تسلمون يالحبايب بخير جعلكم بخير بنات انا عندي مشكلة مضيقة صدري انا بجدة واهلي بالرياض يعني لازم اولد بالرياض وولدي بالمدرسة وابوالعيال يقول روحي وخلي الولد بس انا مومطاوعني قلبي ابد ابد اتركة وهوالي فتح الموضوع حبيبي يقول ماما تروحي وتخليني من يساعدني بالحل الله يرضى علية صحيح الموضوع بدري بس شاغل قلبة ومضيق صدرة برايكم اولد بجدة بس ياحسرة وين الدكتور العدل
اختي جوهرة انا بخير بس الالتهابات ذابحتني الله يرحمنا برحمتة ولو ياقلبي نفقدك لانك عزيزة ووغالية ولايهونوا الباقين
الغالية وصايف تسلمي
بطيخة مستوية عندك GNCعندهم فيتامينات للحامل وفية فيتامينات اسمها سنتروم ولازم تاكلي حديد

صباح الخير نمت وصحيت لقيت هذا كله صار وانا ياغافلين لكم الله

المهم بطيخة ...
الكالسيوم ** Osteocare
الحديد ** FERROVIT

كتبتلي الدكتورة حديد اسمه فيفول اظن بس مالقيته في السوق وهذي مريحتني ...

هلا ديم البدر **
وحشتينا ..ان شاء الله انك بخير

جوهرة الاسلام***
سامحينا والله من زود القلق على حركة الجنين نسينا حتى اسامينا والله يتمملنا على خير ..

جنوبية **
الصداع سمعت لما تغلين الملفوف شوي وتحطينه على جبينك يخفف ..
والله يخفف عنك ادري الصداع مشكلة ..

الحنين 2006 **
حياك اولاً ماقدامك الا العافية وان شاء الله تروح عنط هذه الخطوط وترتاحين .. الا ماعرفتي من ايش
بعدين حلوة سالفة الغبار الله يقطع ابليسك كنت اسمع فيه حريم كذا وكنت اقول مستحيل بس انتي حققتي النظرية ...

ديم البدر ***
انتي مثلي الله يتمم لنا انا اهلي بالرياض وبروح ان شاء الله اولد عندهم ... بس انتي الله يعينك قولي لولد كم يوم واجي ولا تطولين ومين الدكتورة اللي بتروحين لها في الرياض لاني ماعرف احد اهلي جديدين على الرياض ..
انقذيني ..

وصايف****
انتي غالية والله لامطنزة ولاشي وانتي ست الكل ياعسل ..
بعدين انا وانتي في الهوا سوى المخللات ماتظر انا بس اكلها وزوجي يعصب يقول بواسير وضغط وتسمم وبدا يخوفني وانا اشتهي كل شي حامض حتى اي حاجة حاليه ماعاد اطيقها ...

موتيني ضحك يا حنين .. يمكن عندك نقص كالسيوم لأني أعرف الأطفال اللي يجوا ناقصهم كالسيوم ياكلوا تراب ولا يمصوا حجار .. أختي كانت تاكله بالملعقة من البطحة وهي راجعة البيت تعبي جيبها عشان تاكل بالبيت .. خخخخخخخ

بالنسبة للحديث يا ليان أنا فهمته كدة :

40 يوم نطفة : يعني الشهر الأول و10 أيام من الثاني
ثم يكون مثل ذلك علقة : يعني 40 يوم تانية = 20 يوم من الثاني و20 يوم من الثالث
ثم يكون مثل ذلك مضغة : يعني 10 أيام من الثالث والشهر الرابع كله
وبعدها يجيه الملك .. يعني يكون مخلص الرابع مو توه باديء الرابع .. والله أعلم ..

يا بنات ليش ما تقروا كتب ؟؟ ترى معظم الأعراض اللي تشكوا منها طبيعية وتلاقوها في الكتب مع حلولها .. أقلها تتطمنوا ..

أنا نصحوني بكتاب اسمه : ماذا تتوقعين عندما تكونين حاملا .. مترجم وتلاقوه في العبيكان .. نفسي أشتريه بس ما جات فرصة للآن ..

تعالوا أحكيلكم عن الحرقان شوية :

تعرفوا المريء ؟؟ بينه وبين المعدة عضلة صغيرة وقت هضم الطعام تنقبض عشان ما تطلع الأحماض اللي تفرزها المعدة على فوق وتحرق المريء ..

فايش يحصل في الحمل ؟؟ هرمونات الحمل تسبب ارتخاء لكل عضلات الجسم ومنها هادي العضلة تبع المريء .. فتسمح بصعود الأحماض لفوق بعد كل وجبة وخاصة الأكل الثقيل لأنه يبغاله أحماض كثير عشان ينهضم .. عشان كدة يقولك كلي أكل خفيف وبعدي عن المقليات ..

ولمن تكبر البطن تضغط على المعدة وتضيق مساحتها عشان كدة يزيد الحرقان كل ما كبرت البطن أكتر ..

من الحلول البسيطة انك تشربي حليب بارد .. لا تشربيه دفعة وحدة لا .. خلي الكاسة جنبك .. وكل ما طلع الحمض اشربي شوية حليب لأنه الحليب مادة قلوية فلمن تختلط بالحمض تتعادل ( دخلنا في الكيميا ) فما راح تحرقك ..

كمان لمن تنامي ارفعي الجزء العلوي من بعد المعدة لفوق على مخدات عشان يخف صعود الحمض الهاضم .. وسلامتكم ..

ان شاء الله أكون أفدتكم ويا ريت أي وحدة عندها معلومة تفيدنا بيها ..

وبالنسبة للجماع ترى هادي المرحلة أبدا ما منها خوف ان شاء الله .. اللي أعرفه انه الشهور الأخيرة هي الخطرة أما الآن .. حرام عليكم بتكرهوا الرجال عيشتهم .. صار مافي شي يهون عليهم .. راح يهجوا .. ولسة وراهم الشهور الأخيرة والنفاس .. بس والله عاذرتكم الوحدة قرفانة خلقة ومهي طايقة شي ..