مـــاشـــاء الله ، تــبــارك الــرحــمــن ..
هذا ملفي الرابع وبإذن الرحمن راح يحوي على وصفات لبعض أنواع الخبز وبعض عجائن البيتزا والصلصات ومعجنات منوعة سواء للتقديم أو لليوميات وحشوات مختلفة ولذيذة وبعض الفطائر الحلوة ، وراح يكون متجدد بإذن الرحمن ، وإن شاء الله يعجبكم ..
كل القياسات بالأكواب والملاعق القياسية ..
راح أبدي الملف بهذي البيتزا اللتي بعطيج نتيجة ألذ من بيتزا هت نفسها ، والسر بخليط الاجبان ..
البيتزا المثالية "العجينة الأولى" ..
المقادير:
3 1\2 ك طحين القمح "طحين خبز"
ك طحين أبيض
م ك ملح
3 م ك سكر
2 م ك خميرة فورية
1\8 م برش زنجبيل طازج
1\4 م فلفل ابيض
1\2 م ثوم بودرة
م ك بصل بودرة
م ك خليط الاعشاب المجففة "أوريغانو + حبق + مرقدوش + روز ماري < تخلط بكميات متساوية وتطحن ناعم"
8 م ك زيت زيتون
تقريبا 2 1\2 ك ماء دافئ "ممكن اكثر أو اقل "
صلصة بيتزا "طريقتي موجودة بالرد رقم 7"
خضار على ذوقج "فليفلة خضراء باردة ، فطر "مشروم" ، ذرة ، زيتون ، افوكاتو ، أناناس ، كرفس ، طماطم ، بصل وكل شي تحبينه "
لحوم على ذوقج "ببروني ، سلامي ، لحم مفروم ، نقانق ، مرتديلا ، دجاج ، روبيان ، ديك رومي ، تونة "
والسر بخليط الأجبان "جبنة قشقوان ، جبنة ادم ، جبن رومي ، جبن برميزان ، جبن كرافت ، جبن موتزريلا " <جميعها مبشورة لتحصلي على ألذ بيتزا يجب استخدام جميع الأجبان وبكميات كبيرة ..
..
وهذي صورة بعض الأجبان اللي استخدمتها ..
وهذا الطحين اللي استخدمته لهذه الوصفة ..
وهذا الببروني ..
وهذا السلامي ..
وهذا السميد لتنفيض الصواني "سميد ناعم واطحنيه شوي بس بالمطحنة "..
الطريقة:
ذوبي الخميرة مع 2 م سكر وك ماء دافئ وخليهم لمدة 10 دقايق عشان تفور الخميرة ..
اخلطي باقي المقادير بالعجانة وضيفي لها الخميرة ..
واعجنيها لمدة 20 دقيقة ستحصلي على عجينة لينة ولا تلتصق باليد ، ضعيها بطبق مدهون زيت زيتون "تقريبا م ك " وغطيها واتركيها ساعة الى ساعة ونص بمكان دافئ ..
وهذي العجينة بعد الاختمار ..
رشي صينية البيتزا ببخاخ الزيت ثم انثري شوي من السميد ..
افردي العجينة على سطح الطاولة ثم افرديها في صينية البيتزا ، وممكن تخرميها عشان ماتنفش وياج ..
وهذي الخطوات اللي اتبعتها للفرن من نصائح قلبي دردشة "الله يقومها بالسلامة ويرزقها الذرية الصالحة البارة اللهم آمـيـن " وانا معتمدتها لأغلب المعجنات ..
وهذي بـعـض أنــواع الـبـيـتـزا ..