حبيبتى الشامخه

تسلمى ياقمر عندك حق فعلا احيانا الفول الجاهز بتاع بره بيبقى مش حلو بيبقوا عملينه اى كلام وبالنسبه للطرق عمل الفول والبهارات والخلطات انا انشاء الله هكتب كل الطرق اللى موجوده فى الفهرس فوق ونقى اللى يعجبك منها ياقمر ويارب يعجبوكى يارب

اختى الغاليه om basel

تسلميلى يااااااااارب بنت بلدى العسل ويعنى يا قمر لو مش هتقل عليكى لو عندك طرق تانيه لعمل الفول يارت تكتبيهلنا ربنا لا يحرمنا منك يارب



حبيبتى ياسميه

تسلملى يا قمر عطرتى الموضوع يا قمر بريحتك الحلوه

السلام عليكم جميعا اخباركوا ايه مع الفوووووووووول

نكمل يلا اتفضلو معانا


معلش يا حبايبى انا هبدا اعمل الحبشتكنلت لاحلى الهوى الشرقى طلبتها وانا مش ممكن اتأخر ابدا

يلا بسم الله


الحبشتكنــــــــــــــــــــــــــــــــــــــــــــــــــات

طريقه رقم 1
المقادير

المقادير حسب عدد الافراد
مقدار من الفول الاسكندرانى (( سبق عمله ))

نصف كميه الفول مقالى شعبيه ماعدا الكوسه والباذنجان العروس (( هقولها بعدين ))

بيض مسلوق ومقطع حلقات بالقطاعه

طعميه مقليه دوائر ضغيره (( هشرحها بعدين ))

كميه من المخللات مقطعه صغير

خبز حبوب كامله مش شامى كل رغيف مقسم نصفين اذا كان حجمه صغير


طريقه التحضير

نخلط جميع المكونات على بعضها
( الفول الاسكندرانى على المقالى على المخلل على الطعميه على البيض )

ممكن يقدم فى طبق وممكن نعمل منه سندويتشات بحشو انصاف الخبز وعند التقديم تسخن السندويتشات فى الفرن الكهربائى او الميكروويف

وبالف هنا وعافيه

طريقه اخرى لعمل الحبشتكنات

المقادير

مقدار من الفول بالطماطم رقم 1 ( انشاء الله هكتبها ))

مقدرار من المسقعه الشعبيه بدون لحم طبعا ( سبق عملتها فى موضوع الاكلات المصريه )

بيض مسلوق ومقطع حلقات

التحضير

نخلط على المقادير وبالف هنا






المقالى الشعبيه


قرنبيط مقطع زهرات صغيره او متوسطه مسلوق نصف سلق على البخار او فى الماء المغلى المضاف له القليل من الملح والكمون الحب وقطعه خبزه
عجينه تغطيه القرنبيط (( بيضه ملح وفلفل وقرفه ناعمه وبابريكا وكزبره وكمون ودقيق )) نخلط كل المقادير الى ان تتكون عجينه سايله الى حد ما


كوسه مقطعه اصابع او دوائر
بطاطس صغيره فى حجم الليمون الصغير مسلوقه ومقشره ان وجدت اومتوسطه ومقطعه حلقات سميكه او رفيعه حسب الرغبه بعد السلق طبعا


باذنجان مقطع دوائر سميكه
باذنجان اسود عروس
فلفل قرون صغيره او رومى مقطع شرائح سميكه بالطول


مقادير تتبيله الباذنجان والفلفل
( ثوم مدقوق وفلفل احضر مفروم وطماطمه صغيره مفرومه كمون كزبره فلفل احمر حار ملح وخل وليمون وزيت ) تخلط كل المقادير وتدق جيدا


طريقه التحضير

اولا نقلى شرائح الفلفل او القرون الى ان يذبل ونخرجهم

نتبل البطاطس والكوسه بالملح والفلفل والدقيق والكزبره والكمون ثم نقليهم فى الزيت ونخرجهم على ورق ماص لزيت

