صباح الخير .. بسألكم ايش الفرق بين الخياطه التجميليه والعاديه ؟

الاثنين عادي هي ماتضر بالعكس مره مفيده للخياطه
بس القيصري لانها عمليه فلازم تنتبه اكثر للجرح

صباح الورد 🌷🌷


جزاكم الله خير عالدعوات الطيبة اللي تشرح الصدر
ربي يغفر لحبايبنا اللي فارقونا ويجعل مثواهم جنات النعيم


بنوتات اللي متخوفين من الولادة طبيعي وجرح العجان والتوسعة
لا تشيلون هم كبير ترا والله المسألة ابسط مما تتخيلون
ربي خلق جسم الأم بطريقة يتكيف مع جميع الظروف
ومافيه شي بالحياة يخترب ولا يرد يتصلح لابد فيه خل او طريقة ..


المهم اذا ربي يسرها الولادة وطلع معاك شق منطقة العجان ضروري تهتمين بالمنطقة اول أسبوعين بكذا شغلة ركزوا معاي :


اولا : النظافة يعني غيري الفوط الصحية عالأقل كل ساعتين او 3 ساعات .


ثانيا : التجفيف الممتاز يعني دخلتي حمام وتنظفتي خلاص جيبي كلنكس يفضل اللي ورقته ثقيلة مو رقيقة وجففي المنطقة بشكل خارجي تمام بعدين خذي ورقة ثانية ولفيها على اصبعك السبابة وطبطبي على موضع الجرح شوووي شوي بدون ضغط ولا تخافين سمي بالرحمن اول بعدين ابدي .
تذكري التجفيف الممتاز اول طريقة لالتئام الجرح


ثالثا : حطي الكريم المضاد اللي مصروف لك اما عالمنطقة مباشرة بقطعة شاش او تحطينة عالفوطة الصحية ولا تلمسينة بصبعك مكشوف أبدااااا .


رابعا : لا ترهقين نفسك بالقعدة لوقت طويل حاولي تخلصين من البيبي وتحطينه جنبك او بفراشه وتنسدحين تريحين علشان لا يصير ضغط من كثر الجلسة عالمنطقة هذي .


اذا اتبعتي هالخطوات باذن الله كلها اسبوعين وجراحتك ملتئمة
ولو حسيتي خلال هالاسبوعين بوخز خفيف على منطقة الخياطة فهذا معناه ان الجرح قاعد يلتئم أو انه بدت الخيوط تطيح ..
لو صار معك حكة قوية او ألم غير محتمل او ريحة مو حلوة بالمنطقة معناه في التهاب ولازم تمرين دكتورة تشيك عليك .


بعد أسبوعين ابتدي بتمارين كيجل وهالتمارين غنية عن التعريف ماشالله تردك مثل البنت لو حافظتي عليها بطريقة صحيحة واللي صعبة عليها بأول الأيام ممكن ماتكون متعودة لكن لو تمرستي فيها خلاص بتصير عضلات المهبل مقبوضة لا إراديا وسهلة عليك تسوينها بجميع حالاتك سواء واقفة او قاعدة او منسدحة ..


وان شالله يوم تطلعين من الأربعين بتصير المنطقة ضيييقة وممتازة احسن حتى من يوم انك بالتاسع او بنهاية مرحلة الحمل ..

التحجر قالت لي الدكتورة لان البيبي كبر ومافي مساحه يتحرك والمويه تبدا تقل عليه

الف سلامه عليك دلوله ماتشوفين شر يارب انتي واولادك
الكحه اولادي اعطيتهم علاج مره ممتاز قضى عليها مره وحدة كمان البخار ريحهم شوي اما انتي الله يعينك كثري مشروبات دافيه اغلي ليمون مع عسل ممتاز للحلق وقدامك العافيه 😘