قصة ولادتى




يوم الأحد تاريخ 28-11
كانوا معطني دخول علشان الطلق الصناعي
وصلت لهم على الساعة 7 الصبح ورحت قسم الدخول الا تقول لى مافي غرف الا اللى فيها اربع اسرة
قلت لها مب مشكلة وسجلت حق غرفة خاصة كان رقمي 27

رحت الغرفة وأول ماشافتني الممرضة قالت لى أول مانحصل لج غرفة بنوديج لها
لأنها مأساة كلهم اجانب وريايلهم عندهم احسه عيب لأنهم اغلبهم فيهم ولادة
جاني ريلي وجاب اغراضي كنت حاط لى ملابس احتياط وماي زمزم مقرأ فيه آيات تسهيل الولادة وراح وتميت لين 8 ونص وجات أمي لأن عندها موعد
وعلى الساعة 11 جات الدكتورة
تكشف هي حست أني متوترة وراحت تهديني تقول هو يعور شوي بس اخذي نفس
هو صج كان يعور بس عادي مادري ليش كانوا يخوفوني واللى احذاي يوم كشفوا عليها شلت المكان عليهم
حصلته فاتحة 2سانتي وان عنق الرحم لين بنسبة 80 %
الحمد الله وكان الجهاز يبين ان فية طلق كنت احس بألم بس على بالي عادي لأن من بداية التاسع وأنا احس فيه ويروح

قالت لى الدكتورة يا ان نحط لج الطلق في الوريد وهو الأفضل لحالتج ولا تحميلة ولا جل
قالت بنكلم الاستشاري وبنرد عليج وظهر اني في تيم الدكتور رياض
راحت ورجعت قالت بنفتح لها الماي وبنحط الطلق في المغذي
الا أمي شلون بتفتحون الماي وهو توه فاتح بس 2 سانتي
تقول لا عادي

ماتميت ربع ساعة الا جاية الممرضة تقول يالله بننزل غرفة الولادة
حسيت خلاص مافي مفر وان السالفة بسرعة صارت
صليت الظهر وبدلت ملابسي وريلي يتصل يحاتي وأنا ماابي اقول له لأني اعرف بيقعد بياكل في عمره
قلت له بينزلوني الولادة

نزلت وحطوني في غرفة 3 حطت المغذي وركبت جهاز التخطيط
عقب عطتني الحقنة وشلت المغذي والتخطيط وقالت لى امشي ولين حسيتي بتروحين الحمام اكرمكم الله روحي
بس شنو سوي مغص مايسوي على الوحدة رحت الحمام ومارجعت الا الدكاترة جاوا وراحوا وقالوا الساعة ثلاث بنرجع كانت الساعة 1 الظهر

جاوا على الساعة ثلاث وكشفت الدكتورة حصلته فاتح 3 سانتي
الا تقول لى ينزل عليج ماي قلت لها لا وتفتح الماي وتحط الممرضة الطلق في المغذي
ومن وقتها والألم من صج مو مساعة عادي

نسيت اقول لكم من أول مانزلت وهم تبين أبرة الظهر انت بكرية وبطولين وماتقدريين
والممرضة تقول لى كل بكرية تقول ماتبي أبرة الظهر بعدين لين زاد عليها الالم تقول أبيها

قلت لها مابيها وزين ان أمي عندي تشجعيني

قالوا على الساعة 6
وأنا احس نفسي خلاص مب قادرة استحمل والجهاز اعتقد مب مركب عدل لانة يبين ان الطلق توه
أمي تقول لها نادي الدكتورة وهي تقول لا بكرية بطول وزيدون جرعة الطلق
طلبت أبرة مسكنة اللى في العضل
وعطتني الاكسجين
وكنت اخذة واضغط بقوة على خشمي على بالي جذية يشتغل والممرضة تقول لى بس تنفسي وانا في عالم ثاني
وعمتى عقب تضحك على تقول لى ماشفتي خشم أحمر زين ماكسرتية

أمي تقول لى شوفي شكثر بين الطلقة والثانية اذا صار بينهم دقيقة ان خلاص قربتي
اقول حق امي خلني ارتاح ومابي اشوف الساعة
دشت على عمتى قرات على آيات تسهيل الولادة وأنا خلاص في عالم ثاني الأكسجين ما نه فايدة تحسين بألم بس يخليج بين الطلق والثانية دايخة

