غرومة..
•
كرات تمر محشية مكسرات ومغلفة بجوز هند روعة بالتقديم :21: ..
سهلة وماتاخذ وقت بالمرة ..
المقادير:
1 1\2 ك تمر منزوع البذر
1\4 ك زبدة "وممكن أكثر"
1\2 ك جوز هند
1\2 ك مكسرات أو شوكولاته أو حلوى عمانية
الطريقة:
اعجني التمر بالزبدة على النار لحد مايصير عجينة طريقة ..
خليها تبرد ثم كوريها واحشيها مكسرات وغلفيها بجوز الهند..
هذي طريقة عملها بالترتيب..
ملاحظة:
ممكن تغلفينها بالمكسرات بدل جوز الهند ، أو تحشينها شوكولاته ومكسرات مع بعض :) ..
غرومة..
•
أصـابـع الجـبـن لذيذ جدا جدا ومميز للتقديم والأهم سهل جدا ..
هالحلو يصير ترفزونه بكميات كبيرة بالفريزر لوقت الأزمات والضيوف المفاجئين :) ..
المقادير:
توست أبيض
جبن موتزريلا
صمغ العجين "ماء وطحين يمزجون حتى يصير المزيج لزج جدا ، مثل العجينة اللينة "
زيت للقلي
للتقديم والتزيين : شيرة "قطر" ، فستق حلبي مطحون
الطريقة:
انزعي اطراف التوست ..
رقيه التوست عدل بالنشابة لحد ما يصير مثل الورق ، خصوصا الاطراف رقوها عدل ..
ضعي الحشوة على الطرف الاعلى وضعب على الجوانب شوي من صمغ العجين ثم لفي الاطراف حتى تغلق على الجبن ولفيها لفة وحدة ثم اتركي الاطراف واكملي اللف وبالأخر حطي مرة ثانية صمغ العجين عشان تسكرينها بالأخر ، لاحظو الصور وان شاء الله راح تفهمون قصدي ..
وهذي صورة صمغ العجين ..
غرومة..
•
قصي الأطراف الزايدة وهذي صورتها ..
وهذي صورتها بعد القص شوفوا شلون صارت مرتبة ..
وهذي الكمية مسويتها للفرز بالفريزر ..
اقليها بشوية زيت ثم حطيها على ورق ماص للزيت ..
بعد ثواني شيليها من الورق وشربيها شيرة "قطر" ..
اغمسي أطرافها بالفستق الحلبي ..
وقدميها ساخنة مع القهوة العربية وبالعافية ..
وهذي من داخل شوفو الجبن شلون سايح يمي يمي ..
الصفحة الأخيرة
في طريقتك للميني كريم كرامل ما عرفت ايش قصدك علبة كريم كرامل ممكن صورة؟