أهات رحلة الف مبروووووووووك الله يثبت حملك و يجعل ما في رحمك ولد سليم معافي بلا زيادة و لا نقصان و يجعله ربي من الصالحين ، حاسة بفرحتك والله بعد كل الانتظار للحمل، الف مبروك و عقبال الباقيين عن قريب يا رب.

اهاااااات. الف الف مبروك الحمل 
والله يتمه ويفرحك يشوفة ولدك سليم معافي

اهات مبرووووووووووووووووووورررووك حبيبتي
الله يثبته ياررررب ويحفظه
التزمي الراحه خاصه اول 3 شهور
وخذي مثبت ضروري بما انك قد سقطتي قبل

الله يسعدك دنيا واخره ♡

ام ايودي وليوني واسيرة قلب - همس النسم وجود وريشة القلم وبدنيتي كب كيك واتمنى رضاك ، نبض الماضي وريتاج ولوشنسا ولطيفة ويارب ما نسيت احد مشكووورين يااا حبيباااات قلبي الله يسعدك ويفرحكم يااارب والله ابكي من الفرحة 

زوجي لما قلت له أصر نروووح حااالاً نحلل هرموني دم مو مصدق من الفرحة طلع من دوامه وجااااني وركيض على المستشفى الحمد لله المستشفى قريب من شقتي  لكن ما مداني اودي ولدي بيت الوالدة زوجي كان مستعجل اضطريت  آخذه معي ،،   توي رااجعة البيت واكتب لك احس قلبي راااح يخرج من صدري من الفرحة المهم لما رحت المستشفى طلبت تحليل هرموني من الاستقبال وخذت رقم عشان ادخل على الدكتورة عشان تقرا لي النتيجة رحت وخذوا مني دم وقالوا النتيجة بعد ساعة .. حسيت هالسااااعة كأنها عشر ساعات وولدي تملل وقلت الابوه يآخذه السيارة وانا بانتظر شوية من الخرعة ما ودي اترك المستشفى هههههه وانا انتظر وقلبي يدق مثل الطبل دقائق الانتظار صارت طووويلة مرررره 
وأخيراً نااادوا اسمي وخذت الاوراق ورحت للدكتورة وعطيتها الاوراق واهني المفاااجأة 


قالت لي مبروووك حااامل ونسبة الهرمووون مرتفعة جداً دبل عن العادي ،، وانا فاااتحة عيوووني وابحلق فيها مو فاااهمة ،، تقولي احتمال كبير توأم تعالي الاسبوع الجاي نعمل لك سونار عشان نتأكد وانا مصدووومة طبعاً كااانت امنيتي ربي يعوضني بتوأم ودائماً ادعي وراضية حتى بطفل لكن ما اكرمك وماارحمك يا الله 

احس نفسي احلم لهالحظة مو مصدقة الاحداث السريعة الي تصير لي .. سبحان الله مغير الاحوال من حال إلى حال طول السنتين كنت انصدم لما تنزل الدورة بعدين اتعوذ من ابليس واحتسب الاجر وكنت متأكدة ان ربي بيعوضني واخيراً عشت هاليوووم حقيقة ربي قااادر على كل شي 
في الاخير قتلها اني مسقطة من قبل فاعطتني مثبتات وقالت واصلي على البيبي اسبرين للشهر الثالث . ووصتني بالراااحة التااامة 

الاسبوع الجااااي راااح اتأكد اذا كانوا توأم ام لا 

طولت عليييكم بس من الفرحة يااارب نسمع اخبار حلوة من بقية البنات المنتظرات اسيرة حللي وبشرينا واكيد حامل باذن الله انتي ونبض يلا حللوا ننتطركم 

اسأل الله بمنه وفضله أن يكون هذا العام بشرى لجميع من ترغب بالذكور الصالحين
يارب ترزقنا جميعا من فضلك ياعظيم