جزاك الله خير هايدي
فتح بس غير تحميل صح لأني ماحملته عندي عقده من التحميل مهو كل شيء يضبط معي
بس والله تشكرين وجزاك الله خير على هالأحاديث
بس نصيحه مني حطيهن بموضوع مستقل لأنهن هنا خلاص يروحن مع الصفحات ويمكن ننساهن لكن لوفتحتي لهن موضوع مستقل كان أكثر نفعا ولأن الملف مايبطي ويتقفل وينفتح غيره ويروحن خساره
وإن فتحتيه حطي لنا رابطه عشان نحفظه ونستفيد منه
جزاك الله خير هايدي
فتح بس غير تحميل صح لأني ماحملته عندي عقده من التحميل مهو كل شيء يضبط...
انا كنت اليوم بأمان الرحمان ارشخ من هالبردقان اللي وش زينوة والمويات حقته بس تصبصب من يدين وانا االحس اصابعي ويديني وانا مخمخة على هالبردقان (والله لاطلع عيون حقين اللغة العربية)مرتن اكله وانا منبطحة ومرتن وانا منجطلة ومرتن رجلن رفعتها ورجلن تدودل وماتسمعون الا صوت الرشخ واللحس والشفط حتى تصدقون اكلته وانا راسي تحت ورجليني فوق من زينوة (صورة جماليه لوحده حلوة تاكل بردقان وتسنه ماعمرها شافت نعمة)
وولدي يناظرني تسن تسبيدته حايمة وسألته تبي بردقان قال لا صايم وشو صايم مادري المهم اكلت البردقان
مادريت وانا في هالجو الرومنصيطقي الا باب الغرفة يرجد علي وتدخل ذيك الوحدة مادري وش من حرمة المهم انه من الروعة غصيت وقمت ارافس وهي تناظرني وتقولي وش بتس ياحرمة
وانا اشاهق واماهق( ادري تحسبون ابقول كلمتن ثانية بس كسحتكم:icon20:) واقوم انا بحركة اسعافية خطيرة دحجت نفسي بقوة بتسألون وشلون يدي طالت ظهري هذي يسمونه شفت الموت واشوى بعد الدحجة نطت من حلقي فشقت بردقان كبر قريح الظاهر انها بردقانه كاملة بلعتها من الروعة:blink:
بعد ماصحيت وذقت طعم الحياة( احس اني اصلح شاعرة طعم الحياة مهوب اي احد يطلعها الا واحدتن عنده قريح شعري ) (تصحيح قريحة شعرية عجزنا نعلم اللغة العربية بس ماش مماشى السووايق والشغالات وهذي اخرتها) ترى الحتسوة الأخيرة مهيب لي هذا للي يصحح
المهم صحصت وادور هاللي جت مادري هي انسية او جنية الا بنت الحلال ماخذتن لاب توبي ( حتى اعرف احتسي لغات منيب هينه)
وتدور بغيت الله يكرمكم اصكها باخر بردقانه في علباتها بس تحسفت مشتهيتها
واناظر فيها وش تبين يالأخت قالت
ماتدرين من فاز في شاعر المليون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلت هاه من هو ولده ومن حمولته قالت يابنت الحلال شاعر المليون من فاز
واقوم واتل كمبيوتري منها واقول ماعرفوه ولاعمري قربتوه
قالت شكلتس متخلفة (الظاهر انها مدحة مهيب سبة)
ودرعمت مثل ماجات وراحت
بس هين ابسير على كل حجرتن بهالمستشفى الين القاها واوريكن فيها
ورجعت اكمل اكل البردقان شوخ شرخرخرششششششششششررخخرخرخخرشخشخشرشرخرخخخرخخر
هذا صوت الرشخ
وتزوج أليخاندروا هذاك اول وجابوا بزارين ورصعها بكم جارة وهي مازالت ترشخ في البردقان