جود الله يفرج همج إن شاء الله وقولي لا حول ولا قوة إلا بالله

ريتاج حبيبتي لا تضايقين إنتي ملح الملف ولا يهينون باقي البنات إدخلي يا الغاليه وطمنينا عليج

مساء الخير لأغلى تجمع وأحلى بنات.
وش اخباركم جميعاً؟

_


أم الاشبال : مشتاقة لك يالغالية, وياليت بسرعة تسوين الصبغة وتطمنينا عليك.

_


جالكسي : بصراحة تصرف الدكتورة جداً سيء ولو أنا منك رحت سحبت الملف منها وشفت لي حد ثاني, أهم شي معاملة الطبيب والطبيبة وغير كذا مايهم والله, مفروض كل مريضة وكل حامل تعاملها وكأنها الوحيدة عندها ومش بهذي الطريقة السيئة وحتى الاسلوب تقولك عن الفيتامينات هذا اللي اعرفه!! خير يعني وش هالمعاملة, نصيحة لوجه الله اتركيها عنك والبلد مليان طبيبات واطباء شوفي لك وحدة ثانية أفضل لنفسيتك حتى, وبالنسبة لأانها بنت أو ولد ماعليك منها دامها ماشافت خطوط البنت معناها للحين مافي شي اكيد, افضل شي روحي الاسبوع العشرين وان شاء الله يبشرونك بالولد يارب.






ياهلا ريتاج, شلونك حبيبتي؟
بالنسبة لصديقتك فأنا ما استغني عن الفلفل وأحب الطماط بشكل كبير وزوجي اكله صحي ولازم كل اسبوع ناكل وجبة سمك ولو يحصل لنا وجبتين في الاسبوع ومع كذا في بطني البنت الرابعة فما أعتقد أنه سبب كبير لإنجاب الذكور!







أم البنات5: الله يكتب لك الخير والصالح بس انتي توك بالأسبوع الت 16 وما اعتقد يكون واضح بنت او ولد الحين, يارب يجي ولد ذكر صالح يارب العالمين يفرح قلبك وقلب ابوه ولو جات بنت خير وبركة ارتاحي لك سنتين بعدها أعملي بالاسباب وتتذكرين أنا عطيتك بعض النضائح مرة وياليت تركزين عليها خصوصاً التأكد من انفجار البويضة.
الله يسهل عليك يارب وعلى الجميع.

فلة المملكه / ام سوسو ولولو / ام ساره

الله يرفع قدركم ويرزقكم بالولد الصالح وتقر عينكم بشوفته يااارب وكل من تتمنى يااااااااحق

اقول بنات أنا أمس رحت موعدي مع طبيبي اللي عادة يولدني بالعمليات, كأني سمعته يقول اني ب الأسبوع الـ 25 وتأكد لي أنها عروسة على قولته لأنه شاف الخطوط الثلاثة وكان في البداية شاك وقالي مو واضح لكن بعدها تحركت شوي وتأكد, طبعاً أنا للحين منيب مستوعبة هالخطوط الثلاثة!! المهم وحنا نتكلم معه عن العملية والرحم قالي ان اللي تولد طبيعي والرحم سماكته الطبيعية 1,3 سم وأنا سماكة الرحم عندي 9 فقط وجلس يقوله زوجي هل تقدر تحمل مرة ثانية؟ فقال ان شاء الله لكن ما اقدر اعطيكم جواب نهائي الا بعد الولادة والعملية, والله ماتصدقون كيف ضاق صدري وخفت لاسمح الله يصير شي ولايخليني اقدر أحمل ثاني! خصوصاَ وان نفسي ومنى عيني يجيني اخ لولدي!!
دعواتكم يالغاليات أن ربي يرزقني بعد هالحملة بولد ذكر صالح يارب العالمين ويفرح قلبي وقلب ابوه وكل اسرتنا يارب لان أمي تمشي وتدعي أنه مايجعل ولدي فرداً وحيداً بين بنات ويجعل له اخوان ذكور يكونون معه, يارب لاتحرمني من خيرك ولافضلك ولاعطاياك.
ياااااااارب ياكريم, وغير كذا يابنات قعدت اهوجس أقول لو فرضاً قدرت أحمل مرة ثانية هل بيكون ولد؟ مع اني هالمرة عملت بكل الاسباب ولاربي كتب وش بيصير المرة الجاية؟ حاسة اني في قلق ومهمومة وأهوجس طول الوقت! افكر بالعملية ومابعدها افكر بقدرتي ع الحمل مرة ثانية افكر هل بيجيني ولد لو حملت أفكر افكر افكر.والحمدلله على كل حال اللهم لا اعتراض على حكمك وقضاءك.
:(
الله يارب يرزقني ولايحرمني يارب العالمين.

حبيبتي سميرة انتي تابعتي البويضة وتأكدتي من نزولها .... وايش الأسباب اللي اتخذتيها؟؟
يارب يرزقك الولد الصالح وتحملين بعد النفاس على طوووول ياحي ياقيوم ويفرح قلبك بالولد ياقادر ياكريم
ويارب تولدين بالسلامة انتي والعروسة وتكونون بأحسن وأتم حال ان شاء الله