وش عندكم هاجدين استغفر الله ضايق صدري 
وجالسه افكر اقول اذا طلعت بنت صعب الحمل حول السنه والواحد حارم نفسه ..
واللي تقول من الرجل انا اقول ارازق الله كاتبه معلمه عندنا جابت ست عيال وتزوج رجله وحملت هي والمرأه الثانيه الثانيه جابت بنت وهي ولد ..
امل صعبه العمليه غير انه مكلفه نتيجه الفشل محبطه 
الحين اذا اخذت ابرة تفجريه اتأمل اني حامل وبولد بعد بعدين تنزل الدوره اتحطم فمابالك بااطفال انابيب 
حلا الشمال اللي يبشرك بما يسرك يارب 
هجورة معوضه خير اتركي الابر والمنشطات جربي طبيعي 
وترا الابره هي اللي تسوى كذا مجربته انا 

امل الحب نصييييحه من مجربه لاتولدين بالاسبوع 37 مثلي تحسفت بنتي جت تعبانه ونحيفه مره
مفروض بعد الاسبوع 38 هنا بامريكا قالوا لازم بالاسبوع 39 مو اقل لان افضل يطول البيبي برحم امه


عتاق غلط معلومتها وكان ماقلتي ابي ولد، الي اعرفه انو نبض البنت اسرع من الولد طبعاً اقصد عدد النبضات
كم وعرفت من اول شهر ان فيني بنت لان كان نبضها فوق 140
الولد اقل ولازم من الشهور الاولى
ريحي راسك وسوي سونار افضل وربي يرزقك الي تتمنين

طينه الجنه 

انا في دبي 
أراجع في لطيفه وبربي في ميدكير ان شاء الله 

عتاق الخيل 

ماينفع ترجح الجنس بالنبض انا بحملي هذا النبض كان يوصل اول فتره 160 بس بعدين صار يستقر على 140 

كيلو ورد

انا احاول أني أتغذى عدل هالفتره وبشوف اول شهر سته كم الوزن اذا فوق الكيلوين وسبعمئة اوكي على الأقل هذا كان وزن بنتي الاولى 

انا مشكلتي مش تعجيل الولاده مشكلتي اذا جاني الطلق لازم اروح عندهم طوارئ لانه يأثر على جرح العمليه ويفتحها 

امل اي انا ولاداتي عمليه اخرها الثالثه قبل سنه ونص عشان كذا اقولك اذا ماجاك طلق استني لين عالاقل 38 اسبوع الله ييسر لك

السلام عليكم
اموله
الله يسر لك العمليه وتقومين بالسلامه بس استخيري والله ماجربت القيصري ولاعندي خبره فيها بس اتوقع الافضل للجنين كل ماطول ببطنك افضل له وان شاء الله ربي يسهل عليك وعلى كيلو ورد ويهون عليكم العمليات.

عتوقه
بالله عليك تسمعين كلام هالدكتوره مدري مااثق بالباكستانيات مره كنت اتابع تبويض مع دكتوره باكستانيه وقالت حجم البويضه ممتاز وياختي ماخش مزاجي تو تبويضي باوله وقالت جماع بكره وبعده وبدون ابره ولاقالت ارجعي ولا شي وانا ماارتحت لها وطلعت منها ورحت لدكتوره بجنبها وقالت مافيه تبويض من قالك فيه 😑
مدري حسيت ماعندهن خبر وسالفه النبض والكيس وشكله كلها مجرد توقعات وياختي ريحي راسك وسوي سونار واذا بنت يارب لك الحمد ماانتي مغيرتها وبتفرحين فيها وحياها الله مع خواتها وماهي نهايه العالم اذا ماجاك ولد هالمره وعيشي حياتك طبيعي واذا جا الولد ياهلا فيه بعد ابو سروال وفانيله بنفرح فيه بعد وانا قلت قبل لو الله رزقني بولد بحملتي هاذي بفرح فيه نفس فرحتي بخواته ابد مابيكون احسن منهن بشي ولا على راسه ريشه كلهم ضنانا وبنحبهم وهديه رب العالمين ويارب الخلقه التامه .
وتشجعي وانا اختك وريحي راسك صدقيني بتتعب نفسيتك اكثر خلاص اقطعي الشك باليقين والله يفرح قلبك باللي تتمنينه يارب .