يمامة و ان شاء الله الاقيها عندي ام ياسمين يا جميلة، و الله هي حبيبتنا مسلمة سبقتنا احنا الاتنين لاني كنت حاعمل لكم الفهرس و ما شاء الله جيت لقيتها نزلت الجزء الاول فسبتها تكمله، جزاها الله خيرا ريحتنا كتير، و تسلمي يا جميلة على الافكار. على فكرة يا قمر لف المثلثات بيبقي سهل. انتي ادامك قطعة مستطيلة صح؟؟ طيب حطي الحشوة على جنب في الطرف اللي قصادك و بعدين طبقيه زي المنديل من عند الزاوية حيعمل لك مثلث، تعالي على الجزء الحر و لفيه تاني حيبقى مثلث و افضلي كملي حيطلعلك كله في الاخر على شكل مثلث يا رب يكون شرحي واضح

صباح الفل على ام ياسمين و على دندونة ايوة يا نها دي طريقة الكفتة اللي باعملها صح يا قمر و ربنا...

بصى يا نودى وام ياسمين فى مثلثات البقلاوة او السمبوسك مبعملش زى نودى كدة من الاول ودى الطريقة المعتادة اللى الكل بيعملها
لآ انا من عند الزاوية بعمل مثلث لكن مابحطش الحشوة علية خالص بعمل اول مثلث فاضى لحد ما يبقى عندى زى الجيب واحط الحشوة داخل الجيب دة والف عادى كدة بتبقى سهلة جدا والحشو عمره ما يغلبك ياترى فهمتو قصدى ؟؟؟؟ممكن اشرح تانى

egypt-jasica • 20 سنة

don :

( الجزء الخامس )

( الجزء الخامس )

شكرا يانودى على الشرح الجميل انا فعلا بلف كده شرايح السمبوسك
بس اتلخبط علشان مكتوب اقطع الورقة نصين بالطول ثم بالعرض 3 شرايح وبعدين ادهن بين كل ورقتين ويكون المثلث متكون من 6 مربعات
لكن طريقتك اسهل هعملها بيها

طيب معلش سؤال تانى انا بصراحة معملتش اللازنيا قبل كده ممكن تقوليلى اجيبها منين وبكام وايه النوع الكويس علشان ملقتهاش فى هايبر

Noody30 • 20 سنة

don :

( الجزء الخامس )

( الجزء الخامس )

شكرا يا دندون على الطريقة دي كمان، و الحمد لله الشرح واضح تمام يا جميل و ان شاء الله تكون فكرته وصلت لام ياسمين

Noody30 • 20 سنة

don :

( الجزء الخامس )

( الجزء الخامس )

العفو يا ام ياسمين، احنا في الخدمة. شوفي بالنسبة للازانيا انا جبت نوع غالي حبتين بس هو ممتاز و تعملي منه صنيتين او تلاتة. اسمه Banzani ب 18 جنيه تقريبا في كيسين كل كيس 15 شريحة يعني كلهم 30 شريحة. انا لما استخدمته استخدمت 15 شريحة بس كانوا كتير لانهم عملوا لي 4 طبقات، اعتقد تكون افضل ب 3 طبقات، يعني هي حسب رغبتك. النوع ده لما سلقته سلقت شريحتين بشريحتين و كانت كل مرة بتاخد 5 دقايق و بعدين اطلعها في مية ساقعة عليها تلج زي ما دون قالت. بس نوعها نضيف فعلا لا عجنت و لا نشت و لا اي حاجة. فيه نوع تاني ارخص دون قالت عليها ب 7 و نص تقريبا بس مش عارفة اسمه ايه. منين بقى انا كنت جايباه من فتح الله عندنا في طنطا