السلام عليكم من جديد احلى سلام لكل الحبايب



انا شايفه انو الموضوع ساح على بعضه فاطرقت عليا فكره حلوه عشان يسهل البحث عليكم
هعمل زى فهرس لكل مجموعه اكلات هكتبها واكتب عنوان الصفحه اضغط هنا
اتفضلو باسم االه نبدا


المجموعه الاولى

المكرونه بالباشاميل
الكفته بالبطاطس ( ايدام)
طاجن ورق العنب بشوربه الكوارع
صينيه القرنبيط باللحمه المفرومه
سمك بورى مشوى بسر الخلطه الاسكندرانى
ياناس ياعسل الكشرى المصرى وصل
الملوخيه بالجمبرى
فخذ عنم او كتف محشى بالارز بالبسله والجزر
مسقعه شعبيه
عجه البيض باللحمه المفرومه
النجرسكو
الفطير المشلتت
قلقاس بالخضره(ايدام)
صياديه السمك او الجمبرى
صينيه السمك بالبطاطس
طاجن الارز المعمر باللحم او الدجاج

اضغطى هنا



المجموعه الثانيه

طريقه تدميس الفول البيتى (( فول ام جيجي ))
اسرار نجاح الفول والحصول على الطعم المظبوط
فول اسكندرانى
فول بالبيض
حبشتكنات
مقالى شعبيه
الفول بالطماطم رقم1 على طريقتى الخاصه
الكفته بالطرب

اضغطى هنا

الملوخيه بالفراخ او الارانب

المجموعه الثالثه

محشى الملفوف
محشى الخضروات المنوعه
محشى الكاليمارى او الحبار( 3 طرق)
الممبـــــــــار
كبده اسكندرانى
فول بالطحينه
فول بالحمص والثوم وزيت الزيتون
فول بالزبد
فول بالسمن
بيتزا الفول
البليله
الخشاف
نصايح للتحضير لشهر رمضان كل عام وانتم بخير


اضغطى هنا


يتبععععععععععععع

ارجو من المشرفين نقل الفهرس فى اول صفحه

اختى الغاليه aboail
تسلمى على الكلام الحلووووو ربنا يخليك مامتك يارب :24:
بتجاملينى واللهى انا مش شاطره فى كل الاكل بعضه وبعضه
عنيا الاتنين الكبده هعملها حاااااااالا بس اوعوا توحوحوووو حاااااااااااااره :cook:

انا هروح البس المريله بتاع المطبخ عشان ابدا الطبييييييييييخ
حد يجي يساعدنىىىىىىىىىىىى :cook:

فى الخدمه معلمى جاهز معاك

روشه عمري
العنوان
شارع جامعة الدول ـ قبل عصيرات فرغلي فيه مطعم على شكل كوخ ، هاهذا هو المكان

لكي حبي وتقديري وانا ادري تعبتك معاي
بس الله يعطيك الصحه والعافيه

يلا انا بشمر اهو بسم الله نبدا استعنا على الشقى بالله

احلى محشى ملفوف ابيض لحضره سمو الاميره
وسعووووووووووووووووووووووووووووووووو


المقادير
ملفوف ابيض مسلوق فى ماء وملح وكمون وقطعه خبز ومصفى ومقطع مربعات كبيره
شوربه لحممممممم
رصه قاع الحله( عيدان الشبت والكزبره حلقات طماطم حلقات بصل )
ملعقه سمن سايحه للتلميع

مقادير الحشووو
بصله كبيره مفروم
فلفل اخضر رومى او حار نصف كوب
ملعقتان شبت وكزبره مفرومين
زيت ذره
3 حبات طماطم كبار وعلبه معجون طماطم السعوديه مضاف اليهم هيل وملح صينى لانو صحى عن مرقه الدجاج يعنى دا بديل مرقه الدجاج
واناتو( ملون طعام صينى )دى من اختراعى عشان تخلى الخلطه لونها احمر وجمييييل والهى فكره جميله جربوها وادعولى
كل دول مضروبين فى الخلاط

كوبين ارز مصرى مغسول ومصفى
كزبره خضرا وشبت وبقدونس ونعناع اخضر بصله صغيره مفرومين نصف كوب من كل حاجه

التوابل اولا البهارات (قرنفل وخلنجان وقرفه وروز مارى وهيل وجوزه الطيب وكبابه صينى) مطحونين ومخلوطين ملعقه صغيره منهم
( كمون وكزبره ملح وفلفل اسود وقرفه ناعمه وبابريكا وفلفل احمر حار بودره)

