السلام عليكم ورحمه الله وبركاته
قبل كم يوم قلت لكم عندي موعد مع دكتور جراح
وادري ان محد يدري عن هوى داري
المهم
رحت يوم الاربعاء الماضي
وقالت لي الدكتوره ان لي حق اني اعمل تحوير
وخلال كم شهر لو حبيت
لكن قلت لها اني قاعد احاول احمل
وهي شرحت لي العمليه بالتفصيل الملل
وقالت هي اضبط شي للي يحبون الحلو
لان بعد العمليه يكرهون الحلو كره العمى لانه يتعبهم رغم انهم يبتجاوزون متر ونص من الامعاء
المهم الموعد طول تقريب ساعتين وربع بس شرح ومشاهده صور بالكمبيوتر
وتوضيح واسئلتي الي ما تخلص
هي اخر شي خيرتني قالت لو سجلتي على العمليه بياخذ وقت سراج تقريبا 6 شهور
وان اتصلنا عليج بوقت العمليه وقلتي اني حامل ما اقدر اسويها معناها ان راح حقج كله بالعمليه
لكن ان اجلتي العمليه هل فتره وعالجتي تاخر الحمل بعدها سوي موعد جديد ونبدي بالعمليه
هي بتتصل عليه يوم 20 بالشهر تاخذ الجواب النهائي
حسب تفكيري قلت انطي لنفسي كم شهر بعد يمكن احمل بيهم وان ما صار حمل بدق عليهها واسوي موعد العمليه
ولا شرايكم؟؟
مع العلم
يجب اخذ حبوب منع حمل من وقت النيه باجراء العمليه حتى سنه كامله بعد العمليه
لان اول سنه ينزل الشخص تقريبا من 60% الى 65% من وزنه الزايد
تعتبر المرحله المثاليه
قالت لو صار حمل باول سنه بعد العمليه كاننا ما سوينا شي
السلام عليكم ورحمه الله وبركاته
قبل كم يوم قلت لكم عندي موعد مع دكتور جراح
وادري ان محد يدري...
اني دخلت يوم الخميس هنا على امل اشوف شنو قالت لك الطبيبة لكن انت ما كتبت شيء.
و اليوم دخلت بالصدفة و شفت ردك فرحت كثير.
مثل ما قلت لك اني متابعة بصمت لانه مالي بعمليات السمنة.
يا اختي افضل شيء سوي صلاة استخارة مرة و مرتين و ثلاثة و شوفي الى شنو الله يوجه امورك.
و تصدقي و الله يقدم لك اللي فيه خيرك.
ما راح اقدر افيدك لانه ما عندي تجربة بس من خلال متابعتي شفت اغلب اللي عندهم مشاكل بالحمل بمجرد ما يفقدون شوية كيلوات يحملون ورائها.
و بالنسبة للي عملوا تحوير و حملوا بنفس السنة ما شاء الله قاموا بالسلامة (منتدى سلطان التمياط) بس حملهم كان متعب.
و ما زادوا إلا كم كيلو. ما اعرف ليش الطبيبة تقول لك اذا حملت بنفس السنة راح يكون كأنه ما نزلت شيء؟؟
بعدين انت انتظرت كل هل سنين و إذا مرت سنة زيادة و تخلصت بيها من السمنة الى الابد (بإذن الله) شنو المشكلة؟
استخيري و الله معك. و لا تنسين تطمئنينا عنك يوم 20