الراقيه~
•
اختي انا بديت من الوسواس من قبل 3 سنين حسيت كل مالو يزيد في الطهاره ياقلبي والوضوء.. قبل سنة وشوي تقريبا جاني في الصلاه كنت لما اصلي بالركوع والسجود احس بريح واعيد الوضوء والصلاه كذا مره .. جاء رمضان قعدت ادعي واصلي واقوم الليل وادعي وراح مني الي بالصلاه الحين الله يكرمك في الحمام والله اني اتعب اقعد بالحمام ربع ساعه ومرات توصل للنص واحس بالارهاق شديد اشطف نصف جسمي الاسفل بالماء مع السندل لاني احس بنجاسه وكثيير اوسوس من الي قبلي في الحماماختي انا بديت من الوسواس من قبل 3 سنين حسيت كل مالو يزيد في الطهاره ياقلبي والوضوء.. قبل سنة...
اختي هذي وساوس الطهاره يبيلها عزم وصبر وكل شي بالتدريج ماراح ينحل بيوم وليله انتي جاهدي نفسك بنفسك اول شي توكلي على ربك وبإذنه سوف يعينك ثم اقري على نفسك الرقيه الشرعيه واحرصي على الاذكار واذا دخلتي الحمام لاتطولين مهما كانت الوساوس في اول الامر راح تتعبين وتتوترين عادي لاتخافين هذي وساوس ارتبطت في عقلك كلما جيتي بتخلصين ترجعك من اول وجديد كانك ماغتسلتي لااااااا اذا جيتي تعيدين قومي واطلعي على طول لاتلتفتين للوساوس مره مرتين ثلاث حتى لو عشر وراح ترتاحين بعدين وهذي كثير جربوها والحين مرتاحين بس لاتيأسين اجتهدي ولازم تجتهدين وتعوذي من الشيطان وقولي كثير لااله الاالله وحده لاشريك له له الملك وله الحمد وهو على كل شي قدير مائة مره في اليوم والليله فهي حرز من الشيطان وساوسه لاتتكاسلين شفاك الله وعافاك
الراقيه~
•
ساررره :
السلام عليكم ورحمة الله وبركاته اختي الراقيه انا مصابه بالوسواس اكتشفت حالي بنفسي والله يابنات انه نفسيتي زفت واتمنى الموت ولا اعيش هالحاله اتوهم المرض وكل ماتغلب عليه يرجعلي انا مانكر اني اعيش فترة فراغ طويله بسبب غربتي عن هلي سببتلي الوسواس الله يعيني ويصبرني ويشفيني لا حد يوصفلي ادويه لاني مستحيل اكل ابي اتغلب عليه بالقران والاذكار بس ابي منكم تقوون عزيمتي ادعولي والي مرت في نفس حالتي اتمنى انها تقولي كيف تغلبت عليها اختي حالتي الحين رعشه في اليدين مضايقتني فوق ماتتصورون مسببتلي احراج خلتني انعزل عن الناس:44::icon33:استغفر الله واتوب اليه انا ادري انه هذا اختبار من رب العالمين لكن والله اني تعبت ارجوكم لاتهملوني والله يجزاها كل خير الي بتساعدنيالسلام عليكم ورحمة الله وبركاته اختي الراقيه انا مصابه بالوسواس اكتشفت حالي بنفسي والله يابنات...