الطريقــــــــــــــــــــــــه

نضع الزيت فى الطنجره ونضيف البصل لحد ما يشقر نضيف الفلفل وبعدين نضيف البابريكا والفلفل الاسود والشبت والكزبره لحد ما الريحه تطلع نضع خليط الطماطم ونقلب ونتركها تتسبك جيدا جدااا (( لحد ما الزيت يظهر على الوش)
بعد ما تتسبك نضيف باقى التوابل ونقلب ثم ناخذ من الصلصه مغرفه ونشيلها على جنب ثم نطفى النار ونضع الارز خليط الخضره ونقلب
فى طنجره نرص ال (عيدان الشبت والكزبره حلقات طماطم حلقات بصل ) بنفس الترتيب ثم نحشى ورق الملفوف ونرصه فوقه وعند الانتهاء نضع مغرفه الصلصه السابقه اللى سبق ووضعناها على جنب على وجه الملفوف المحشى ونسقى الملفوف بشوربه اللحم المغليه ونتركها على نار قويه مده ربع ساعه ثم ننقلها على نار هادئه الى ان يستوى وطبعا السوى على حسب الزوق فى ناس بتحبو مستوى اوى وناس مش مستوى كتير
بعد النضج نرش فوقه ملعقه السمن السايحه ويرص فى طبق التقديم وبالف هنا

ملاحظه( الشوام بيحطوا فى المحشى لحم بس المصرى ما بنحط فيه لحم )

محشى الخضروات المنوعه

المقادير
خضروات منوعه محفوره ( كوسه فلفل رومى باذنجان ابيض واسود خيار )

الحشوه نفس الحشوه السابقه بس مع مرعاه تقليل الطماطم وتركها 5 دقائق على النار لان الخضروات تستوى بسرعه عكس الملفوف

رصه قاع الطنجره نفس السابقه بس من دون الطماطم

ملعقه سمن سايحه لتلميع المحشى

طريقه التحضير
ترص قاع الطنجره بالشبت والكزبره والبصل
وتحشى الخضروات بالحشوه ثلاث ارباعه فقط لمراعاه انتفاخ الارز داخل الخضار وترص
نشرب المحشى بشوربه اللحم المغليه ونتركه على نار قويه ربع شاعه ثم ننقله على نار هادئه الى ان يستوى وطبعا السوى على حسب الزوق فى ناس بتحبو مستوى اوى وناس مش مستوى كتير
بعد النضج نرش فوقه ملعقه السمن السايحه ويرص فى طبق التقديم وبالف هنا

محشى الكاليمارى ( الحبار)


المقادير

كليمارى منضف جيداا ومصفا تماما
مقدار من الحشوه السابقه مع اضافه الثوم والصنوبر المقلى للخلطه
دقيق متبل بالكمون والملح والفلفل والكزبره والشطه الحمراء البودره
زيت
ماء مغلى متبل بالملح والفلفل والهيل والورا + مغرفه صلصه المحشى( فى طنجره كبيره)
خله خشب
طريقه التحضير
يحشى الكاليمارى ثلاث ارباع ولا تزيدى لينفج عند السوا
ويقفل جيدا باعواد الخشب او يخيط
يغلى خليط الماء على النار ثم نسقط فيه حبات الحبار المحشى ونركه يغلى الى ان ينضج ثم نخرجه ونصفيه جيدا من الماء ونتبله بالدقيق المتبل ونقليه فى الزيت الحار ثم يخرج ويرص على ورق ماص ثم يقطع حلقات اذا كان كبير ويترك سليم اذا كان صغير

وفى حاله اذا عايزاه طرى ومش مقرمش ضعيه فى طاجن او بايروكس غويط وضعى فوقه مغرفه من الشوربه اللى انسلق فيها نصف سلق طبعا لانو هيكمل سوا فى الفرن ثم يغطى بورق الفويل ويدخل الفرن الحار لمده نصف ساعه او الى ان ينضج تماما

