aboail
تسلمى يا قمر ربنا يخليكىيا ويكرمك على الدعوه الحلوه




ام باسل حبيبتى

ربنا يخليكى ليا رب وما يحرمنيش منك ابدا على الكلام الشربات ده والدعوات العسل دى

اللة اللة اية الحلاوة دي اية الطعامة دي اية الشياكة دي ياست روشة:cook: :cook:نبالراحة عليا احسن برج من دماغي حيطير من حلاوة اللي كاتباه ياقمر اللهم صلي على النبي ======> هههههه انفع اتكلم مصري او اسكت احسن حقيقي ماشاء اللة تبارك اللة اللة يسلم هاليدين ويسلم الحلو اللي في الصورة ويحفظة يارب :26: :26:
الملف روعة وخاصة الفول ومعليش انا ماشفتة الا اليوم وقلت لازم اشكرك على المجهود الرائع .....ميرسي خالص:26: :26:

ايه ده ..ياعظمة يا ست الكل دنت موسوعة ما شاء الله .... ومهما قلت ما أقدرش اوفيكي حقك ربنا ينولك اللي في بالك ويقضي عنك دينك ويرزقك ويباركلك في ابنك ييييييييييييييييييييييييييارب ..
حبيبتي قولي الدعاء ده دايما " اللهم اغنني بحلالك عن حرامك وبفضلك عمن سواك وارزقني من حيث لا احتسب "


وليه طلب لو سمحتي انا عاوزة طريقة الجلاش باللحمة + الاكلات اللي قولتي عليها في الصفحة الاولى بس ما شرحتيهاش يعني كانت عناوين بس لاني دوخت وانا بأقرها بس وصلت لحد هنا وماشوفتهاش ...
واقبلي مني الهدية البسيطة ديه ومتأسفة جدا على الاطالة :26: :24: :26: :24: :26:

حبيبتى غرام

هههههههههههههههههههه واللهى فطست من الضحك دا انتى بتتكلمى مصرى زى السكر

بالف هنا يا قمر لو عايزه طريقه اى اكله معينه انا فى الخدمه اامر يا قمر امرك يمشى


حبيبتى السهرانه

اللهم اغننى بحلالك عن حرامك وبفضلك عمن سواك وارزقنى من حيث لا احتسب

واللهم كل بقول كل الاذكار الحمد لله


ربنا يجعلنا ديما من الصالحات والمطيعين لله ورسوله امين يارب العالمين


حبيبتى انتى تؤمورينى ياقمر انا انشاء الله هنزل كل الاكلات اللى مكتوبه وزياده كمان بس انا بكتب شويه شويه وكمان اللى بيطلب حاجه بعملهالوا على طول انتى بس اطلبى واتمنى علي وانا انفذ فورا :27:

بسم الله


الجلاش باللحم لاحلى سهرانه الغاليه

المقادير

باكت جلاش مجلد
قلب زبده انكور الكبير (454) جرام مغلى على النار لحد ما يترسب اللبن فى القاع

مقادير الحشوه( العصاج)
نصف كيلو لحم مفروم
بصله كبيره جوانح
قرن فلفل حار حسب الرغبه
ملعه زيت
وبهارات ملح وفلفل وبابريكا وبهارات وهيل مطحون


كوب حليب سائل + بيضتين + ملح وفلفل وقرفه ناعمه ( مضروبين فى الخلاط )

جبن مبشور حسب الرغبه
طريقه التحضير

تجهز الحشوه يقلى البصل فى مقلاه ويضاف الفلفل واللحم والتوابل وتعصج جيدا الى ان يصبح لونها بنى ( مثل حشوه الكبه )

تجهز صينيه فرن كبيره وتدهن بالسمن وتوضع 10 طبقات الجلاش وتدهن كل طبقه بالسمن السائح ثم يفرش الحشو وتوضع عشر طبقات اخرى وتدهن ايدا كل طبقه بالسمن ثم تقطع سمبوسكات او مربعا وتغطى بطبقه جلاش وتدخل الفرن لمده ربع ساعه ثم تخرج وتنزع طبقه الجلاشه الاخيره وتشرب بخليط الحليب والبيض وترش بالجبن المبشور حسب الرغبه وتدخل الفرن مره اخر الى ان يحمر الوجه وتترك لتبرد ثم تسك القطع وترص فى طبق التقديم
وبالف هنا وعافيه

ملحوظه يجب ملاحظه الجلاش من تحت ليتحرق يعنى لما يتحمر من تحت اطفى من تحت وولعى من فوق فقط

حبيبتى حوته


الحاجات اللى هتشتريها على حسب احتياجاتك يعنى زى ما انا قولت هتعملى كام عزومه وكل عزومه هتعملى فيها اكل ايه واكتبى مثلا هعزم فلان على ( مكرونه بشاميل ومحشى ورق عنب وطبق مقالى فيه ( سمبوسه وكرسبى اوبوب كورن وفيه عرايس وكفته بطاطس اذا محشيه او باللحم ) وهعمل مثلا اسكالوب لحم ودجاج مشوى وارزكبسه او بريانى او اى طريقه من طرقكم الحلوه وسلطات سلطه حمص وباباغنوج وسلطه خضرا ومكدوس وهكذا........)
يبقى ساعتها تعملى ايه تقولى انا هعمل من قبل رمضان (حشوه المكرونه وتحطى فى اكياس وتشيلى وخلطه تالمحشى بس طبعا من غير الارز خليها جاهزه على وضع الارز بس وتكونى طبعا مجهزه السبموبه والكرسشبى والهرايس وكفته البطاطس ويبقى كله على القلى بس واذا هتعملى اسكالوب يبقى برضوا جاهز على القلى بس وكذلك الدجاج او اللحم جاهزه فى الريز على الشوى فى الفرن على طول او فى الشوايه وتعملى برضوا خلطات الارز اللى تنفع تتحفظ وتكونى مجهزه الدرسنج بتاع السلطات فى ازايز يدوبك انك تقطع الخضار وترشى التتبيله بس والحمص والطحينه تكونى مجهزاه وعملاه فى برطمانات بس تحطى فى الطبق وتحطى عليه زيت الزيتون

