😁ماعندك سالفه مدام قلتي لصاحبتك بنت وطلع ولد🤐
ان شاء الله انتي بعد ولد يارب يخيب كلامك ويطلع ولد مشورب😅💙💙

الله يرزقكك من غير منشطات يااارب ياكريم
وماقلتي لك معاك ضعف تبويض ولا زياده تنشيط 🤔
والفيتكس ماجربته مقدر افيدك بس جربته عضوه معنا اسمها اهات رحله وربي رزقها بتؤام اولاد ماشاء الله وكانت عامله برنامج وماشاء الله ربي رزقها وبنسخ لك تجربتها ويارب تستفيدون منها
وفيه منشط يمدحونه البنات وبعد جربته عضوه معانا والمنشط اسمه فيمارا
وسعره غالي 600 يمكن مو متاكده .
الله يريح بالك وتحملين بدون تعب يارب
تذكرت نفسي قبل كنت مره كلوميد ومره نولفادكس ورويال جلي وحتى الاعشاب ماسلمت مني 😁
رحت لوحده تمرخ وعطتني اعشاب قالت تنشط المبايض ورحت لدكتوره وشافت التبويض كان فيه بويضات مقاسهم وسط وقالت انتي اخذتي كلوميد نفس ماقلت لك 🌝
قلت اخذت كلوميد مطحون🙂
لاني مااخذت كلوميدها كنت ابي بديل له وقلت اجرب ومدري وين كان عقلي اخذت علبتين اعشاب ابيض واخضر 😶قسم بالله غصب ابلعه 😐عادي كان بالنسبه لي اهم شي مااخذ كلوميد وبالاخير اخذته وحملت بعروستي القموره 😍💞.

لا والله ماجربته
روحي لدكتوره ثالث يوم يمكن ينفع
والله يرزقكك الحمل بالذكر المتعافي يارب

المشاركة الأصلية كتبت بواسطة آهات رحلة
السلام عليكم ورحمة الله وبركاته

همس حروفي وحبيبة أمها تسلمووون ياغاليااات الله يسعد قلوبكم

انا من بعد ما سقطت صارت نفسيتي تعبانة واهملت نفسي من ناحية التغذية والفيتامينات وبعد سنة عملت فحص هرمونات وكل شي وطلعت سليمة الحمد لله لكن الدكتورة قالت لي ان الاجهاض يتعب الرحم وعند بعض الحريم يأخر الحمل .. ووقتها اهتميت في التغذية والفيتامينات لكن الله ما اراد الحمل لكن انا ما يأست كنت كل ما انهار افرش سجاادتي واناجي ربي ان يرحمني ويفرج علي .. ومرة من المرااات كنت اتصفح النت وقريت عن حبوب الفيتكس في الاول طنشت بس مع كل شهر يمر بدون حمل قمت اقرى الموضوع أكثر واتبحث اكثر وقرأت تجارب البنات وخصوصا الاخت " ليمونة الامارات " تجربتها كانت مؤثرة جداً وعطتني أمل لكن ما كانت تجربتها كاافية فقررت ادخل مواقع اجنبية وابحث اكثر وظليت لمدة شهر اقرأ عن هالموضوع وافكر كنت مترددة شوي وعرفت انها عشبة طبيعية تنظم الهرمونات وتساعد تقوية جدار الرحم والبويضات وايضاً تساعد على حمل التوأم لكن مو كل الحالات المهم لحتى ما طحت على موقع اجنبي وفيه وصفة لطريقة استخدام الفيتكس للحمل بتوأم .
واشتريت الفيتكس وقتها مع حبوب زيت السلمون والفولك اسيد والرويال جلي وقلت خل اجرب هالشهر ويمكن احمل وما احتاج الوصفة الانها وصفة غريبة شوية وانا من النوع الي ما احب اعمل خطوة الا متأكدة منها .. الفيتكس حبة وحدة الصبح ووحدة في الليل من اول يوم الدورة لحد وقت التبويض والفااايتكس رااائع كانت دورتي تنزل اول يوم نقط وبعدين تنزل خفيفة وتخلص في خمس ايام وبعد ما استعملت الفيتكس وقت الدورة نزلت عدل بكمية جيدة وخلصت في اليوم الرابع حسيت بتحسن وحتى مزاجي صار احسن وحسيت نفسي هااادئة جداً وشرفت الدورة في موعدها تماماً واهني قررت امشي على الوصفة وهي كالآتي :