على الساعة 6 جاني دكتور وكشف على الا فاتح 9 ونص
والممرضة مناديتة علشان يزيد الجرعة
الحمد الله قربت
قالت لين حسيتي عمرج بتدفعين ادفعي
واحس عمري خلاص اقول لها خلاص مااقدر ظهرت أمي
علمتني شلون يدفعون و تميت فترة لين ستوعبت شلون من ألم ماابي اسمع احد ولا اشوف أحد
كنت قبل اصيح تحول لصراخ مع أني قايلة ما ابي اصارخ بس الصرخة حزت الدفع تظهر بروحة
وأنا اقول لها بدفع خلاص تقول لى ادفعي على جنب وأنت مسكرة ريولج شلون ادفع وأنا على جه وحدة ولا مسكرة ريلي
تقول لأن رأس البيبي نازل على جهة وحدة
جاني الدكتور ويقول احنا لازم نولدج الحين ساعديني لين جاج الألم دفعي
تميت من الساعة 6 وربع لين الساعة 7 ونص وأنا فاتح عشرة وادفع وما في فايدة
جانوني ثلاث دكاترة والغرفة انترست ممرضات وكلن يشجع
يقول لى لازم تدفعيني بنحاول معاج أخر مرة اذا ماظهرت بنستخدم الشفاطة علشان البيبي لان الساعة جات 8 ونص
ودكتور تحت واحد فوقي يضعظ على بطني ويهزني
ودفعت دفعت وظهرت مريومة حسيت روحي ظهرت
ظهروها وحطوها على بطني وماصاحت خفت لايكون فيها شئ
قصوا الحبل السري شلوها وودها على الطاولة الكشف الا تصيح ارتحت
شعور ماينوصف الله لايحرم أحد منة

هم من الساعة 6 وربع وهم قايلن لهم عشرة دقايق وبتولد وكلهم ينطرون واتقول ونطر لين الساعة 8 ونص تقول خفت يحولونج قيصري

قعد يسوي مساج حق بطني وجاتني طلقة وظهرت المشيمة
وقعد الدكتور يخيط وعقب ماخلص وقال لى عنق الرحم عندج رقيق وتجرح وايد ايقول بحط فوطة اذا تميتي تنزفين برجع بخيطج خلاني ساعتين
ودخلت على أمي وعماتي أختى ويديتي غرفة الولادة يباركون لى
وظهروا
الساعة 11 رجع دكتور بس مب اللى خيطني اللى كان فوقي يضغط على بطني
وكشف ويتحندي على الدكتور اللى قبل انه شلون مخليني انزف
ويرد يخيط مرة ثانية
عاد البنج اللى كانوا حاطينه علشان الخياطة فج صرت ا أحس بالأبرة

تقول لى الممرضة توقعت تولدين لين خلص شفتي لأن البكرية طول من جذية كانت مفهي وأنا اقول لها خلاص
على الساعة 12 ونص ودوني غرفتي
والحمد الله تسهلت من البداية حطوني في غرفة خاصة

ريلي قعد ينطر لين الساعة 11 يوم شاف اني طولت رجع البيت مع عمتى
ماوعين فيه الا راجع المستشفي يقول مايهياني قلبي ارجع وماشوفكم

و الموقف الثاني
تقول يدتج داشة تسأل عنج اذا ربيتي ولا لا الا تقول اسم أمي
تقول أنا اسمع احد يقول اسمي رحت لها
الا تقول لها أمي يمي غير الموجة الحين أحد غير يربي < أمي وحيدة يدتي >
وطول ما انا اربي تقول الدعاوي كلها حق أمي

تقول كانت بطيح علينا يوم سمعتج فظهرناه برع
الله يخليها لنا ان شاء الله


أخر شئ
في ممرضة قعدت تسولف معانا تقول لى لاتخذين أبرة الظهر
لأن الوحدة حزت الدفع ماتعرف وتقول يأما يحولنها قيصري أو يستخدمون الشفاطة ولا بيضغطون على بطنها
تقول أنا استحمل بس ما يصير في بيبي شئ

