حـلا الشمـال :

ᶫآلْسّلاآمَ،عليكم،وُرِحَمُةُ،الله،وُبَرَگآتُهᶥ بذكر تجربتي عشان الكل يستفيد وعشان كثير طلبوهاا .. ابيكم تدعولي يقومني بالسلامه ويكمل فرحتي بشوفتهم .. اولا:تابعت في مستشفى الحبيب بالقصيم واخذت اشعه وكشوفات واتفقنا على الحقن المجهري واشتريت الابر التنشيط كلفت 3000 ريال .. بعدها رجعت للبيت اتصل فيني الدكتور المشرف علي ..اسمه الدكتور وليد بلغني ان الجهاز تبع الحقن تعطل لاتبدئي بالابر .سالت متى بيتصلح قال لانعلم.توهقت ورحت سالت عن افضل دكتور يعمل حقن ورشحولي بنات اطفال الانابيب الدكتور بندر عبدالكريم .لانهم كلهم متابعات عنده وعملياته ناجحه ماشاءالله ..خذيت الرقم راسلته واتس اب خبرته ب الي حصل معاي ووافق يستقبلني بالابر الي معاي والاشعه وطلب ارسلهم له واتس اب .وطلب اشعه تلفزيون باليوم الثاني للدوره عشان يتاكد وارسلتها له وقال ابدئي بالابر ..اسمهن ميغوون ..ست ابر كل يوم اول خمس ايام بعدين خمس ابر لمده اربع ايام بعدين اربع ابر لمده ثلاث ايام ..مع ابر تحت الجلد عشان تمنع نزول البويضه بكيير .. طبعا الدكتور متواصله معاه واتس كل شي يطلبه اسويه وارسله له لاني بالشمال وصعب اروح واجي ومشاوير ..تعالجت من الالتهابات كانت عندي قرحه بعنق الرحم وعملت تحليل لزوجي وارسلت .. طلب مني الدكتور اشعه كل ثلاث ايام لين وصل اليوم الموعود وكتب لي ابرتين تفجيريه قوه 5000 الوحده.. وقال تاخذينها الساعه11 بالليل وبعد بكره الصباح القاك عندي بالعياده.. خذيتها وسافرت الصبح اليوم الثاني للرياض دخلنا المستشفى .طبعا اعطوني توصيات ماتحمم بشي عطري ممنوع الاكل الحار اكل المطاعم السلطات المعلبات . لمادخلنا قالو حابين تدفعًون كاش والابعد اثناء العمليه .دفعنا سحب البويضات واخذ عينه الزوج 9000 ودخلوني غرفه انا وزوجي خاصه عشان العينه وبعدها دخلوني غرفه عمليات سحبو 27 بويضه .وقالو نبلغك بعد يومين قد ايش تلقح وبالنظام كشف سبع بويضات عن جنسهم ذكور اواناث لوطلعًو اناث فشلت.فزودنا ثلاث بويصات على السبعه ب 3500 .والترجيع كلف 9000وقالو بعد خمس ايام فيكم تروحون وترجعون بعدين..طبعا رحنا نتمشى لاشغله ولامشغله بالرياض خمس ايام صعب نروح ونرجع.باليوم الخامس اتصلو فينا الصبح قالو الظهر تجي العياده عندك ترجيع اجنه طلع معاك سبع اناث وثلاث ذكور .والله يابنات جلست ابكي من الفرحه مادري ايش فيني ..طبعا السحب تخدير كلي .الترجيع الاجنه للرحم وانتي صاحيه كانه كشف نسائي واشوفين الاجنه واهم يدخلونها للرحم بالتلفزيون والله شي يبكي .اولاد ومضمون بعد الله..عمليت الترجيع ربع ساعه وطلعت ساعتين للغرفه الافاقه بعدها رجعت الشقه ومنعنا من السفر يومين ..طبعا عطورات بخور طعام مطاعم ممنوووووع الله لايوريكم والله اكلي حليب سعوديه ونشاء مع ماي واشياء خفيفه مثل بيض جبن رز على ماي وملح زوجي مسويه خخخخ ماينبلع بس الصبر زين..وسافرنا بالسياره منسدحه ورى .طبعا الاجنه الذكور واحد من الدرجه الممتازه واثنين من الدرجه الثانيه..وخذينادفستون تثبيت وتحاميل جيلوكست . وقال بالبيت مننوع اي طعام مطاعم كله اكل بيت وماتتحركي ..لين وقت التحليل..حللت ب اليوم العاشر هرموني وطلعت حامل 😭 يافرحه شايلتني مادري ويش اسوي حامل وباولاد .خاصه للي مثلي عندها سبع بنات.. كلمت الدكتور زود المثبتات واعطان مغذي واشعه بعد شهر ونصف يتاكد من النبض وكم كيس .رحت على اربعين يوم حصلت كيس واحد حمدت ربي لاني وقتها خايفه من كيسين عشان اضمن حملي . بعدها عملت اشعه بعد شهرين ونصف طلعو كيسين .قلت للدكتور واعطاني موعد للربط عشان يكون امان للاجنه ماتنزل اويجهض فيهم واحد..طبعا مواعيدي انتهت مع الدكتور من كملت اربع شهور وتابعت بالحكومي لانه انتهى دورهم .وهذاني اصارع الالم وابشركم حيه للحين 😅 بس لوتشوفوني بتنحاشون ..العمليه كلفت كامله مع السكن والمصروف والمستشفى ست وعشرين الف ..طبعا يابنات ايام التنشيط موسهله لازم امشي ساعه يوميا عشان الماي ماينحبس بالجسم وتفشل العمليه وبيتي فضيته من الروائح العطريه .ورتبت وضعي بكل شي من بدري .اللهم لك الحمد ..الله يرزقكم بالذكور الصالحين عاجلا غير اجلا ..واي استفسار انا حاضره

ᶫآلْسّلاآمَ،عليكم،وُرِحَمُةُ،الله،وُبَرَگآتُهᶥ بذكر تجربتي عشان الكل يستفيد وعشان كثير...