هلا اختي ماجك ليدي
كنا فين وبقينا فين.....الحمدلله الحين الوحم مااله حس ولا خبر

هلا اختي وصايف
انا بعد هاليومين صايره احسن ...والاكل صايره مفجوعه عليه.. :10_8_9: .. اعوض ايام الحرمان والوزن الي نزلته..
وان شاءلله دوووووووووووم مو يوم

حيالله ام بدر ومرحبا فيك بالرابع

دلوعه الحمد لله نعوض شوي

انا اختي باقي اسبوع وتخلص الرابع وهي بكر تبي تعرف شلون تحس بحركته تقول ان في شي يدلدغها من داخل هل هي حركه ولا شي ثاني ومشاء الله عليها لاتوحمت ولا شي خلف الله علي بحملي بولدي من الشهر الثاني للولاد اتوحم وارجع بس تقول الاكل زايد عندها

هلا حبيبتي وصايف أنا وقفت الفوليك ومن بدايه الرابع أخذت الكالسيوم والحديد واللحين الدكتورة عطتني مرهم لحلمة الثدي وعلمتني أسوي تدليك لصدري

أما حركة النونو حفيفةأحس فيها بس أذا كنت منسدحة على ظهري وحطيت يدي عل بطني حركتة مثل النبضات

حياك الله يا بنت الاحساء انتي واختك ومدري خوفتوني والله ما حسيت باي حركه للحين للبيبي
مدري ليش وبحملاتي الي قبل مثل هالوقت احس بنبض خفيف
هلا شرمين انا للحين ما وقفت الفوليك لاني اخذته متاخر بس بالشهر الثالث وبخليه كم يوم لين اراجع الدكتوره واشوف وش تقول