شيفون انا مبسوطه ان ماجاني غثيان
وسوستي بي يعني الخير جاي بالطريق 😅😅
الله يعدي ايام الوحم على خير ويحفظ لنا مافي ارحامنا ويجعلهن بنات بكامل الصحه والعافيه يارب
تصدقون جاي على بالي مااكشف عن الجنس لين يوم الولاده
تأيدوني ؟؟!!

ههههههه مو شرط يا تذكار واحد من اولادي ما توحمت بس ذبحني الثقل زاد وزني عليه
..
اما السونار انا مرتين ماسويت ولدت و خبروني في الكشك بنوع المولود .. حسيته عادي بس اهلي ودوجي مرره تحمسوا
هالمره علمتهم بالجنس و هم عادي وانا مررررره ودي اولد متحمسه امسك نونو ولد بنت المهم اولد وارتاح 😍😍😍

السلام عليكم بنات .. وحشتوني ياحلوات .. الحمد لله على كل حال اللهم آجرني في مصيبتي واخلفني خيرا منها .. جاني نزيف ورحت المستشفى وبعد السونار قالولي ان نبض نونتي توقف وراح يدخلوني هالأسبوع ويعطوني طلق حتى تنزل .. حملي كان بدون تخطيط بس ربي العالم قد ايش فرحت فيه .. تمنيت هالبنوته من كل قلبي والله ماكتب تجي لدنيتي الحمد لله على كل حال والله يابنات أنا صابره ومحتسبه بس أول مره يصير معي كذا وكل شوي تنزل دمعتي غصب عني .. مرات يجيني ابليس ويقولي ماراح يجيك بنات شوفي بنتك ماتت .. اعوذ بالله من الشيطان الرجيم .. الحمد لله وجود اولادي خفف عني كثير بس يابنات أنا خايفه من الطلق ومن الألم ومن اللحظه اللي بشوف فيها نونتي طالعه للدنيا بدون حياه أنا ما أتحمل وأعرف نفسي ادعولي ربي يصبرني ويعوضني واذا احد فيكم مر باللي مريت فيه يقولي كيف الطلق بالتحاميل وكم ياخذ بنات ادعولي الله يسعدكم ويحقق امانيكم ويهون على الحوامل منكم ويحفظلهم بيبياتهم ..

ام يزودي الله يصبرك ويقوم مع ضعفك ويرزقك ويعوضك ويرزقني ويعوضني بالحمل السليم المعافى انا مريت بنفس تجربتك بس عمر حملي اصغر جلست شهرين تعبانه وكل مااتذكر لليوم اتعب
بس متأكده مانزل الا فيه خير لي ياقلبي والعوض من الله اجمل واحلى اصبري واحتسبي وحطي في بالك الله يعرف مصلحتنا لذلك اراد لك انه يتوقف النبض لسبب يعلم الله وتجهلي انت
قولي الحمد الله الحمد الله الحمد الله
الله يرزقني ويرزقك الحمل من غير حول منا ولاقوةه ويؤزقنا بنات صالحات بارات سليمات يقر بهم اعيوننا وتفرح فيهم قلوبنا

ام يزيدي
يا قلبي عليك .. شدة و تزول والله يعوووضك بالاحسن من هذا
وامر الله و نفذ ..شدي حيلك و ان شاء الله ربي يكرمنا جميعا بالبنات
تختلف قصصنا لكن الامل موجود وربي يكتب لنا البنات الصالحات