بنات بسألكم عن سبب انتفاخ البطن من فوق السره يعني المعدة ليش كذا والله احس شكلي ماله داعي ... خوياتي اللي بالدوام يقولون وش عندك سامنه الكرش طلعت يحسبوني من الاكل الله يخلف...حتى احيانا احاول اشفطه مثل عارضات الازياء يالله لك الحمد ولايروح...

يعني هل فيه علاج يروح هالنفخة لان بطني الي تحت السرة مو كبير واجد يعني مايستاهل هالنفخة وش دعوا؟؟؟والله اني منقهرة على نفسي...تكفون بنات اللي عندها علاج توصفه لي... :icon33:


خلصنا من الشكوى اليومية..نجي لكم...
خالص امنياتي...اتوقع تقدرين تعرفين جنس الجنين من دخول الرابع بس كلما تأخرتي راح تضمنين اكثر ومنتصف الرابع ممتاز ...شكل موعدك مثلي بيوم 25 من الشهر .. بس انا متحمسة قوة ونفسي اروح من الحين اعرف والله مدري شلون بصبر...

هلا حبايبي ....

اتاريني مهمه <<<<<<<<<< ههههههههههههههه امزح

بطيخة لو طلعت بنت لك دعوة مني تهبل الله يسمع منك ...


وصايف ... الف شكر على اللقب فراشة الملف بروح اغير اسمي خلاص ..

بعدين مشكورة بعد على الوسام حقك اعتز فيه يعني اللي في بطني كسول وبارد زي ابوه الله يحفظهم امس اقول لزوجي اللي في بطني بارد زيك مات من الضحك قلت بروح اسال امك متى اتحركت حضرتك في بطنها ...

بعدين كثير بنات مختفين ليه كذا ليه يقلقونا عليهم اما انا والله كنت تعبانه مره الايام اللي فاتت اجل مع رمضان اظن بنقفل الملف من البنات وعدم التفاعل ..

الا لما ادخل الخامس ويش اسوي مقدر اروح بعيد عنكم اسمحولي انا افتح ملف الخامس طيب ....

باي ولي رجعه العصر

هلا ليان عارضة ازياء خخخخخخخخخخخخ
اسمعي كلنا نشتكي من النفخه وخاصه انا لانه عندي قولون والحليب يزيدها والبقوليات
هذا الي لاحظته على نفسي بس اعتقد كلنا كذا 00

وانا اليوم قمت بمجهود ومن بعده وانا احس بمغص مثل مغص الدوره مدري وش فيه وان شاء الله بكره موعدي مع الطبيبه 00

اقول بتضحكون علي اليوم مشتهيه عصير توت زي حق رمضان زمان وبشرط مو من
البيت لاااااااااااااا من عند هندي غير هندي لاااااااا ويكون بكاس قزاز وبه ثلج

وش اسوي خخخخخخخخخ


عيون عصام اذا فتحتي ملف للخوامس ضمي معه السوادس عشان نكثر والمشاركات تزيد ونستفيد 00
وبعدين مو الحين انتظرينا شوي عشان نروح مع بعض بصراحه تعودت عليكم خلونا مع بعض لين التاسع :icon28:

شلونكم ياحوامل الحلوات واخيرا قدرت ادخل والله اشتقت لكم .......باركولي حسيت بحركة الجنين وحسيت فعلا اني حامل والله لحظه حلوه وعقبال الجميع .....بعد مااكلت حبوب الحديد والكالسيوم صارمعاي امساك ساعدوني الله يخليكم...وانا في الاسبوع16 وقالت لي الدكتوره موعدك بعد ماتخلصين الرابع واخراسبوع في الرابع 17 يعني بعد اسبوع ندخل الخامس....