مساء الخير والاحساس والطيبه مساء مايليق الا باحبابي
انا ياحبيباتي مالي الا الله ثم انتم افضفض واسولف معاكم
انا سالفتي سالفه وحكايتي مع السمنه حكايه طويله من9 سنوات وانا اعاني من هالمرض اللي يهد الجسم والعقل والنفسيه
مليت من وزني وطفشت من وضعي وما خليت ريجيم الا وسويته ومانفع معي شي
المهم في يوم من الايام وحده من اقاربي قامت تكلم عن عملية تكميم المعده وقعدت تقنعني فيها وتحاول فيني وانا رافضه لان زوجي مستحيل يخليني اسويها
المهم رحت البيت وقعدت احوس في النت ادور واسال لحد ماقتنعت فيها تماما بعد كذا قلت خلني احاول في زوجي عساني اقنعه
واول مافتحت له الموضوع وافق على طول تخيلوا وانا كنت دايم لو اجيب سيرتها يعصب وطبعا لانه جاني السكر وقلت له بيروح مع العمليه ان شاء الله
فبديت باجراءات العمليه وتوسط لي في مستشفى حكومي وبسويها بمشيئة الله الاسبوع الجاي او اللي بعده يارب فحبيت اشاركم واخذ رايكم واقتراحاتكم ولو كان عندكم تجارب ياليت تفيدوني
مساء الخير والاحساس والطيبه مساء مايليق الا باحبابي
انا ياحبيباتي مالي الا الله ثم انتم افضفض...
ومقتنعه فيها بس خوااافه ههههههههه لان ماعمري دخلت مستشفيات ولا عمليات ولا شي الحمدلله
انتي وين بتسوينها في الرياض ؟
الله يتمم عليك يارب
تسوينها وتنزلين الوزن اللي تبين من غير تعب ان شاء الله