اختي الله يعينك بغربتك ولكن تذكري لستي انتي الوحديه مغتربه في كثير والبعض في حال محزنه اشد منك تذكري انك افضل من الكثير لاتعزلي نفسك عن المجتمع الخارجي اطلعي ووتونسي كذا انتي تزيدين همك فوق هم لازم تعيشين حياتك طبيعيه مثل ماكان اهلك عندك ولاتقولين اتمنى الموت مايجوز اختي تمني الموت والموت مكتوب بيوم معين سواء تمنيناه او لا اهم شي انتي توكلي على ربك ثم اقري قران كل يوم واحرصي على الاذكار وخلي لسانك رطب بذكرالله فبذكر الله تطمئن القلوب واما بنسبة الرعشه زوري طبيب وخذي علاج عادي مافيها شي اختي مايجوز تتركي نفسك كذا وان شاء الله مافيك الا الخير اختي وريحي بالك وعيشي حياتك حماك الله وسدد خطاك
الراقيه~
•
اهلا اختي شجرة الدر وجزاك الله خير الجزاء على مرورك الكريم المفيد
اخواتي الي يرسلون بالرسائل الخاصه اعذروني اذا تاخرت للضغط الرسايل وان شاء الله ارد في الوقت القريب جزاكم الله خيرا
اخواتي الي يرسلون بالرسائل الخاصه اعذروني اذا تاخرت للضغط الرسايل وان شاء الله ارد في الوقت القريب جزاكم الله خيرا
الصفحة الأخيرة
غالياتى الى تعانى من وسواس قهرى علاجها بيدها بعد الله والوسواس احد الامراض النفسيه الى يتعاون الطبيب والمريض فى علاجه يعنى نسبه من نجاح خطه العلاج عليك قبل الطبيب
الوسواس القهرى مرض نفسى بس لايلغى تفكيرك علشان كذا نسبه الشفاء منه كبيرة وسريعه ولله الحمد لان المريض واعى بنفسه ويعرف المرض الى يعانى منه ويعرف حجم مشكلته ولديه قبل كذا الرغبه فى العلاج
اول لاتبدئن العلاج لازم تعرفين ان هذة وسوسه شيطان وماله دخل الافعال الى تكررينها فى زيادة ايمانك(تكرار الوضوء والصلاة)لان الشيطان همه اغوى الانسان وليس دعوة للخير وهو يدخل الى الانسان عن هذة الطريق اذا عجز عن منعه عن الطاعه(لمن يعانى من وسواس الطهارة والصلاة)
ثانيا بارادتك وقوتك تستطيعنى تواجهين ذلك
اول شى قومى بالاسترخاء فى مكان هادى وتخيلى نفسك تتوضئين او تصلين بدون مشاكل وبعد ذلك ابدء بالوضوء
ثالثا اذا فى الصلاة حاولى تصلين مع احد ويكون هو الامام
رابعا كل الخطوات تحتاج لعزيمه واصرار صح راح تتعبين ويزداد التوتر عندك وهو الى يدفعك تكررين الوضوء والصلاة علشان ترتاحين منه لكن فى النهايه راح يزداد توترك وتتعبين من كثرة التكرار فمن البدايه لاتعيدين ولا شى وبالتدريج راح يخف التوتر الى ان يتلاشى لان التوتر هو المصاحب للوسواس القهرى
حاولى تقيمين نفسك من وقت لااخر
مثلا اليوم ما طولت فى الحمام ولا اعدت الصلاة واكتبيها فى اوراق خاصه بك الانجاز فقط ام التكرار والاستسلام لا تكتبينها علشان يكون هذة دافع لك للمزيد من المقاومه
عند سماعك للاذن توجهى للصلاة ولاتاخرينها ابد
اكثرى من الدعاء والاستغفار والرقيه الشرعيه بعد
اما من تعانى من الوسواس من المرض اكيد غاليتى انك تستمعين للبرامج الطبيه كثير او ان احد اقاربك توفى عن قريب بسب مرض
حاولى تشغلين نفسك باى عمل يبعد هذة التفكير عنك لان الفراغ يساهم فى زيادة توترك
قوى ايمانك وان الله القضاء مكتوب وما اصابك لم يكون ليخطئك وما اخطاك لم يكن ليصيبك
وماشاء الله غاليتى لديك قوة وعزيمه وانتصرتى عليه فى مرات كثيرة فماهو المانع الان
لديك الخبرة لتعرفى مداخل وعلاج نفسك ومن بدايه ظهور اعراضه قاوميه
وبعدين يالغوالى من قال ان الطبيب النفسى يصف علاج على طول دائما اخر مايلجاء له مع المريض بالوسواس القهرى هو الدواء يعنى يبداء بجلسات وخطه علاجيه سلوكيه وبعدين اذا ماتحسن الوضع بعد عدد من الجلسات يبداء فى العلاج