سميرة الزين :

الحمدلله من قبل ومن بعد والحمدلله حمداً كثيراً طيباً مباركاً فيه. حبيت أبشركم يا أغلى ناسي, اليوم حللت دم وطلع فيه حمل, ويوم سألت الدكتور ليه مابان في التحليل المنزلي قالي يمكن موب قوي مرة! صدق خوفني لكن عطاني مثبتات وحمض الفوليك ويارب يتمم لي على خير ويجعله حمل سهل وحمدت الله وشكرته على فضله على الاقل عرفت وش كان اللي مأخر حملي! والله يشهد علي أنتوا أول ناس أبشرهم بعد أمي وزوجي, واوجه نداااااااااااااء ورجااااااااااء حار لأم الأشبال ولكل متأخرة في الحمل أنها تسوي أشعة الصبغة لأنها لو مانفعتها ماراح تضرها, أنا لي 7 شهور احاول الحمل بعلاج ومنشطات وكلوميد وأبر تفجيرية ومراقبة تبويض لدرجة احياناً تنزل اكثر من بويضة وكل شي فيني سليم ومع كذا ماحصل حمل فنصحني دكتور في منطقة ثانية يوم كلمته تليفونياً أشرح له وضعي, قالي جربي الصبغة, وجربتها والطبيبة اللي سوتها لي قالت لي الانابيب كويسة بس يمكن فيه مخاط أو حاجة غير واضحة وكثير يحملون بعد الصبغة وفعلاً ربي أراد ولاشفت الدورة بعدها الحمدلله والشكر لله على فضله ونعمته ويارب يتمم لي فضله ويرزقني بالولد الصالح المعافى يارب العالمين ولايخيب ظني فيه ان ظني فيه كبير.

الحمدلله من قبل ومن بعد والحمدلله حمداً كثيراً طيباً مباركاً فيه. حبيت أبشركم يا أغلى ناسي, اليوم...

**شموع الذكريات** :

مبروووووووك الملف الجديد الله يسعد قلبك يا امبراطورتنا بنات انا اليوم نزلت السوق ولما شفت ملابس الاولاد جلست اناظر فيها وزوجي يقول بسرعه وش تبغين هنا والله ماقدرت اكمل اغراضي طلعت من المحل وانا ابكي وهو يسكتني ويقول ربي بيعطيك ومن هالكلام المهم رحت مباشرة على الصيدليه وشريت شراب اليور لايت لكن فيه حاجه حيرتني وحده من البنات في الملف السابق قالت لي ان اشرطه قياس القلويه موجوده معاه ولما رجعت البيت وجيت ابغى استخدمها عشان اقيس مستوى القلويه عندي قبل العلاج وبعد ما عرفت الطريقه يعني حطيت الشريط كامل في البول اكرمكم الله وطالع لي الشريط بنفس اللون يعني والله ما فهمت طريقته ابدآ الله يخليكم لو تتكرم وحده وتشرح لي طريقته الليله لإني والله متحممسه وإذا ما كان ينفع اروح اجيب من الصيدليه شرايط غيره طالبتكم ردوا علي بسرعه الله ينولنا اللي ببالنا ويصلحهم

مبروووووووك الملف الجديد الله يسعد قلبك يا امبراطورتنا بنات انا اليوم نزلت السوق ولما شفت ملابس...