حلمي الامومه2 :

ان شاءلله بروح مشكوره ياعمري.. ادعولي بنات اولد على خير

ان شاءلله بروح مشكوره ياعمري.. ادعولي بنات اولد على خير

صمت10 :

جميلاتي الكروشات طبعا ولادتي اكشنها اكشن الحمدلله بما اني بكريه وما افهم شي كل ماحسيت بشي اخاف وانواع الاحاسيس رحت مراجعتي الدوريه الي كل شهر وسوت سونار قالت لي الجنين نازل بالحوض احتمال ولاده مبكره انتبهي وارتاحي وتحتاجي ابره رئه خديها ابره وبعد 12 ساعه ابره دي دكتورتي بالخاص طبعا محسوبتكم ماتعرف ايش يعني نازل بالحوض وايش ابره رئه وليش ومدري ايش وروحي لقوقل واتصالات واسال الكروشات دا الكلام كان المغرب بالضبط العشا قال زوجي خلينا نروح الحكومي ناخد الابره احسن وانا اكره المشفى الحكومي عندنا رحت مجبره انتظرت قالت لازم كشف قلتلها مافي شي ولا احس بشي وسويت سونار قالت الدكتوره الرحم مقفل والوضع تمام وامسكني ديك البكستانيه ولازم وتعهد وسوت لي سالفه قلت يلا طبعا اول مره اكشف داخلي ومعرف ايش يعني كشف عبالي كشف عادي وتدخل البكستانيه يدها وصرعتني لقيت نفسي لاصقه بالجدار ورايا ودموووع والله يسامحك قالت رحم 2 سم انتي ممكن ولاده قلت مافيني شي طبعا بعد كشفها وانا مافيني شي انواع الالم مغص وظهري وافرازات ومويا حاله وقتها حسيت الموضوع جد ويكتبو اوراق وماعندهم حضانه لان البيبي صغير وتحويل لخاص وتجي بعد مده تكشف قالت 3 وانا مفجوعه طلعوني للكشك الين يجي التحويل كشفو قالو 4 وانا مرعوبه من الوضع حولوني للخاص واجلس 3 ايام طلق من 70 وفوق ويوصل 100 والرحم ثبت على 4 طبعا اليوم الثالث محسوبتكم جاها طلق قوي كل 5 دقايق مدري 7 ومتحمسه لمن جات الدكتوره كشفت قالت 6 سم ولاده ويغيرون غرفتي لغرفه جنبها سرير ولاده وانا اكشن بكا وصراخ ومبغا اولد ودموع وطلعوني الين رجع الرحم 4 واجلس لليوم الي بعده والطلق ماشي الين جا وقت الجد كان معايا طلق وجت دكتوره كشفت قالت 5 لسى وراحت بعدها انا انزف وانزف ومدري دا ايش وانادي الدكتوره تقول اذا مازاد نزلك سونار نشوف وراحت بعدها الدم يزيد وكتل انا انفجعت حطو لي حفظات كبيره لمن جو شافوها انفجو وينادو الدكتوره لمن شافت وضعي دخلت يدها وتقلب مدري ايش تسوي وانا منصرعه ومنتهيه وابكي انا زادني انو ما اكل وممنوع بس مويا واحيانا يشربوني بغطايه وقعدت من دخلت المشفى ما انام ارق مو طبيعي وبعدها قالت 7 سم وانا الطلق زاد مرا وصرت اعض المفرش مافي شي ماسويته ثبت على 7 وانا احس في شي بيطلع واحاول ادفع مو قادره قالت لي اذا حسيتي كانك بتتبرزي خبريني حسيت بدا الاحساس قلتلها الا القاهم يشيلوني على سرير مرتفع ورافعات ومدري ايش وانا اتالم زادت عليا الالم صرت مو قادره واقول للدكتوره خلاص وادف يدهم واكشن الين لقيت نفسي نومت نوما عميقا طبعا اختكم هبلتهم فحطو لي كمامه غفيت صحيت اقلهم ولدت عمليه ولاقيصري بعدها حطو لي مسكن ولا مدري ايش نمت ساعه طبعا طفلي على طول حضانه لان الرئه ماكتملت والاكسجين ناقص الحمدلله وضعه احسن بس للان اقول يارب الحريم كيف ترجع تحمل ثاني

جميلاتي الكروشات طبعا ولادتي اكشنها اكشن الحمدلله بما اني بكريه وما افهم شي كل ماحسيت بشي اخاف...

صمت10 :

طبعا ماكملت اغراضي وقتها ولمن خرجت حوست شوي فعشن كدا خلصو من بدري ماتدرو ايش ممكن يصير وكمان بخبركم شي عن تجربه لزياده وزن الجنين الحليب والموز والتمر عصير وادعولي بعدها طبعا انا طحت بالمعصوب قشطه موز وتمر وعسل ☺ كمان جاني عسل اصلي بالمشفى لمن كنت اخد منه ملعقه كان يزيد معايا الطلق ويجيني مغص ☺ يمكن يسهل لكم ولاداتكم جربو

طبعا ماكملت اغراضي وقتها ولمن خرجت حوست شوي فعشن كدا خلصو من بدري ماتدرو ايش ممكن يصير وكمان...

Doha.otb :

بنات في وحده من جماعتنا تقولي لاجاك الطلق شمي حلتيته تفتح الرحم.. مين جربتها !! صراحه مستحيل اغامر واشمها بس قلت اسالكم يمكن احد مجربها🙄

بنات في وحده من جماعتنا تقولي لاجاك الطلق شمي حلتيته تفتح الرحم.. مين جربتها !! صراحه مستحيل...

ام اليمين :

الحمد لله على سلامتك ياقلبي وسلامة البيبي ربي يحفظه ويطلعه بالسلامة ويقر عينك به ماعليك الولادات منسية ههههههه وإن شاء الله مرة ثانية تكون ولادتك أسهل

الحمد لله على سلامتك ياقلبي وسلامة البيبي ربي يحفظه ويطلعه بالسلامة ويقر عينك به ماعليك الولادات...