أول ثلاث أيام كنت ما اقدر لا اقعد ولا امشي من الجراحة لأنها كبيرة من داخل ومن برع
بس الحين الحمد الله أحسن من قبل
بس بسألكم شكثر تم الخيوط قبل لا تطيح ؟


دعيت لكم كلكم باساميكم حزت الطلق ان الله يرزقكم ويتمم على الحوامل يارب

الحمد الله على تمام النعمة

بنات ادري ان الكلام كله اخطاء املائية
بس كاتبتة على السريعة قبل ماتقوم مريومة

يا ربي يا بنات يرزقنا كلنا توأم هالسنة و على ٢٠٢٢ ان شاء الله يكون عمرهم ١٠ أو ١١ سنة يارب .. << دعوة للتفائل .


عامر
متى عمليتج ؟؟


ريج البنفسج
الحمد لله على السلامة و تتربي في عزكم مريومة ..
و انا مب قلت لا تفشلينا و تصارخين خخخ على العموم حزة الدفع اصلا تطلع اصوات غريبة خخخ بس ترى ابرة الظهر عادية و انا اعرف بكريات خذوها و مافيهم الا العافية انا ربي ما كتب اني اخذها بس كنت ناوية على العموم الحمد لله افتكيتي و مواقف الولادة وايد و لا غير الطنازة عليج بعد ما خلصتي كل واحد يتذكر شي .. بس ما شاء الله عليج بطلة ترى الطلق الصناعي اللي في الوريد وايد حار ترى لو ربي كتب لج طلق عادي بيكون اخف شوي لان سبحان الله تسلسل الطلقات يكون اهون على كلام المجربين .

الخيوط على حسب ناس انا نظيف على ٢٢ يوم و كان للحين في خيوط ما طايحة .. انا و الله استعملت ميبو و ارتحت عليه لان يرطب شوي لان الخيوط اذا نشفت تصير يابسة و تعور فالميبو يلين شوي و يخفف الالم بس ريحته خاااااايسة ..

الحمد لله على السلامة اهتمي في نفسج و تغذيتج و الله يحفظ لج مريومة .

ام اسمى
نسيت ارد عليها امس .. مشتاقين لج وايد وايد .. رجعي لنا بالسلامة و طرشي لنا شوية ثلج عن خاطرنا :)

بسم الله الرحمن الرحيم


جدول التجمع

ـ{ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ}53


((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا(( سورة نوح


المساندات أو في مرحلة التفكير
-----------------------------------------------
الصبورة
سكون
القطوة ميمي
nonaa



:)المنتظرات لإعادة المحاولة - المقاتلات

---------------------------------------------------------
Code (بيبيات مثلجين :42:)
hr5
أم اسمى
الواله
مهـــاوو
بيت سعيد




المقبلات على العلاج)في انتظار المواعيد(
----------------------------------------------------------
لايوجد


:)بعد الابرة التحضيرية و في انتظار الدورة
------------------------------------------------------------
لايوجد



:)في مرحلة التنشيط أو التحضير للمجمد
----------------------------------------------------
nano03


مرحلة الابرة التفجيرية و السحب و الارجاع

-----------------------------------------------------------
عامر قلبي



:)أسبوعين الانتظار ( الله يصبرهم يا رب(
------------------------------------------
لا يوجد


:)الحوامل ما شاء الله
------------------------------------------
عضوه ذهبيه
واااااااااو
ضحكت بنتي
لين ١٩٨٠
بنت الظهران


:04:الأمهات ما شاء الله :icon28:
------------------------------------------

احب اترابك يالبحرين
احسان
{ غير ~
روضة٢٤
ام الولد الحلو
غلا قطر
ريج البنفسج


لو حد حاب اضيفه يخبرني ..:04:
الحوامل ودي ارتبكم بترتيب الولادة مين بتولد قبل لو سمحتوا و كل وحدة تعطيني تاريخ ولادتها !!!؟؟؟

الحمدلله على سلامتج تصدقين انا قبل لااولد قلت لو فيني صراخ بولادتي رح اصرخ ومايهمني الناس لكن سبحان الله من كثر الالم ماقدرت اطلع صوتي الا باشهد ان لااله الا الله محمدا رسول الله ودموعي اربع وماقدرت ادفع من الالم ولكن اظطروا يستعملو الشطاف وعلى طول طلع والحمدلله
كود عمليتي يوم الاثنين الجاي