غرومة..
•
ماشاء الله تبارك الله روووووووووعه كل حلى احلى من الثاني :26:ماشاء الله تبارك الله روووووووووعه كل حلى احلى من الثاني :26:
كب كيك البطاطا الحلوة واللوز بصلصة الكراميل روعة وراقية ..
هالكب كيك خفيفة ومغذية :21: ، جربوها ترا كل اللي يذوقها يسأل عنها وما يدري شنو فيها ولما اقولهم من البطاطا الحلوة والله يستغربون لان طعمها مو مبين :) ..
وألذ طريقة لها تكون مع جوز البلقان بس للأسف يومها ما كان متوفر عندي ، بس كل المكسرات لذيذة ..
المقادير:
1/2 ك زبدة لينة "100 غرام"
1 ك سكر
بيضتان
1 1/4 ك طحين
1 م م بكن صودا
2 م ك بكن بودر
1 م ك فانيليا
1/2 م ش ملح
1 م ش زنجبيل مبروش ناعم
1 م ش دارسين
3\4 بطاطا حلوة مهروسة ناعم جدا "مسلوقة مسبقا ومبردة"
1/3 ك كريمة سائلة
1/2 ك لوز شرائح أو جوز مجروش "الاثنين روعة ، وانت ذوقج"
مقادير صلصة كاراميلِ:
1/2 ك زبدة لينة
3/4 ك سكر يفضل أسمر
1 ك كريمة سائلة
1/2 م ش نسكافيه
وللتزيين: شرائح لوز محمص أو جوز مجروش
الطريقة:
اخفقي الزبدة والسكر بطاسة حطيها فوق جدر فيه ماي حار-مغلي سابقا "حمام مائي بس بدون نار" لحد ما تبدا الزبدة تسيل تحتاج من2-3 دقايق..
ضيفي البيض وحدة وحدة واخفقي لحد ما يمتزجوا عدل ..
ضيفي الطحين والبهارات والكريمة واخلطيهم بملعقة ثم الخلاط ..
ضيفي اللوز أو الجوز والبطاطا الحلوة المهروسة ونخلط بالخلاط لمدة دقيقة ثم تخلط بملعقة ونقلب الخليط عدل ..
صبي الخليط بقوالب الكب كيك المدهونة أو بورق الكب كيك ، دخليها الفرن لمدة 15-25 دقيقة على حرارة 180 ..
وهذا شكلهم بعد ماطلعتهم من الفرن ..
غرومة..
•
طريقة صلصة الكراميل:
ذوبي الزبدة والسكر بقدر على النار مع التحريك وخليهم لحد ما يغير لونهم..
وهذا شكلهم بعد ماتغير لونهم ..
اغلي الكريمة السائلة وضيفيها على خليط الكراميل "راح يفور الخليط وياج حطي بالج وحركي بسرعة ترى بسرعة يهدا ، وماقدرت اصورها لاني بروحي كنت اشتغل ومحد يصور" ، وهذا شكلها بعد اضافة الكريمة ..
ثم ضيفي النسكافيه وحركي لمدة دقيقتين وشيله من على النار ..
صفيه بمصفاة ناعمة ..
وهذا النسكافيه اللي استخدمته الذهبي ..
الصفحة الأخيرة
ويفتحها بوشك ياقادر ياكريم ...
يابت ياغروووومه ...