ام حوريه وجوريه :

السلام عليكم جميعا.. اخباركم ياحلوات ..انا صديقه قديمه للمنتدى ولهذا الملف لي سنتين غيرت معرفي ﻻنه صرت معروفه من بغض قريباتي  حبيت ابارك لكبكوبه ويشهد ربي اني فرحت لها فرحه وعقبال ماتحمل عيونها بسﻻمتها وسلامة ولدها يارب  طبعا فيه أسماء جديده كثير علي الله يعطيكم ماتمنيتو  المنتدى اقرفني باﻻرشيف لي كم يوم مؤذيني عجزت ادخل لكم يطلعني على ألارشيف ... المهم حبيت احط تجربتي هنا ويشهد علي ربي اني صادقه في كل كلمة راح اكتبها  انا معي ثلاث وردات الله يحفظهن ويبارك لي فيهن ويجعلهن حجاب لي عن النار وعن ابوهن يارب ويرزقنا الرضا ويبارك لنا بما رزقنا به  تابعت ه الملف حول السنتين وكنت أتمنى يكون حملي بعد بنتي الثالثه ولد  سويت الحميه كم شهر بس بدون ضغط مني على نفسي وتابعت تبويض مع كذا دكتوراة وماحصل حمل  وريحت كم شهر ورجعت مرة ثانيه اتابع وطلع عندي بويصه حجمها 18 بعد أبر تنشيط والحمد لله رب العالمين وطبعا ذاك الشهر كنت لي قرابة شهرين من قبل متابعتي اكل حمض فوليك وفيتامين أي وحبوب السلمون وريال جلي ..وزوجي كان يأكل حبوب زنك وفيتامين أي وفيتامينات سلينيوم  وأخذت انا واياه شراب الكحه اللي كرتونه أبيض وآخر قالو لي البنات انه يخفف اللزوجة  وحددت لي الدكتورة التوت بعد 36 من إبرة التفجير وغسل زوجي بما بارد وانا توضيت بماي زمزم مع ملح وكنت اغسل فيه من قبل وسويت غسول مهبلي منه قبل التوته بنص ساعه  وكنت ذيك الفترة حول الشهرين ما اشرب اﻻ شاهي أخضر وعصير ليمون ﻻنه كان يخلي جسمي قلوي وكنت اشرب ماي زمزم خمس شهور تقريبا  وما أنسى اني استخدمت الفوار بعد ثلاث أيام التبويض  وطبعا قبل هذا كله كنت متوكله على ربي .. المهم صار التوت وعدنا بعد 12 ساعه توصيه الدكتورة والحمد لله رب العالمين ربي اكرمني بالحمل من فضله وكرمه بعد محاولات كثيرة  فرحنا انا وزوجي وكنت إلى رحت لسوق وقفت عند لبس الوﻻدي وأخذت اتفرج والمس القطع وادعي ربي أنه يفرحني والبس ولدي هاللون وافرح زوجي  لدرجه مرة كنا بمحل نكست والله الذي ﻻ اله آﻻ هو أني ماخذه مفرش سماوي ورحت للكأشير ويوم جاء زوجي يحاسب على فساتين بناتي عطيته المفرش وقعد يطالعني قال ليش تأخذينه استني لين نشوف الجنس ورجعله المهم مر علي خمس شهور ثقيلة وبطيئة على قلبي ثقل حمل وتعب ونساة وهم الولد  ويوم صرت باخر الخامس سويت سونار وطبعا ماراح اقولكم الخوف اللي كان بقلبي والهم اللي كنت حاملته  طبعا بيقولون ياصبرك توك تسويه كنت إلى رحت أرفض اسوي سونار اقول اصبر لين أكمل خمس شهور ويوضح وانا كنت ودي اعرف وماودي خايفه ومرتبكه وملخبطه مدري كيف أوضح لكم  شعوري  المهم دخلت على الدكتورة بالشهر الخامس وسوت لي سونار وسألتني ليش قلبك نبضاته سريعه قلت  اتركي قلبي وعلميني وش ببطني قالت بنت  سكت وطلعت من عندها وقعدت بصالة اﻻنتظار وقعدت ابكي بكاء الله به عليم  أحس قلبي تقطع من صياحي والحريم يطالعن فيني الله يعف عني ويغفرلي ويشهد ربي مب جزع مني أنها بنت  ﻻ والله بس رحمت نفسي ﻻني كنت متيقنه انه حملي ولد  امي اذا شافتني قالت بطنك غير بناتك اكيد ولد  خواتي نفس الشيء  حملت انا وأختي مع بعض وحلمت وحده من خواتي فينا وفسر انا نجيب ذكور حلومي وحلوم اللي حولي كلها تفسيرها ولد سويت تجربة السلسلة وعطاني ولد  بطني طلع فيها خط مستقيم  فوق وتحت السرة وقالو لي من علامات حمل الولد  المهم شكيت بالسونار وبديت اوهم نفسي انه فيه لخبطه وكبر بطني وكبرت اوهامي معي وشكوكي وعجزت اشتري لبس بنات وعجزت اشتري لبس اوﻻد  وزوجي حلف يمين ماعيد السونار قال بنت خلاص بنت وﻻ قدرت اروح لحالي اتأكد لظروف مريت فيها  المهم أقسم بالله جاء وقت وﻻدتي ورحت مستشفى الوﻻده وعندي نسبه انه ولد  والحمد لله تعبر بوﻻدتي وفرجها ربي علي ويوم ولدت سألتني الدكتورة تبغين تعرفين وش جبتي وورتني بنتي   وقربتها مني وقالت احضنيها  وربي عجزت احضنها انفجرت بكاء بكاء بكاء  ويشهد ربي مو عشانها بنوته بس مثل ماقلت لكم ﻻني بنيت واقنعت نفسي انها ولد لحتى ماولدتها  أخذوها مني وأنا عطوني مسكن ونمت وجابوها لي بعد 12 ساعه يالله يابنات مدري وش اقولكم  الله يطعم كل من تمنت حضنتها وقعدت اعتذر منها وابوسها واطلب منها تسامحيني ﻻني مافرحت فيها  والحين عمرها شهرين واقسم بجلال الله كأنها اول بنوته لي مو رابع وحده وأحمد ربي واشكره على ه النعمه العظيمة وادعوه انه يغفر لي جهلي وذنبي ويرزقني الرضا ويرزقني بعدها باربع ذكور تأمين الخلق والخلقة...ويكفيني شر هالناس وشماتتهم  ويزيل ه الهمجية من عقولهم اللي بيجنونا بسبب تفكيرهم الهمجي هذا  يترحمون على أم البنات ويشفقون عليها ومايدرون أنها رزقه من ربي  الحين تعبت من الكتابه بس حبيت اكتب لكم عن تجربتي واعلمكم أن كل إنسان ماله اﻻ المكتوب له 

السلام عليكم جميعا.. اخباركم ياحلوات ..انا صديقه قديمه للمنتدى ولهذا الملف لي سنتين غيرت معرفي...

ملــكه بحجابــي :

كبكوبه موعد ولادة حمودي 6 سبتمبر يوافق بالهجري 23 ذي القعدة

كبكوبه موعد ولادة حمودي 6 سبتمبر يوافق بالهجري 23 ذي القعدة