السؤال :
السلام عليكم أختي كان عند بعض الاستفسارات:
1-أنا لقيت فيتامين E مع فتامين C هل هذا صح؟
2-هل أخذه أنا وريلي مع بعض؟
3-من متى نبدأ نأخذه؟
الجواب:
هلا اختي ب
اوكي الحين بالنسبة حق فيتامين ِe هو بس حق الريال عشان يقوي الحيوانات المنوية الذكرية
وما اعرف صراحة اتوقع ما بيكون فيه اشكال اذا كان فيه بعد فيتامين C خليه ياكله عادي اما انتي عادي اتوقع اذا خذتيه ما بيكون فيه اشكال بس هو ما يغني عن عصير البرتقال يعني حتى لو خذتيه تمي اشربي عصير برتقال وايد ولازم يكون طازج
خذوه كل يوم الافضل طبعا وكل ما تطول المدة يكون الافضل حتى لو من اليوم عادي ما منه مضره
وانا حاضرة لاي سوال انتو مثل خواتي وانا حابه الكل يستفيد والله ان شاء الله يوفقكم
:39:الف الف الف مبروك للاخت جورمينا ماشاء الله تبارك الله والله فرحت لك والله يرزق كل الاخوات والله مايخيب ظن احد فيه وفعلا انا عند حسن ظن عبدي بي , الله يتمم لك على خير وتشوفينه انتي وزوجك في اتم الصحه والعافيه ولاتنسين الاذكار والاستغفار ولاتحرمينا من دعواتك لنا
الأمل*
•
طيب سؤالي لكي هل المرأة تتفاعل ام لاااااااااااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الصفحة الأخيرة
خواتي عندنا في منتدى ثاني وحده حاطه تجربتها مع الاسباب بالحمل بالولد والحمدلله حملت وربت ويابت ولد...والحين البنات يسآلونها وهي تجاوب وبصراحه كلامها واااااااايد مقنع...بسويلكم كوبي على شي من الاسئله والاجوبه..
السؤال:
انا ببدا بعد اسبوع النظام الغذائي الخاص بالحمل بولد وقريت في وااايد مواضيع ان لازم التزم فيه لمدة شهرين اقل شي (الله يعينا) وثاني شي جهزت عندي من الحين شراب اليوراليت يو عشان ابد فيه اذا الله راد بعد قررت من هالشهر اروح اتابع التبويض عند دكتوره بس عشان اتطمن عالتبويض وان كل شي اوكي...
بس في شي قريته في مواقع ووااايد فيه اختلاف قوليلي انتي شو رايج...
اول شي ان لازم الريال يوصل للرعشه قبل الحرمه ولازم الحرمه ما تتجاوب معاه...وفي ناس يقولولن العكس...
الشي الثاني...لازم الريال يخزن الحيوانات المنويه يومين او 3 قبل يوم الاباضه يعني ما ينزل خارج...وفي ناس اتقول لاااا لازم التفريغ يومي لان الحيوانات المنويه الذكريه تضعف...
الجواب:
بالنسبة اختي للنظام الغذائي انا ما سويته بالمرة اللهم في اسبوع التبويض قللت من الحليب والشوكلاته وكثرت من عصير البرتقال الطازج كنت اخذ كم من كوب في اليوم
كنت خلال فترة التبويض اقيس تقريبا ٣ مرات في اليوم نسبة القلوي في البول (عزكم الله ) عشان اتاكد ان نسبة القلوي في الدم عاليه وما نزلت عشان ساعات كان بسرعة ينزل الافضل طبعا يكون ٨ آو ٩ احسن شي بس اذا قل تمي اشربي عصير برتقال طازج والافضل يحتوي علي سكر شوي
بالنسبة حق الريال انا بعد قريت هالاشياء بس لما سالت الدكتورة الي فهمته منها ان الجماع لازم يكون من الخلف عشان تدخل الحيوانات المنوية بسرعة للرحم ولازم ما تتحركين بعد الجماع والافضل لو تتمين شوي لمدة خمس دقايق على هالوضعية عشان نعطي مجال للحيوانات المنوية عشان تدخل للرحم وبعدين ما تغتسلين الي الصبح عشان ما تنزل الحيوانات المنوية
بخصوص شرب القهوة قبل الجماع عشان ينشط الحيوانات المنوية والغسول بالماي البارد البارد قبل الجماع بثواني عشان يشل حركة الحيوانات المنوية الانثوية والافضل لا يسبق الجماع مداعبة ولا غيرة يعني تحطين مثل كوب او طشت صغير فيه ماي بارد بارد في الحمام او قرب السرير وتخلين الريال يتغسل فيه زين ويبداء الجماع على طول اما بخصوص اذا ينزل قبلها بيوم صحيح عشان مثل ما قلتي الحيوانات المنوية الذكرية تضعف بسرعة
اختي بعد فيه نقطة وايد مهمة لازم لازم تتاكدين ان البويضة نزلت في الرحم يعني تسالين الدكتورة بالتفصيل كم حجمها لازم يكون ١٨ آو اكثر لازم تكون نازلة في الرحم عشان لو كان حجمها كبير وما نزلت وبعدها تم الجماع الاغلب راح تكون انثى عشان الحيوانات المنوية الذكرية مشكلتها اذا ما حصلت البويضة في نفس الوقت تموت اما الحيوانات المنوية الانثوية تتم وايد في الرحم
اذا قالت الدكتورة او اقترحت تاخذين ابر التفجير الخاصة بالبويضة خذيهن عشان تنزل البويضة بسرعة
بنات اذا عندكم اسآله عطوني خبر وانا بسآلها...لان هذا السؤال كان سؤالي انا وردت علي الله يجزيها خير...