حبتين فايتكس بقوة 500 الصبح
حبتين فايتكس بقوة 500 مساءً
فيتامين بي 6 الصبح
فيتامين بي كومبلكس في المساء
برونتال فايتمين وهو فيتامينات مخصصة للمرأة الحامل وانا شريت ألفيت حبة وحدة في الصباح
بيبي اسبرين في الليل بعد العشاء وقبل لا اخذه اتصلت على الدكتورة وقلت لها عنه وقالت لي ما منه ضرر لو جربتيه شهر بس لا تزيدي عن هالمدة

شراب سعال / بتستغربون لكن هالشراب يساعد على وصول الحيوانات المنوية للرحم .. وما حصلت النوع المذكور فاستخدمت نوع آخر اخذته ايام التبويض فقط قبل التوت بساعة في الوصفة مذكور ان بعد الدورة حتى نهاية التبويض لكن حسيت الفترة طويلة فاستخدمته ايام التبويض بس

وزدت انا على الوصفة حبوب الجنسنج الي معاه رويال جلي وحبوب زيت السلمون والفولك اسيد .

وما كنت اتبع حمية بس الي عملته اني خففت من شرب الحليب .. في الاسبوع مرتين حليب وخففت الجبن بس كنت اشرب لبن عادي وزبدة عادي ما قطعتها وأكل دجاج ولحم اخضر وورقيات وانا في الاساس احب الموالح وما ارغب في الحلويات فما اكل حلويات الا قليلاً جداً جداً ،، كثرت من المكسرات واشرب زنجبيل وأناناس وبردقوش وما استخدم غسولات بس مرة استخدمت ملح خشن مع مويه دافيه والتشطيف كان على خفيف وخارجي وكان قبل التوت بساعة وزوجي ما عمل شي ولا يحب يشرب القهوة ولا عمل كمادات باردة

كنت مركزة اكثر شي على الاستغفار والصدقة وقيام الليل والصلوات في اوقاتها وقراءة سورة البقرة والدعااااء والالحاااح فيه وفيه حاااجة قررت اعملها وهي ان ما اروح مجالس فيها نميمة او غيبة واذا دخلت مجلس وشفتهم يغتابون حد انسحب بهدوء ..

ونسيت حااااجة مهمة اذكرها كاتبين في الوصفة ان يتم اخذ حبوب الفايتكس من اول الدورة لحد فترة التبويض لكني قرأت في مواقع اخرى ان الحبوب نفسها تمنع حدوث الاجهاض ويتم تركها تدريجياً فانا استعملت اربع حبات من الدورة لي ايام التبويض ولما خلصت ايام التبويض خففت الجرعة وخليتها حبتين في اليوم لمدة اربع ايام وبعدها حبة في اليوم وواصلت لحتى ما خلصت العلبة قبل موعد دورتي بيوم وبعدها ما شرفت الدورة .

والحمد لله ربي يسر وسهل وهذه تجربتي واتمنى تفيدكم وحاضرة الاي استفسار او سؤال وادعوا لي بتمام الحمل وثباته .

جزاك الله كب كيك
اول مره اسمع عنه مدري لازم وصفة طبيه ولا لا
ويسبب لي تكيسات ولا لا
الكلوميد اخذت بس ثلاث حبات سبب لي مشاكل الدورة تنزل نقط وتنقطع وترجع وصرت محتارة برمضان افطر ولا اصوم
يابنات نصيحة الكلوميد اذا في بدايل عنه لاتأخذونه خاصه حلا قلبي اطلبي من دكتورتك غير الكلوميد قولي سبب لي مشاكل
كب كيك للمرة الثانيه الله يسعدك يارب ويرزقك ويرزقني ويرزق حلا وشقاوة وشوق وغنج وهيمو وميما ولينو وجمال الصبا وقراميش وجميع من بهالملف بالاولاد الصالحين المتعافين عاجلا غير آجل يارب