دى طريقتى

وفى طريقه تانيه لاختى مشروم برضوا روووووعه

الكاليمارى أو السبيط أو السيبيا أسماء مختلفة لكائن بحرى من فصيلة الأخطبوط و لكن بأحجام أصغر يكون على شكل مخروطى و له العديد من الأرجل
و هناك العديد من الطرق لعمل منه الكثير و الكثير من الأطباق الشهية و قد سبق أن قدمت الكاليمارى المقلى و هو يعد من الكاليمارى المقطع
و هنا أقدم طبق آخر مختلف تماما من الكاليمارى و لكن يلزم لإعداده إبقاء الكاليمارى على شكله الخروطى بعد التنظيف ليمكن حشوه

الكاليمارى المحشى
المقاير
كيلو كاليمارى
2 بصلة كبيرة مفرومة
رأس ثوم مفروم
3 كوب عصير طماطم
ملح- فلفل- كمون- بهارات سمك
كوب بقدونس - كوب شبت - كوب كسبرة
زيت نباتى
3 أكواب رز مصرى

الطريقة
1 - نحمر البصلة فى الزيت و بعد 5 قائق نضيف الثوم وبعد قليل نضيف عصير الطماطم و البهارات و نتركها تتسبك
2 - نطفىء النار و نضيف الشبت و البقدونس و الكسبرة و الرز و نقلب جيداً
3 - نحشى الكاليمارى و نضعها على جنب
4 - نضع الخلطة المتبقية فى طاجن و نضع الكاليمارى المحشى واقفاً فى وسط هذه الخلطة
5 - نغطى الطاجن و نضعه فى الفرن إلى أن ينضج الرز ثم تكشفه ونولع الشوايه إلى أن يحمر الوجه
و بالهنا و الشفا

الممبااااااااااااااااااااااار





المقادير
مقدار من المصارين المقلوبه و المنظفه جيدااااااااااا جدا بالليمون والملح والخل وملح الليمون والدقيق وتكحت بالسكين جيدا او تدعك فى مصفى وتنقع فى خليط التنظيف ساعه وبعدين تشتطف جيدا وتغسل بقليل من سائل غسيل الاطباق ثم تشطف جيدا لحد ما تطلع بيضاااااااااااء وشفافه تماماااااااااا بس خودى بالك من الشطف جيدا لانها بتشرب الملح اتاكدى انها غير مملحه

مقدار من الحشوه السابقه بالاضافه الى قطع كبده صغيره تحمر مع البصل فى اعداد الحشوه وممكن الاستغناء عنها وضيفى ايضا طماطم وفلفل وبصل مكعبات صغيره الى الخلطه

زيت للتحمير

ماء مغلى مضاف اليه ملح فلفل هيل لورا

طريقه التحضير
احشر الممبار واعمليه حلقات واقفليها باعواد الخشب او بالخيط مع مرعاه عدم ملئه لالا ينفجر عند السلق
يسقط الممبار فى الماء المغلى ويترك ليتسلق ثم يصفى ويقلى فى الزيت الحار وبالف هنا


كبده اسكندرانى لا حلى aboail

المقادير
نصف كيلو كبده بقرى مقطعه شرايح صفيره
2فلفل اخضر رومى وحار مقطع شرايح
1بصل جوانح
5 فصوص ثوم مدقوق
1طماطم مفرومه
بهارات ( هيل قرفه كمون كزبره ملح فلفل اسود قرنفل بابريكا فلفل حار بودره ملح صينى واناتو) كله مطحوووووون
زيت ذره
طريقه التحضير

فى طاسه كبيره نضيف البصل ونقلب دقيقه ثم الفلفل والثوم الريحه تطلع نضيف الكبده ونقلب ثم نضيف كل التوابل ماعدا الكمون ثم نصيف الطاطم ونقلب ونصيف ربع كوب ماء ونتركه يتشرب ثم نضيف الكمون فى النهايه ونقدمه سان مع المكرونه او الارز او سندوتشاااااااااااااات يا عينى على السندويتشات


فول بالطحينه رقم 1 لاحلى ام باسل
المقادير
فول مدمس ساااخن
طحينه
زيت ذره ملح وليمون وكمون وكزبره وشطه مطحونه بقدونس مفروم وطماطم

طريقه التحضير

نخلط كل المقادير ونهرسسسسسسسسسسس

فول بالطحينه رقم2 (بالحمص وزيت الزيتون والطحينه والثوم ) 2
المقادير
فول مدمس ساخن+حمص مسلوق
ثوم مهروس
زيت زيتون او زيت ذره ملح وليمون وكمون وكزبره وشطه مطحونه

الطريقه
نخلط كل المقادير وما ينهرس