ثم نقلى الباذنجان العروس والباذنجان الرومى الدوائر ونخرجهم على ورق ماص

ونفتح الباذنجان العروس بالسكين من النصف ونحشيه بالتتبيله السابقه وكذلك نتبل دوائر الباذنجان الرومى والفلفل الاخضر

ملحوظه (( يمكن بدل قلى الباذنجان العروس نسلقه فى ماء ونصفيه ونفتحه ونحشيه ونحفظه فى علبه بلاستيك وناخذ منه )) هوا يشبه المكدوس عندكم شويه

واخيرا نغطى زهرات القرنبيط بالعجين ثم نقليها فى الزيت الى ان يشقر لونها ونخرجها على ورق ماص

فى طبق تقديم كبير نضع القرنبيط فى جنب والباذنجان النوعين فى جنب والفلفل فى جنب والبطاطس والكوسه فى جنب وكمان نضع معاهم طعميه فى جنب برضو :23:



الفول بالطماطم رقم 1 (( على طريقتى الخاصه))



المقادير

علبه فول مغسوله جيدا
طماطم مكعبات
ملعقتان معجون طماطم
5 فصوص ثوم مدقوقين
بصله مقطعه جوانج
فلفل اخضر رومى جوانج
فلفل قرون حار قرنينن (( اختيارى))
كمون وكزبره قرفه ناعمه فلفل اسود ملح فلفل احمر حار
زيت ذره
بقدونس وكزبره خضراء مفرومه
بيض مسلوق مقطع حلقات للتزين

طريقه التحضير

فى طاسه كبيره نحمر نصف البصل وبعدين نضع الفلفل وبعدين الثوم لحد ما ريحته تطلع ويصفر ثم نضع الطماطم المكعبات والمعجون ونصف كوب ماء والتوابل كلها وباقى البصل يغلى قليلا ثم نضيف الفول ونقلب جيدا ونغطى ونتركه يتسبك خمس دقائق

ثم نضع البقدونس والكزبره الخضراء ونقلب ثم نضعه فى طبق التقديم ونزينه بالبيض المسلوق

وبالهنااااااااااا :23:

حبيبتى Amarige
مشكوره يا عسل انشاء الله تجربى الاكل ويعجبك



الغاليه الهوى شرقى
تسلمى يا قمر ههههههههه الا كله اسمها حبشتكنات مش شفشنكاح هههههههههه
اتفضلى ياقمر اى خدمه الاكله اهى اضغطى هنا




يا عمر يا Hawdah عنيا الاتنين هعملك الطرب حاااااااااااااااالا

السلام عليكم



الكفته بالطرب ( لاحلى Hawdah)



المقادير
مقادير الكفته
نصف كيلو لحم غنم مفروم ناعم
ملح فلفل بهار قرفه
مقدونس مفروم بصل مفروم ناعم
فص ثوم واحد مهروس
زيت او سمن
صنوبر مقلى


منديل خروف

التحضير
تخلط مقادير الكفته جيدا

ثم يقطع منديل الخروف الى قطع متساويه وتؤخذ كل قطعه وتحشى بخليط الكفته (( مثل حشو ورق العنب بالظبط ))

يشوى فى الفرن او على الشوايه او على الفحم

او يدحرج فى الدقيق المتبل ويقلى فى الزيت بس فى حاله القلى يجب حشو الطرب باللحم المعصج المضاف له الصنوبر وليست الكفته النيه


او يعمل طاجن

يقلب فى قليل من السمن ثم يرص فى طاجن او صينيه بايركس ويوضع فوقه الارز المقلى المضاف له الهيل والقرفه وقرون الفلفل الاخضر ويشرب بالمرق وعند قرب النضج يرش بماء الزعفران او يلون جزء منه بالكركم ويقلب فى طبق التقديم ويزين بصنوبر اضافى غير الموجود فى الكفته وبقدونس مفروم



او يعمل نفس الطاجن السابق بس بالارز المعمر (( سبق شرحه ))

وبالف هنا وعافيه :23:

اللة يعطيج العافية عمري

مجهود تشكرين علية وما قصرتي

تحياتي