شوق
هل المره ماودي اصلح خلاص سونار
الحمدلله يارب كثيرا اذا بنت بأسميها ورد
اكيد خيره
اشكي اهل زوجي لله وحده
ومن حسن الصدف سلفتي حامل معي للمره الثانيه
قبل 3سنوات كانت حامل معي انا جبت بنت وهي الله يبارك لها ولد
انا زوجي وأهلي زاروني بالمستشفئ
وأم زوجي لا مازرتني ولا خواته
وهي يوم ولدت امي زوجي وأخته زاروها وكل عصر عندها لحد ماطلعت من الأربعين
واخت زوجي عمرها أربعين اشكيها لله وحده تحرجني العام بالعيد الاضحئ تقول اذا جاك ولد نذبح حاشي ووكل سلفاتي موجودات قلت اهم شي البركه
هذي الي عمرها الأربعين معها ولد وبنتين
راحت عن بالي اقول انتي أربعين ومعك ولد
وانا باقي عشر اسنين عن الأربعين العمر معي لكن اتمنئ انها تجيب سيره ابمسح فيها الارض

هجره الروح استغفري بنيه ربي يخليه ولد ولو بنوته الحمدلله
انا مثلك اخت زوجي تلمح لي بس قلت المره الجايه بقولهم الزوج هو اللي يزرع وانا مجرد تربه خصبه
ومارح احسسهم اني ابي ولد انا اصلا اموت بالبنات بس ابي ولد عشان كلام الناس وعشان ولدي يبي اخو
بس مارح احسسهم عشان لو حسو ان هالشي نقطه ضعفك بيزيدون عليك
وحاليا ودي احمل وبس مشتاقه للنونو لازم اتناسى الحمل عشان احمل
وانتي المره الجايه اشتري اشرطه تبويض ارترون واذا صارو خطين غامقين خلي الجماع بعد 12ساعه باذن الله يكون ولد

حلا اعتقد انتي الوحيده الي متذكرتني من هنا
الحمدلله سويت سونار وقالت لي ولد ويوم قمت من عندها
رحت للحمامات وجلست ابكي
سبحان الله ناس تبي بنت وناس تبي ولد
قد ايش كنت شفقانه ع البنات
بس الحمدلله ع عطائه لااعتراض
عاد انا مقرره م اقول لاحد الكل يتمنى لي البنت ومابي اقولهم واسمع شي يضايقني ونفسيتي اصلا مو تمام

ليش ياقلبي ورديه تبكين
اكيد خيره لك
هل المره مابكيت ضقت فقط

ويابنات قريت معلومه بالمنتديات الاجنبيه يقولون كل ماكان الاستروجين مرتفع كل ماكانت فرصه الحمل في ولد اكبر