واذا هتودى للمسجد تكونى مثلا متبله دجاج او لحم كميه مثلا تطلعيها على قد اليوم وتطلعى تشويها على طول او تضعيها على صالونه بطاطس تتحمر فى الفرن وهيا متبله وبرضوا او تعملى رز بسيط فى صينيه كبيره وتسقيها وتغطيها بالقصدير وتفتحيها وتضعى عليها اللحم او الدجاج المتبل وتغطى برضوا بالقصدير وتضعى فى الفرن على طول وقرب السوا تنزعى القصدير وتولعى من فوق بس وتسبيها تتحمر من فوق انا ديما بعمل كده للاكل اللى بوديه المساجد وبيطلع فى منتهى الجمال وريحته بتبقى مليه الشارع كله ولا شكلو مش ممكن بيبقى رووووووووووووووووووعه ويشهى جداااااااا

باذن الله هكتبلك كل طلباتك ادى اول طلب

وشوفى اذا عايزه حاجه معينه انا فى الخدمه

بسم الله

طريقه عمل الكنتاكى ( كرسبى او اجنحه او بوب كورن او افخاز او الدنر كومبو)

المقادير

اذا كان كرسبى ( صدور دجاج طازجه او مجمده انا بستعمل صدور مجمده التعاون الاسلامى مقطعه شرائح طويله)
البوب كورن ( صدور دجاج مقطعه صغير فى حجم التمره )
اجنجه عاديه مقسومه نصفين
او افخاذ
او دجاجه كامله مقطعه ثمانى قطع


خلطه النقع
( اضربى فى الخلاط)
بيضه (لكل ثلاث صدور )
ربع كوب حليب + ملعقه حليب بودره + رشه اناتو + نصف ملعقه اجينوموتو+بابريكا+ ملح وفلفل اسود+ نصف ملعقه فلفل احمر حار بودره ( اذا عايزاه اسبايسى)


خليط التغطيه

2 كوب دقيق
فلفل احمر حار بودره
بابريكا
كركم او كارى
كيس شوربه طماطم او بصل
بودره بصل
اجينوموتو
فلفل اسود وملح
رشه اناتو

خليط تغطيه اخير
ربع كوب لبن خالى الدسم او كامل+ ملح وفلفل حار
خليط تغطيه خشن ( يمكن استبداله بالكورن فليكس المطحون خشن)

سمن ( مازولا او اصيل) للقلى ضرورى جداااااااا لو انقلى فى الزيت مش هيدى الطعم ابداااااااااااا ولا هيدى اى قرمشه السر فى السمن


طريقه التحضير
ينقع الدجاج فى خليط النقع لمده ساعه او 4 ساعات او من المساء يكون افضل

يوخذ نصف كوب من الخليط السابق ويخلط بملعقه من خليط النقع ويفرك باليد جيدا لحين ما يتكون خليط خشن ويترك يجف ( مثل الكتل اللى موجوده على دجاج كنتاكى)

تتبل قطع الدجاج بخليط التغطيه ثم تعاد مره اخرى فى خليط النقع تم تعاد فى خليط التغطيه ثم نمسك كل قطعه ونبلل اصابعنا بخليط التغطيه الاخير ثم نبلل القطعه ثم نضعها فى الخليط الخشن
يرص فى طبق فل ويغطى ويوضع فى الفريزر لمده ساعه قبل القلى

يخرج من الفريزر ويقلى

اذا هنقلى كرسبى او بوب كورن ( نقلى فى طاسه واسعه بدون تغطيه وتخرج وتصفى فى مصفاه موضوعه على طبق به ورق مطبخ ( لاتضعى على ورق المطبخ مباشرا لان بذلك يرجع السمن من الورق الى الدجاج مره اخرى)

اذا هنقلى قطع بالعظم نقلى فى طنجره عميقه بالمصفاه او طنجره عميه بغطاء ننتظر قليلا لحين تفوش الدجاج من الجانبين ثم نهدى النار و نغطى مع المتابعه من ان لاخر ثم يصفى من السمن ويدخل فى فرن هادىء لنتاكد من استواء الدجاج تماما

الدجاج بيفضل مقرمش فتره طويه حتى لو عملاه من الصباح ووضعتيه فى التلاجه برضوا بطلعيه بتلاقيه مقرمشششششششش

اذا هتفرزيه لرمضان اتبعى الاتى

ترص فى طبق فل كبير او صغير على حسب حجم قطع الدجاج ثم تترك قليلا تجف فى الهواء ثم تغطى بطبق فل اخر وتغلف بالبلاستك اللاصق وتفرزن فى الفريزر لحين الاستخدام ( يمكن وضعه لمده شهر كامل) عند القلى تخرج من المساء وتوضع فى الثلاجه من تحت ليذوب وتقلى بنفس الطريقه السابقه

وبالف هنا وعافيه جربوه وادعولى واللهى على ضمانتى


اللى عايز اى حاجه يطلبها انا فى الخدمه ديما