Um-s3oud0 :

السلام عليكم هذي قصة ولادتي اللي ماكنت حاسبه انها بتجي بدري بس اللهم لك الحمد بتاريخ ٢٢ يناير راجعين من اهل زوجي على بعد المغرب وحسيت بالسياره الحركه غريبه شوي كنها ثقيله يعني البيبي يتحرك بثقل قلت عادي المكان صار ضيق على البيبي ومن وصلت البيت صليت العشا وكنت حاسه بتعب مو طبيعي ارهاق ونعس وحطيت راسي ونمت صحيت الساعه ١١ بالليل شبعانه نوم اروح اتفرج على التلفزيون واراقب الحركه حسيتها من جد خفيفه وثقيله قلت عادي واكل شوكلاته ونفس الشي بس قلت عادي لأن قبل اسبوعين كنت رايحه لموعدي وكل شي كان تمااام الحمدلله المهم نمت الساعه ٢ بالليل وصحيت الصبح حاسه بشد بجنبي غريب شوي المهم قلت لزوجي بروح الطواريء اتطمن ورحت لطواري الحبيب العليا قالت الدكتوره عادي اتوقع لاأن المكان صار ضيق على البيبي حطوا لي التخطيط وماكان في طلق ونبض البيبي الحمدلله كويس ولما سوت لي سونار لقت المويه ناقصه وحركة البيبي بالسونار معدومه قالت لي لازم ولاده قلت شلون وخفت جت دكتورتي الدكتوره نوال الله يسعدها وقالت الوظائف الحيويه لازم تكون للجنين ٨/٨ وانتي ٤/٨ ولازم ولاده نحاول بالصناعي واذا تعب البيبي نحولك عمليه وقالت استخيري وشوفي والحين ممنوع تطلعين من المستشفى بنعطيك ابرة الرئه وجلست مااكذب عليكم خفت بصراحه واقوم اتوضى واصلي الظهر واستخير بعدها قلت خلاص ابغى عمليه ليش اتعذب بالصناعي واخاف يتعب البيبي واتحول عمليه اختصرها واسوي عمليه المهم اخذت ابرة الرئه الساعه وحده الظهر والثانيه الساعه وحده بالليل بعد مااخذت ابرة الرئه الثانيه كلمتني الدكتوره نوال واقنعتني اني اولد بالطلق الصناعي وهونت الامر علي واعطوني اول تحميله الساعه وحده ونص قالت بعد ست ساعات نشوف اذا في استجابه نعطيك تحميله ثانيه اذا مافي استجابه نحولك عمليه وصوموني تحسبآ للعمليه اختي جابت لي مره وموية زمزم كنت اشرب قبل لااتصوم موية زمزم وسبحان الله زادت حركة البيبي واشم المره لان سمعت تفتح الرحم بسرعه المهم الساعه ٦ الصبح قاست لي الرحم قالت فاتح ٢ سم يعني الحمدلله في استجابه نعطيك تحميله ثانيه وافطري ونامي وانا ويني وين النوم طبعآ طول الوقت التخطيط علي عشان يتابعون الطلق ونبض الجنين خايفين يتعب وبعدها حطت لي بالمغذي طلق صناعي وبدا الجد من الطلوق مره مره متعبه وجتني الدكتوره وسوت لي تحريض طلعت روحي ورجعت من الوجع قالت عشان يساعدك من قوة التحريض حسيت انه اقوى من الطلق قالت لي ولادتك ان شالله بتكون على المغرب وانا معاي المره اشمها طول الوقت بعدين جتني الممرضه وجابت لي الكره الكبيره وخلتني اسوي تمارين عليها عشان ينزل الراس بالحوض وع الساعه ١ جت الدكتوره قاست الرحم قالت ٦ سم قدامك ساعتين ثلاثه ان شالله الممرضه قالت لي تبغين اساعدك وتولدين بسرعه انا قلت سوي اي شي بس اولد واخلص لأن الطلق الصناعي متعب متعب دخلت يدها ومدري وش سوت قالت فاتح الرحم ٧ سم وتقوم وتجهز كل شي وبديت احس بشي يدفع لبرا واقولها وتكلم الدكتوره بسرعه تجي وجت الدكتوره تقولي لاتدفعين قلت مو انا البيبي اللي يدفع ونادوا دكتور الاطفال والممرضات من عناية الاطفال تحسبآ للطفل والساعه ٢ بتاريخ ٢٤يناير ولله الحمد نورت الدنيا بنتي والحمدلله اول ماطلعت بكت وبكاها متواصل واسأل الدكتوره كيف البنت قالت الحمدلله اسمعي كيف بكاها يعني تنفسها كويس ولله الحمد جلست بنتي بالحضانه تقريبآ اسبوعين واللهم لك الحمد طلعت وسميتها ديم❤️

السلام عليكم هذي قصة ولادتي اللي ماكنت حاسبه انها بتجي بدري بس اللهم لك الحمد بتاريخ ٢٢ يناير...

Soomah_d :

يجيني مغص ببطني وانا اقرأ أكشنات الولاده ياربي تسهل 💔

يجيني مغص ببطني وانا اقرأ أكشنات الولاده ياربي تسهل 💔

حلمي الامومه2 :

بنات البارح في الليل جاني اسهال الله يكرمكم فضيع ومعاه طلوق واليوم لما صحيت حسيت حركة الجنين بسيطه مرره مب زي العاده .. تنصحوني اروح للمستشفى

بنات البارح في الليل جاني اسهال الله يكرمكم فضيع ومعاه طلوق واليوم لما صحيت حسيت حركة الجنين...

Madame Sunset :

امين ياقلبي وياك يارب باي شهر ام وئام ومتى موعد ولادتك

امين ياقلبي وياك يارب باي شهر ام وئام ومتى موعد ولادتك

أم هدى :

ياحلوااات اتكلموبالتجمع الجديد ليش تتكلمون هني 😛

ياحلوااات اتكلموبالتجمع الجديد ليش تتكلمون هني 😛