السلام عليكم اخواتي انا عضوة جديدة واتمنى الحمل بولد الله يرزقني واياكن بذكور صالحين قادر ياكريم مع اني عندي احساس اني كبيره 43 سنه وبيكون الحمل صعب بس الله كريم وابغى اسالك يااختي حبر وورق او ام الاشبال  ولا يهونون اخواتي الباقيات عن اشرطة التبويض الجيده لانهم مدحولي كلير بلو الديجيتال بس ماحصلته بجميع صيدليات الرياض اللي تدلني عليها او اشرطه جيده تدلني عليها ولا راح انساها من دعواتي باذن الله

السلام عليكم ورحمة الله وبركاته
اسال الله العلي العظيم الذي امره مابين الكاف والنون يرزقني ويرزق كل بنات التجمع بالذكور الصالحين المصلحين البارين المطيعين الحافظين لكتاب الله الكريم

ويرزق كل مبتلاه بعدم الانجاب بالذرية الصالحة البارة التي تقر عينها يارب هو ولي ذالك والقادر عليه

والله انا استخرت عشان ادخل معاكم في التجمع وبعد الاستخارة شفت حلم وفسرته انه يجب علي الرقية الشرعية قبل محاولت الحمل

انا عندي اربع بنات وولد اللهم لك الحمد والشكر على نعمه بس من منا لا يطمع بالذرية التي تسانده عند كبره
وولدي كبير عمره ثمان سنين ودايم يطلبني اجيب له اخوا يقول عندك بنات كثيره الحين جيبي لي اخوا العب معاه

كنت موكله امري لله واقول كلها ارزاق من الله ايش اقدر اسوي واقول له ادعي الله انه ربي يزقني باخوان لك
وكل يوم نفس الموال بس انا ماعطيه بال هذا امر بيد الله
بس الي هزني في نفس الشهر تعرضت لاربع مواقف كل واحد يوجع اكثر من الثاني

اول واحد زرت وحده نافس وكانت جايبه ولد من اول ما دخلت الى ماخرجت وجدة الولد بس تقول ماشاء الله تبارك الله الله يحفظك من شر خلق الله والي مايذكر الله باسلوب مناغاه للولد حتى امي تضايقة لدرجة كبيرة وتناظرني وعيونها تقول لا تهتمي ولما روحت صارت امي تصبرني وتقول حرمه كبيره وعقلها قليل بس والله جرحتني مره يعني ايش فرق البنت عن الولد وهذا وعندي ولد كيف لو ماعندي

والثاني اخو زوجي جابت مرته ولد وهو اول مولد له تخيلوا ما علمونا انا وزوجي الا بعد اسبوع لما سواو العقيقة وتشفيهم بس يخبوه عني والله ماعمري ناظرت وحده ايش جابت كله رزق ربي والحمدلله عندي ولد الله يصلحه بس عقول فارغه

اما الموقف الي حطمني بجد اختي لها صديقة حامل وانا احبها كثير ودايم على تواصل مع بعض وكنت اسهر عند اختي وفي عرض السوالف سالتها عنها واذا كشفت او لا قالت ليسى مو باين وعاد دعيت لها بالولد الصالح وبعدها بيومين كنت عند امي وكنا نسولف وامي وهي تسولف عن صديقة اختي قالت ماشاء الله ربي عوض صبرها خير وحامل بولد قلت كيف عرفتي قالت هي لما كانت عند اختك الاسبوع الي فات قالت وبشرتنا والله اني انخرست من جد اختي اوجعتني
واخر موقف الي خلاني اصحصح على حالي والي قمت الفاجعة رحت عند اختي وهي خلفتها كلها اولاد الله يبارك لها فيهم تقول سامحيني قلت ليش قالت لما تعبنا انا واولادي اخذت من اثرك وانتي ماتدري بس وضعنا على ماهو عليه وودي تسامحيني قلت لها مسامحتك ولو طلبتيني كنت توضيت واعطيتك رسولنا صلى الله عليه وسلم امرنا اذا حد طلب غسولنا نعطيه وانا دايم اقول ما شاء الله تبارك الله

يعني ياهدوء المشاعر مو بس انتي تتعرضي للاذاء والتنغز والله كلنا هذا وانا عندي ولد بس ربك قادر يعوضنا خير
انا لما يمر علي مواقف مثل كذا اقول انا لله وانا اليه راجعون اللهم اخلفني بمصيبتي خير
والي يخليني اعصب وافقد اعصابي لما وحده منا تنزل موضوع وتطلب المشورة تجيك وحده مدرعمه وتقول كله بايد الله وايش هالتخلف البنت زي الولد
والله عارفين انه كله مكتوب بس ربي ربط السعي بالضفر بالمراد يعني ترى هو مكتوب لنا النار والجنة وكل واحد معروف ايش مصيره يا جنة يا نار بس ربي امرنا ببذل الاسباب حتى نظفر بالجنه والتقرب لها بالقول والعمل

وحتى الرسول والانبياء كانوا يطلبوا من الله الذرية مثل سيدنا زكريا وهو شيخ وزوجته عجوز طلب من الله الذكر حتى يحمل الرساله من بعده
وامراءة عمران طلبت من الله الذرية وكان ودها بولد بس ربي لحكمه اعطاها مريم ونذرت من اجل ذالك
وربنا جعل في فرق بين الذكر والانثى وكل انسان وده بان يكون عنده الاثنين

يعني يالي مسويه نفسك انه شئ عادي اقسم بالله العظيم لو ربي رزقك بنوع معين ولم يرزقك باخر والله راح تبذلي الاسباب من اجل ان ربي يعطيك النوع الاخر لكذا ياريت تراعوا مشاعر الناس الي مقابليتكم


وانا الحين اقراء سورة البقرة واقوم بتجنب الاجبان والحليب واكثر من المالح والحار في الاكل وكمان استخدم عصير الاناناس واهم شئ الدعاء وطلب الدعاء من نرجو صلاحه ولا نزكي احد على الله وكلها اسباب نبذلها والي ربي كاتبة راح نشوفه بس امرنا بالتوكل مع الاخذ بالاسباب

ادعوا لاختكم بالله ان ربي يرزقني توائم اولاد صالحين
ولاتنسوا قيام الليل والله له اثر عجيب ويعطيك رضى عجيب على المقسوم

يارب اسألك بعزك الذي لايرام وملكك الذي لايضام ان ترزقني واختي اشتاق اليك وجميع اخواتي في هذا الملف بالذكور الصالحين انك على كل شئ قدير

اخواتي اللي تعرف الاجابه على سؤالي بخصوص اشرطة الاباضه تجاوبني الله يرزقها من حيث لاتحتسب وعندي سؤال اخر هل غسول فيمينا الازرق جيد او دلوني على غسول آخر لاني كرهت الغسول هذا احس انه يمنع الحمل كليا

يارب ترزقنا جميعا باولاد ذكور سليمين صالحين
طيب ليه الوحدة لكانت خلفتها اولاد مايقولون لها شئ واللي كلها بنات ماتسلم من النقد
صدق المراة في مجتمعنا مظلومه
وانا عارفه كل وحدة دخلت الملف وصارت تبي الولد من المضايقات اللي جاتها واولهم انا والله العالم اني سمعتها من اقرب الناس لي اني حاسدتها والثانيه تقول ان شاء الله ماصير مثلك خلفتي كلها بنات
ياربي دموعي بعيني